У Віцебску неўзабаве пачнецца суд над інжынерам-праграмістам, які апублікаваў асабістыя дадзеныя 1,5 млн. чалавек
Па дадзеных следства, 35-гадовы работнік, разлікова-касавага цэнтра ў Віцебску за тры гады скапіяваў з інфармацыйнай сістэмы персанальныя дадзеныя амаль 1,5 мільёна грамадзян Беларусі. Імя абвінавачанага ў СК не раскрылі, але ў тэлеграме ён называў сябе як "Zivie Bielarus". Расследаванне крымінальнай справы завершана, матэрыялы перададзены ў пракуратуру Віцебска для накіравання ў суд.
«Не захацеў даваць паказанні на іншых». Што вядома пра нафтанаўца, які засіліўся праз ціск сілавікоў
Жыхар Полацка і былы ўдзельнік забастоўкі Уладзімір Крысёнак 30 мая скончыў жыццё самагубствам. Перад гэтым яго затрымлівалі сілавікі: прымушалі даць паказанні і пагражалі вялікім тэрмінам у калоні. Пра трагедыю піша “Наша ніва”.
У судзе Кастрычніцкага раёна Віцебску прызначаны новы кіраўнік
30 траўня 2022 года прэзідэнцкім указам №186 у сувязі з выхадам у адстаўку была вызвалена ад пасады старшыні Кастрычніцкага суда і суддзі Алена Папкова. Гэтым жа ўказам на пасаду была прызначаная Марына Гарохава, якая працавала на падобнай пасадзе ў судзе Віцебскага раёну.
Па рашэнні расейскага суда віцебская актывістка будзе экстрадаваная на радзіму
1 чэрвеня гарадскі суд Санкт-Пецярбургу разгледзеў скаргу адваката Яны Пінчук на пастанову Генпракуратуры аб экстрадыцыі яе ў Беларусь. Суд палічыў рашэнне пракуратуры заканамерным і абгрунтаваным. Цяпер аўтар Тэлеграм-каналу «Віцебск 97%» Яна Пінчук будзе экстрадаваная ў Беларусь, дзе яе чакае следства і суд.
У хуткім часе на сайтах віцебскіх прадпрыемстваў і ўстаноў павінны з’явіцца беларускамоўныя старонкі
Жыхарка Мінска Зоя Доля амаль увесь свой вольны час выкарыстоўвае каб павялічыць ужывання беларусскай мовы на сайтах дзяржаўных прадпрыемстваў і ўстаноў Віцебскай вобласці. Нечакана, але яна знайшла ў гэтай справе паразуменне і падтрымку збоку кіраўніцтва Галоўнага ўпраўлення ідэалагічнай работы і па справах моладзі Віцебскага аблвыканкама.
Праваабаронцы Ірыне Траццяковай і яе сыну, якім давялося ўцякаць ад вайны, патрэбна дапамога
Ірына з 2016 года з'яўляецца валанцёркай, а з 2019 года — сяброўкай БХК, доўгатэрміновай назіральніцай на нацыянальных выбарах у межах кампаніі «Праваабаронцы за свабодныя выбары», кароткатэрміновай назіральніцай міжнароднай місіі назірання за выбарамі ENEMO. Неаднаразова затрымлівалася праваахоўнымі органамі Беларусі за ажыццяўленне праваабарончай дзейнасці і спазнавала ціск з боку мясцовых органаў улады. Як дамамагчы, напісана тут.
Два гады калоніі прысудзілі аршанцу за абразу прэзідэнта
У судзе Аршанскага раёна 30 траўня вынесены прысуд мясцоваму жыхару Антону Баброву. Яго абвінавацілі ў абразе прэзідэнта згодна з ч.1 арт. 368 Крымінальнага кодэкса. Антона затрымалі да суда 21 сакавіка і ўвесь час ён змясціўся ў Віцебскім абласным СІЗА №2.
Украінскі горад Мікалаеў разарваў адносіны з беларускім Браславам
Мікалаеў спыняе супрацоўніцтва з беларускімі гарадамі Браслаў. Пра гэта заявіў гарадскі кіраўнік Мікалаева Аляксандр Сінкевіч у сваім афіцыйным тэлеграм-канале https://t.me/senkevichonline/1216. Ён паведаміў, што Мікалаеў акрамя Браслава спыняе супрацоўніцтва і з Магілёвам.
У Расеі за камэнтары ў сацсетках затрымалі яшчэ аднаго беларуса - жыхара Воршы
28 траўня ў Санкт-Пецярбургу затрымалі беларуса Андрэя Рускіх, паведамляе dissidentby. Мужчына быў у фэдэральным вышуку за камэнтары ў сацсетках, паведамляецца на ягонай старонцы ў Інстаграм.
Віцебская грмамадская актывістка Станіслава Цярэнцьева дапамагае Ўкраіне і ўкраінцам
Грамадзянская актывістка і сузаснавальніца грамадзянскай ініцыятывы «Задзвіжка» Станіслава Цярэнцьева зараз каардынуе праект Напрамак – сайт з актуальнай інфармацыяй для ўсіх, хто пацярпеў ад вайны, незалежна ад нацыянальнасці і геаграфіі. Яна распавяла сваю гісторыю валанцёрства.