Аўторак, 04 Верасень 2018

На віцяблян завялі крымінальную справу за паклёп на пракурора

Ацаніць гэты матэрыял
(0 галасоў)
Рафаэль Кірылаў-Шмільхольдхард і Ігар Пастноў Рафаэль Кірылаў-Шмільхольдхард і Ігар Пастноў

Упраўленьне СК РБ па Віцебскай вобласьці распачало крымінальную справу па ч.2 арт. 188 КК РБ (Паклёп) супраць віцяблян Рафаэля Кірылава-Шмільхольдхарда і доктара-праўдаруба Ігара Пастнова. Падставай стала заява пракурора гораду Віцебску Юрыя Раманоўскага.

У пастанове СК сьцьвярджаецца, што “Ігар Пастноў і Рафаэль Габрыэль Саламонавіч Кірылаў-Шмільхольдхард, маючы адзіны злачынны намер на распаўсюд заведама ілжывых выдумак, якія зьневажалі іншую асобу (паклёп), пры дапамозе кампутарнай тэхнікі склалі заяву №2 ад 26.06.2017 і разаслалі яе ў розныя арганізацыі і дзяржаўныя органы”.

Паводле пастановы, аўтары заявы абвінавацілі пракурора ў зьдзяйсьненьні цяжкага злачынства. А менавіта ў тым, што той, карыстаючыся службовай уладай, заступіўся за сяброўку сваёй жонкі, на якую была заведзеная крымінальная справа, а пазьней спрыяў яе незаконнаму вызваленьню ад крымінальнага перасьледу.  

Заява, якая была разасланая па больш чым 20 адрасах (у тым ліку ў Amnesty International, амбасады Вялікабрытаніі, Латвіі, Чэхіі), была ў той жа дзень апублікаваная на старонках Ігара Пастнова ў сацсетках Facebook і “Вконтакте”. Таму віцяблянам інкрымінуюць злачынства па ч.2 арт. 188 КК РБ (Паклёп, які ўтрымліваецца ў інфармацыі, разьмешчанай у глябальнай сетцы Інтэрнэт).

Пост з заявай дагэтуль знаходзіцца на старонках Пастнова і Кірылава-Шмільхольдхарда.

Калі справа аб паклёпе на пракурора дойдзе да суду і суд прызнае віцяблян вінаватымі, ім, паводле ч.2 арт. 188 КК РБ,  можа пагражаць да трох гадоў абмежаваньня волі.

Кірылаў-Шмільхольдхард: Яны хочуць закрыць нам раты

Як мяркуе Рафаэль Кірылаў-Шмільхольдхард, крымінальная справа была заведзеная дзеля таго, каб закрыць раты тым, хто не баіцца казаць праўду, а “астатніх – запалохаць і  трымаць у страху”.

Ён таксама паведаміў “Віцебскай вясьне”, што ў дачыненьні да яго і Пастнова прызначылі правядзеньне псыхіятрычных экспэртыз. Але падазраваныя заявілі хадайніцтва, каб экспэртызы праводзіліся ў Менску, бо да ўстановаў упраўленьня дзяржаўных судовых экспэртыз па Віцебскай вобласьці ня маюць ніякага даверу.

Кірылаў-Шмільхольдхард (раней вядомы як Аляксандар Кірылаў) заявіў таксама адвод сьледчай Руткоўскай, якая вядзе справу. Як патлумачыў, адвод быў заяўлены на той падставе, што менавіта сьледчая Руткоўская спрабавала сфабрыкаваць у дачыненьні да яго крымінальную справу па арт. 369 КК (Абраза прадстаўніка ўлады) і па арт. 366 КК (Гвалт альбо пагроза ў дачыненьні службовай асобы) у 2017 годзе. Але крымінальны перасьлед тады быў спынены “у сувязі з адсутнасьцю складу злачынства”.

Апроч таго, падазраваныя ў паклёпе на пракурора патрабуюць, каб, пакуль вядзецца сьледзтва і аж да ўступленьня прысуду ў законную сілу (калі дойдзе да суду), Юры Раманоўскі быў адхілены ад пасады пракурора гораду.  

Зьміцер Міраш

1 камэнтар

  • Спасылка на Камэнтар Леонид Серада, 19 Верасень 2018 Дадаў Леонид

    Постнов пишет заказные грязные статейки про людей, которые пользуются уважением и авторитетом, в том числе и врачи. А кого он защищает и хвалит в своих статейках - судимые, мошенники, воры, насильники и коррупционеры. Это непорядочный человек, который под диктовку судимого Кириллова, оскорбляет и унижает даже своих коллег-врачей. Врач Бледнова сама серьёзно пострадала в ДТП, и не на переходе сбила с отягчающими человека, как пишет Постнов, а столкнулась при обгоне с автомобилем, где погиб водитель. После выздоровления ее осудили, она близким заплатила и материальный и моральный ущерб и 3 года химии это даже сурово суд обошелся с 70-летней женщиной. Про это ДТП в СМИ печаталось не раз. Только слова уважения Бледновой как человеку и как врачу. А прокурору города надо уже Постнова с Кирилловым не в псих. больницу на принудительное лечение направлять, где за наш счет их будут лечить и кормить, а в тюрьму одного и второго и взыскать моральный ущерб за врачей, которых они облили грязью.

    Паскардзіцца
Залагініцца каб дадаць камэнтары