Аршанскі райвыканкам адказаў на электронны зварот жыхароў Воршы, у якім яны патрабавалі забараніць будаўніцтва ў горадзе праваслаўнай царквы на вуліцы Язэпа Драздовіча ў Задняпроўі. “Колькасьць праваслаўных храмаў, неабходных для правядзеньня набажэнстваў, вызначае Царква без умяшаньня дзяржавы…” – гаворыцца ў адказе.

На сьвята Усьпеньня Найсьвяцейшай Багародзіцы 28 жніўня па цэнтральных вуліцах Віцебску прайшоў традыцыйны хросны ход. У рэлігійным шэсьці ўдзельнічала каля 500 чалавек.

Нягледзячы на адмену 25-й пешай грэка-каталіцкай пілігрымкі ў гонар пяці манахаў-базылянаў, забітых расейцамі ў 1705 годзе ў полацкай Сафіі, некалькі вернікаў прайшлі ўсё ж такі шляхам пілігрымкі зь Віцебску да Полацку ў прыватным парадку –  за 4 дні замест ранейшых пяці.

Прадстаўнікі Руху салідарнасьці “Разам” Вячаслаў Сіўчык і Алена Талстая пабывалі ў Віцебску і запрасілі мясцовых актывістаў узяць удзел у форуме “Беларуская інтэлігенцыя ў падтрымку Беларускай аўтакефальнай праваслаўнай царквы”, які адбудзецца 17-18 жніўня ва ўкраінскім Чарнігаве.

Віцебскія грэка-каталікі адклікалі заяўку на правядзеньне юбілейнай пешай пілігрымкі ў Полацак, бо ўлады выставілі непасільны рахунак за “абслугоўваньне масавага мерапрыемству”. Тым ня менш, сьвяткаваньне 25-й пілігрымкі адбудзецца, запэўнівае адзін з арганізатараў хроснага ходу сьвятар Зьміцер Грышан.