Яшчэ некалькі кар’ерных узлётаў для суддзяў, якія выносілі выракі па палітычна матываваных справах
Як мы ўжо пісалі, паводле Указа Аляксандра Лукашэнкі “Аб прызначэнні і вызваленні суддзяў” №46 ад 12 лютага на падвышэнне пайшла суддзя Іна Грабоўская – яна вынесла прысуд ксяндзу Анджэю Юхневічу і неаднаразова карала суткамі і арыштамі жыхароў Віцебска і Шуміліна. Замест яе на пасаду старшыні Шумілінскага райсуда прызначана Ірына Жарова. Яе перавялі з Наваполацкага гарадскога суда. Там, на пасадзе суддзі, сярод іншых яна пакарала за ўдзел у пратэстах 2020 г. расонскага прадпрымальніка Дзмітрыя Цюкаева.
Суддзя, якая асудзіла ксяндза з Шуміліна, пайшла на падвышэнне
Паводле указа Аляксандра Лукашэнкі “Аб прызначэнні і вызваленні суддзяў” №46 ад 12 лютага адбыліся змены ў кадравым складзе судзейскага корпуса Віцебшчыны. Так, Іну Грабоўскую, якая 5 год адпрацавала старшынёй Шумлініскага райсуда, перавялі на пасаду суддзі ў Віцебскі абласны суд. Самым гучным працэсам на ранейшай пасадзе быў суд над святаром Анджэем Юхневічам, пробашчам парафіі Маці Божай Фацімскай, затрыманым у траўні 2024 г.
Яшчэ двое ўраджэнцаў Віцебшчыны трапілі ў “экстрэмісцкі спіс” на сайце МУС
Гэта 34-гадовы аршанец Рычард Логвінаў і 51-гадовы ўраджэнец Віцебскага раёна Аляксей Нядзвецкі. Абодвух асудзілі па “справе Гаюна”, але старэйшага – і яшчэ па двух палітычна матываваных артыкулах.
Дэпутат адсправаздачыўся перад выбаршчыкамі. Лічбы сведчаць пра зніжэнне ягонай актыўнасці і недавер народа
Уладзімір Бабічаў - дэпутат Палаты прадстаўнікоў, які балатаваўся па Талачынскай акрузе №30, куды ўваходзяць 4 раёны і нават больш: Талачынскі, Сенненскі, Дубровенскі, Лёзненскі і частка Аршанскага. Праз раённую газету “Голас Талачыншчыны” ён распавёў пра сваю дзейнасць за 2025 год – а гэта ўжо другі год ягонага дэпутацтва. Калі параўнаць са справаздачай за першы, то відавочна, што Уладзімір Бабічаў не надта шчыраваў у працы з насельніцтвам. І яно ў сваю чаргу таксама не вельмі імкнулася звяртацца да дэпутата па падтрымку.
У Шаркаўшчыне паставяць тры бюсты славутых землякоў
Бюсты мастака Язэпа Драздовіча, садавода-селекцыянера Івана Сікоры і Героя Савецкага Саюзу Рамана Кудрына будуць створаны аўтарскім калектывам пад кіраўніцтвам віцебскага скульптара Аляксандра Гвоздзікава. Ад гэтага калектыва была пададзена адзіная заяўка на конкурс, абвешчаны Шаркаўшчынскім райвыканкамам.
У Дубровенскі раён прыбылі першыя працоўныя міранты
Чатырох грамадзян Туркменістана засялілі разам у адну кватэру і накіравалі на працу ў ААТ «Боброво-Агро». Усе чацвёра працуюць на ферме. Спецыяльнай адукацыі замежнікі не маюць. Іх навучаюць “за калёс” – настаўнікамі прызначаюць суайчыннікащ, якія прыехалі на некалькі дзён раней. Мінімальнага ўзроўню ведання рускай мовы хапае, каб зразумець, што ад іх патрабуецца.
Мёрская раёнка рэкламуе фільм прапагандыста Азаронка
Як піша сайт раённай газеты горада Мёры, з 12 лютага ў кінатэатрах краіны адбудзецца прэм'ера фільма Нацыянальнай кінастудыі "Беларусьфільм" "Душа защитника".
У Віцебску “падвояць” лядовы палац
Да наяўнага Палаца спорта, адчыненага ў 1999 годзе, прыбудуюць у паўтары разы большую па плошчы "Витебск-арену", дзе ўласна лядовая арэна разлічана на 4,2 тысячы гледачоў ( тая, што ёсць у “старым” будынку, змяшчае 1900 гледачоў). Колькі новы гмах будзе каштаваць бюджэту, гараджанам не кажуць. Віцябляне адзначаюць, што цяпер у горадзе побач апынуліся ажно тры “знакавыя” аб’екты сучаснасці: Плошча герба і сцяга і адразу два лядовыя палацы.
У Глыбоцкім раёне людзі працуюць у холадзе, без належнага адзення, сродкаў абароны і вады
Гэта было выяўлена падчас так званага месячніка "Аб забеспячэнні бяспечных умоў працы ў зімовы перыяд", які прайшоў у Глыбоцкім раёне. Пра дадзеныя парушэнні паведаміў сайт раённай газеты “Веснік Глыбоччыны” 5 лютага.
“Аварыйную” віцебскую школу №10 вырашылі ліквідаваць
Школа на вул.Путна больш не прыме вучняў: вырашана, што дзеці будуць вычыцца у іншых школах горада. Віцебскі гарвыканкам прыняў рашэнне № 1703 «О реорганизации государственного учреждения образования «Средняя школа № 10 г. Витебска» с 01.09.2026 путем присоединения к государственному учреждению образования «Средняя школа № 5 г. Витебска имени Г. И. Богомазова». А ўсё пачалося з таго, што ў школе 1937 года пабудовы ледзь не абвалілася столь – не вытрымалі кроквы.