Адпаведнае рашэнне, што даволі нечакана, прыняў суд Ленінскага раёну Берасця. У судовай пастанове ад 19 чэрвеня гаворыцца, што «экстрэмісцкімі матэрыяламі» прызнаны «кантэнт у акаўнце «Вiцебская Вясна» сацыяльнай сеткі Twitter. Гэты рэсурс, заснаваны ў верасні 2018г., мае каля 250-ці сталых чытачоў. Праваабаронцы просяць усіх быць асцярожнымі: калі вы знаходзіцеся ў Беларусі, то пазбягайце каментароў і рэпостаў з інтэрнэт- рэсурсаў «Віцебскай Вясны». Падпіска на іх таксама можа быць расцэнена як распаўсюд «экстрэмісцкіх матэрыялаў».

Сёння, 28 чэрвеня, маладой жанчыне з Віцебску спаўняецца 26 гадоў. У гэты дзень Яна атрымала віншаванні з многіх гарадоў свету. А менавіта з Кішынёва, Рыгі, Навасібірску, Бруселя, Белграда, Варшавы, Мілана, Жэневы і інш. Вось што палітзняволенай напісалі суайчыннікі з Санкт-Пецярбургу.

Па інфармацыі «Супольнасці чыгуначнікаў Беларусі», дастаўка ядзернай зброі і звязанага з ёй абсталявання на станцыі БЧ пройдзе ў два этапы. Першы этап адбыўся ў чэрвені 2023 года. У гэтым месяцы са станцый расійскай чыгункі на станцыю Прудок, Гарадоцкага раёна (Віцебскае аддзяленне БЧ) было запланавана тры адпраўкі агульнай колькасцю 16 вагонаў. 

Жыхары Віцебску на інфармацыйным рэсурсе "Зручны горад" стварылі петыцыю №5640, у якой заклікаюць чыноўнікаў Віцебскага гарвыканкама і гарадскую пракуратуру прыняць меры, каб хутка і якасна адрамантаваць дарогі паміж вул. Чарняхоўскага і вул. Чкалава. Зварот ужо знайшоў падтрымку ў 21 жыхара паўночнай сталіцы. Збор подпісаў па петыцыі працягнецца да 4 ліпеня.

Актывістка з Верхнядзвінску спрабавала абскардзіць пастанову, вынесеную 19 чэрвеня суддзёй Наваполацкага суду Зінаідай Балаболавай: тая прысудзіла Валянціне Болбат 30 сутак арышту за парушэнне ч 2. арт. 19.11 КаАП і ч. 3 арт. 24.23 КаАП. Абласны суд скаргу не падтрымаў і пакінуў рашэнне суду першай інстанцыі без зменаў.