9 кастрычніка  суд Ушацкага раёна прызнаў "экстрэмісцкай інфармацыйнай прадукцыяй"

акаўнты ў Instagram:
- "СТУДЫЯ НАЦЫЯНАЛЬНАЙ БЕЛАРУСКАЙ ТАТУIРОЎКИ Варшава"
- "ХАТКА- беларускае культурнае таварыства. Гданьск"
і акаўнты ў Facebook:
-"Смяротнае пакаранне ў Беларусi" - гэта старонка, створаная беларускімі праваабаронцамі для прыцягнення ўвагі да праблемы смяротнага пакарання, якое дагэтуль існуе ў Беларусі.
- "Беларускiя Студэнты за Свабоду".
- "Aliaksei Tsyhankou"
- "Yana Zmagar" .

Днём раней "плённай працай" у змаганні з "экстрэмізмам" вызначыўся суд Полацкага раёна і горада Полацка. 8 кастрычніка ён прызнаў "экстрэмісцкай інфармацыйнай прадукцыяй"

7 акаўнтаў у Facebook:
- "Рух Воля".
- "Баста."
- "Вольная Беларусь".
- "Caterine Bauré" - старонка беларускай праваабаронцы і юрысткі, якая жыве ў Францыі.
- "Юрась Дзяшук" - старонка беларускага журналіста-палітэмігранта.
- "Symon Gromyko" і "Volha Aheyeva" - гэта старонкі беларускіх актывістаў, вымушаных пакінуць радзіму.

Нескладана заўважыць, што гэтыя інтэрнэт-рэсурсы ніякім чынам не звязаны з Віцебшчынай. Але мы ведаем, што рэгіянальныя пракуратуры спаборнічаюць паміж сабой у пошуках новых "эксстрэмісцкіх" сайтаў і старонак у сацсетках. Пракуроры рыхтуюць дакументы ў суд, а там практычна не бывае выпадкаў, каб суддзі не пагадзіліся з меркаваннем пракуратуры. 

Святлана Сінельнікава