У міжнародны вышук абвясцілі музыку Сяргея Доўгушава, ураджэнца Аршаншчыны
Яго імя і прозвішча з’явіліся ў базе вышуку 13 лістапада, але ў ёй не пазначана, за якія правіны шукаюць вядомага спевака, музыку, ініцыятара “Спеўных сходаў”, папулярызатара народнай культуры і грамадскага актывіста. Вядома толькі адно: яго падалі ў вышук на запыт МУС. Унясенне ў міжнародную базу вышуку азначае, што чалавека могуць затрымаць у Расіі і Беларусі, іншых дзяржавах-удзельніцах СНД, а таксама выдаць з тых краін, якія падтрымліваюць беларускі рэжым.
Жыхарка Дуброўна запісала відэаролік, дзе просіць сына вярнуцца з расійскай арміі
Вольга (аўтарка відэароліка) кажа, што на сувязь сын выходзіць з казармы, дзе шмат такіх самых маладых хлопцаў, у тым ліку беларусаў. Яна лічыць, што іх мэтанакіравана схіляюць да падпісання кантрактаў. Таму яна звяртаецца да Аляксандра Лукашэнкі з пытаннем, чаму беларускім хлопцаў дазваляюць пагаджацца на ўдзел у вайне, да якой Беларусь не мае дачынення. Яе сын Максім пад нікам “Беларус” адказвае ў каментарах, каб маці не хвалявалася. У яго на аватарцы – дзяржаўны беларускі сцяг.
У Паставах распачалі другі этап збору "антыкарупцыйных ананімак". Пра вынікі першага - не паведамляюць
Каля ўваходу ў Пастаўскі райвыканкам таксама ўсталявалі паштовую скрыню для ананімных паведамленняў пра выпадкі карупцыі, а таксама пра факты хабарніцтва і вымагальніцтва. Яго называюць "сродкам аператыўнай сувязі" і папярэджваюць: "чем конкретнее и предметнее изложены обстоятельства, тем выше шанс, что информация будет проверена по существу". Атрымліваецца, шанцы дастукацца да адказных структур і без таго не надта вялікія...
"Аршанская газета" больш не сцвярджае, што ў яе гонар прыдумалі новы торт
Імаверна, прыслухаліся да крытыкі. Цяпер выданне піша пра торт "Оршанска.бай" вельмі сціпла: маўляў, ён "стал хитом продаж. Действительно вкусно и качественно. А главное, из натуральных ингредиентов". Адно што дэманструе выяву кавалачка торта побач з інфармацыяй пра падпіску на "раёнку".
Звесткі пра асобаў з пераліку "экстрэмістаў" засакрэцілі канчаткова?
Выдалены Telegram-канал «Экстремисты Беларуси», на якім публікаваліся абнаўленні пераліку «асоб, датычных да экстрэмісцкай дзейнасці». Гэта яшчэ раз падкрэслівае намеры МУС пра засакрэчванне інфармацыі пра рэпрэсіі па палітычных прычынах, якія не спыняюцца з 2020 года.
Ужо месяц, як на сайце МУС не могуць вырашыць “тэхнічныя праблемы” са спісам “экстрэмістаў”
8 кастрычніка на сайце Міністэрства ўнутраных спраў з’явілася абвестка пра тое, што «з тэхнічных прычын” старонка, на якой штотыдзень публікаваліся абнаўленні ў спісах асобаў, “датычных да экстрэмісцкай дзейнасці” і “экстрэмісцкіх фармаванняў” не працуе. ”Часова недасяжная» напісана там і дагэтуль. Тэрміны ліквідацыі гэтых “тэхнічных прычын” не ўказаныя.
Пад Віцебскам прадаецца былая рэзідэнцыя Лукашэнкі
Афіцыйная назва аб’екта на сайце Віцебскага цэнтра нерухомасці – “База адпачынку “Крупеніна””. Яе ўжо абвясцілі ў продаж, хаця кошт яшчэ не названы. База адпачынку месціцца за 30 км ад Віцебска на беразе возера Бораўна, гэта недалёка ад мяжы Віцебскага і Бешанковіцкага раёнаў. Яе збудавалі ў 2000 годзе, і якраз тут адпачываў Аляксандр Лукашэнка падчас візітаў на фестываль “Славянскі базар”.
Копію пратакола ператрусу не далі, бо там “таямніца асабістых дадзеных”
Такія тлумачэнні апошнім часам пачулі некалькі жыхароў Віцебшчыны. На патрабаванне пакінуць копію пратакола ператрусу і спіс забраных рэчаў ім адказалі, што там запісаны асабістыя дадзеныя сілавікоў. І перадача іх – гэта “парушэнне таямніцы асабістай інфармацыі”. Праўда, не зразумела, пра якую асабістую інфармацыю можа весціся, калі службовыя асобы дзейнічалі ў межах сваіх службовых паўнамоцтваў. Хатніх адрасоў тых, хто правідзіць ператрус, пратаколы не ўтрымліваюць – хіба толькі іх прозвішчы і пасады.
На Віцебшчыне ўсталююць яшчэ адзін флагшток з бюджэтныя грошы. Ужо вядома, колькі гэта каштуе
Цяпер флагшток мае з’явіцца ў Наваполацку. Запланаваная праектам вышыня – 68 метраў ( прыблізна як 19-павярховы дом). Канструкцыяй для вывешвання дзяржаўнага сцяга тут не абмяжуюцца: пад яе будзе абсталявана адмысловая пляцоўка плошчай 0,2056 га. На пляцоўцы прадугледжана месца для яшчэ аднаго элемента – пастамента з дзяржаўным гербам Рэспублікі Беларусь. Гранітныя пліты, свяцільнікі і іншыя элементы добраўпарадкавання таксама ўключаны ў смету праекта.
Скрыню для "лістоў без адказаў" паставілі і ў Дуброўне
Мяркуецца, што ў гэтай паштовай скрыні на сцяне Дубровенскага райвыканкама людзі будуць пакідаць заявы пра карупцыю ў рэгіёне. Ананімныя паведамленні таксама вітаюцца. Але адказаў, ці будуць прынятыя нейкія канкрэтныя захады паводле іх заяваў, людзям даваць не будуць. Інакш кажучы, ніхто так і не даведаецца, ці пакараюць вінаватых, ці справы проста "замнуць". У любым выпадку, да шырокай грамадскасці ніхто не збіраецца даводзіць, наколькі дрэнныя справы з карупцыяй у рэгіёне.