Пасьля пяці пілігрымак – зноў на адваяваным месцы свабоды ля «сіняга дому»
Цягам лета месьцічы толькі некалькі разоў маглі бачыць Барыса Хамайду на пляцоўцы ля «сіняга дому», дзе ён звычайна дзень у дзень распаўсюджвае незалежную прэсу. Калі ж найстарэйшы віцебскі апазыцыянэр нарэшце зноў зьявіўся на звыклым месцы, то ласкава пагадзіўся расказаць карэспандэнту ВВ, куды зьнік і дзе быў.
На Крапівенскім полі адзначылі чарговыя ўгодкі Аршанскай бітвы
8 верасьня ў гонар 504-х угодкаў Аршанскай бітвы мясцовыя актывісты ўсклалі кветкі да памятных знакаў. Як і ва ўсе апошнія гады, імпрэзу зладзілі выключна добраахвотнікі: мясцовыя улады ігнаруюць гістарычнае месца, дзе ў 1514 годзе войска ВКЛ разьбіла значна большае маскоўскае.
У Сеньненскім раёне на таргі выставілі дамы разам зь іх жыхарамі
У Віцебскай вобласьці ліквідаванае чарговае сельгаспрадпрыемства. Гэтым разам пад нож патрапіла ААТ «Пурплева» (Сеньненскі раён). Маёмасьць банкрута (будынкі, збудаваньні, тэхніка і іншыя актывы) выстаўленая на таргі. Былым супрацоўнікам прапануецца праз таргі выкупіць сваё жытло. Але калі знойдзецца іншы пакупнік, які запрапануе вышэйшы кошт, то ўладальнікам іх дамоў стане ён.
Актывісткі БХД пагутарылі са службоўцам аблвыканкаму пра мэдыцыну
Трое актывістак аргкамітэту партыі БХД сустрэліся 5 верасьня з начальнікам упраўленьня аховы здароўя Віцебскага аблвыканкаму Юрыем Дзеркачом. Дзеля загадзя заплянаванай сустрэчы з чыноўнікам Тацяна Севярынец і Ірына Захарава вырашылі не ісьці на судовы працэс, фігурантамі якога яны зьяўляліся. Апроч іх, удзел у сустрэчы ўзяла актывістка Алена Шабуня.
Ці магчымыя эфэктыўныя эканамічныя рэформы без палітычных? «Крэш-курс рэфарматара» даў адказ
У Віцебску 5 верасьня прайшла адкрытая размова-лекцыя «Крэш-курс рэфарматара: як пабудаваць новую Беларусь». Арганізатарам стала беларуская грамадзкая арганізацыя «Цэнтар новых ідэяў», а ў якасьці сьпікераў выступілі Алесь Аляхновіч, асьпірант Варшаўскай школы эканомікі, і віцэ-прэзыдэнт Цэнтру сацыяльных і эканамічных дасьледаваньняў «CASE Belarus» ды заснавальнік «Цэнтру новых ідэяў» Рыгор Астапеня.
Археоляг: Земляныя працы каля тэатру “Лялька” ў Віцебску – пад наглядам, па Пушкіна – не...
Земляныя працы па рэканструкцыі цепласеткі, якія вядуцца ў гістарычнай частцы Віцебску (Верхні замак), выклікалі занепакоенасьць гараджан – экскаватары ўразаюцца ў гістарычны слой. Цяпер – і на Замкавай гары, каля тэатру “Лялька”. “Віцебская вясна” папрасіла пракамэнтаваць сытуацыю археоляга Аляксея Белавусава – давераную асобу Інстытута гісторыі НАН РБ.
Актывістак БХД аштрафавалі бязь іх удзелу ў судовым працэсе
Суд Першамайскага раёну Віцебску за пікетаваньне рэстарацыі «Паедзем паядзім» аштрафаваў 5 верасьня дзьвюх віцебскіх актывістак аргкамітэту партыі БХД Ірыну Захараву і Тацяну Севярынец.
«Дэманстратыўна стаяла каля брамы рэстарану»: віцяблянку аштрафавалі за варту ў Курапатах
Судзьдзя віцебскага раённага суду Міхаіл Зубеня 5 верасьня прысудзіў 12 базавых велічыняў (294 рублі) штрафу віцебскай актывістцы аргкамітэту партыі «Беларуская хрысьціянская дэмакратыя» Алене Янушкоўскай.
На віцяблян завялі крымінальную справу за паклёп на пракурора
Упраўленьне СК РБ па Віцебскай вобласьці распачало крымінальную справу па ч.2 арт. 188 КК РБ (Паклёп) супраць віцяблян Рафаэля Кірылава-Шмільхольдхарда і доктара-праўдаруба Ігара Пастнова. Падставай стала заява пракурора гораду Віцебску Юрыя Раманоўскага.
Праваабаронцы б’юць трывогу: у віцебскім Верхнім замку зьнішчаецца культурны слой
У гістарычнай частцы Віцебску (Верхні замак) ад жніўня вядуцца працы па рэканструкцыі цеплатрасы. Экскаватарамі былі адкапаныя і выкінутыя на паверхню часткі драўляных канструкцый – цалкам магчыма, што маставой XIV стагодзьдзя. Пацьвердзіць здагадку ў археолягаў пакуль не атрымалася. Але праваабаронцы б’юць трывогу.