Актывіст запытаўся, чаму так шмат людзей прыцягваюць да адміністрацыйнай адказнасці за «экстрэмізм у інтэрнэце»
Дзмітрый Карняенка хацеў пачуць тлумачэнні пра тое, чаму назіраецца дзіўная тэндэнцыя: па ч.2 арт.19.11 КаАП у Віцебскай вобласці пакаралі ўжо больш за дзесятак асобаў, уганараваных званнем «Чалавек года Віцебшчыны» - здавалася б, самых адданых уладам людзей. Ці гэта ўзнагароджаныя страцілі сваю «высокую якасць», ці заканадаўства занадта строгае да тых, у каго знайшлі даўнія падпіскі на інтэрнэт-рэсурсы, прызнаныя пазней «экстрэмісцкімі».
Віцебскі ідэолаг перайменаваў свой відэаблог. І выступае цяпер ад імя абласной газеты
Спярша Святаслаў Міхайлаў, галоўны спецыяліст ідэалагічнай работы і па справах моладзі Віцебскага аблвыканкама, назваў свой відэаблог даводлі няўцямна - «Свята место». «Трыбуну» для відэавыступаў - свой канал на відэахостынгу YouTube - яму прадаставіла абласная газета «Витебские вести». А цяпер ужо і назва відэаблога гучыць і выглядае іначай - «Вести не молчат».
Жыхары праблемнай вуліцы ў Тулава скардзяцца старшыні райвыканкама
Старшыня выканкама Віцебскага раёна Сяргей Ягораў правёў сустрэчу з мясцовым насельніцтвам. Большасць тых, хто прыйшоў на прыём, - жыхары вуліцы Навасёлаў. Самі яны ўжо даўно не «навасёлы», і таму распавялі пра праблемы дамоў, узведзеных яшчэ ў 1980-я гады. Сяргей Ягораў паабяцаў асабіста агледзець жытло насельнікаў Тулава, перш чым аддаць адпаведныя распараджэнні.
У Віцебску запачаткавалі новую вайскова-прыкладную гульню «Натиск»
І гэта зусім не «Зарніца», у якую гулялі некалькі пакаленняў беларусаў. У дзіцячых летніках выхаванцы са смехам здзіралі папяровыя пагоны ў «ворагаў» і перахоўвалі сцяг свайго «падраздзялення»... Удзельнікі «Натиска» - студэнты розных ВНУ Віцебска - рыхтуюцца да самай сапраўднай вайны. Ідэю арганізатары «падгледзелі» на Гомельшчыне: там ужо два гады праводзіцца вайскова-прыкладная гульня «Прорыв».
Плошчу сцяга і герба ў Віцебску адкрыюць са спазненнем: за год не справіліся
Увогуле, спачатку гэта будзе нават не плошча, а «специальным образом организованное общественное пространство». Плошчай яно стане толькі пасля адкрыцця, калі пляцоўку афіцыйна аформяць як элемент гарадской вулічна-дарожнай сеткі. І здарыцца гэта ўжо ў наступным, 2025 годзе, бо з запланаванымі працамі сёлета не спраўляюцца. Магчыма, на Плошчу сцяга і герба перанясуць і абласную Дошку гонару.
У Віцебску правялі акцыю «Давай служить вместе!», дзе падлеткі праходзілі прафесійны адбор для службы ў органах МУС
Гэтая акцыя для навучэнцаў установаў сярэдняй адукацыі праводзіцца ўжо трэці год запар. Такім чынам вучняў 9-11 класаў завабліваюць паступаць у вышэйшыя навучальныя ўстановы МУС ці проста прыходзіць на службу ў міліцыю. «Інструменты ўплыву» ужо традыцыйныя: маладым людзям даюць патрымаць у руках зброю і апрануць экіпіроўку АМАП, паглядзець на дрэсіраваных службавых сабак і на практыкаванні байцоў спецназу.
У Шуміліне на добраўпарадкаванне брацкай магілы накіравалі былых зняволеных
На Віцебшчыне пашыраецца практыка, калі асобаў, што стаяць на ўліку ў крымінальна -выканаўчай інспекцыі, прыцягваюць да бясплатнай працы. У Шумілінскім РАУС гэта назвалі «выхаваўчым мерапрыемствам» на тэму «Работа и труд всё перетрут», да ўдзелу ў якім прыцягнулі адмысловы кантынгент. З кропкі гледжання заканадаўства аб працы, тут не ўсё гладка.
Вярхоўны суд пакінуў без зменаў пакаранне Андрэю Зуеву, асуджанаму ў парадку спецвытворчасці
11 кастрычніка Вярхоўны суд разбіраў касацыйную скаргу наваполацкага актывіста. Паводле рашэння судовай калегіі, у прысуд Віцебскага абласнога суда ўнеслі тры папраўкі – што да нумарацыі і кваліфікацыі артыкулаў, згаданых у апісальна-матывіровачнай і рэзалютыўнай частках выраку. Сам вырак – 7 з паловай гадоў пазбаўлення волі і грашовыя выплаты – пакінуты без зменаў.
Віцебскі аблвыканкам прыняў новае рашэнне наконт аплаты летнікаў
Рашэнне «О тарифах на услуги воспитательно-оздоровительных, спортивно-оздоровительных лагерей» размешчаных на тэрыторыі Віцебскай вобласці, было падпісаны Аляксандрам Субоціным 19 верасня і днямі апублікавана. Па сутнасці, асноўная адрозненне новай інструкцыі ад ранейшай, заключаецца ва ўвядзенні азначэння «летнік з дзённым знаходжаннем дзяцей» і, адпаведна, разліку тарыфаў на паслугі такіх летнікаў у залежнасці ад колькасці дзён знаходжання. Юрыст звяртае ўвагу на яшчэ адну важную акалічнасць.
Людмілу Барэйка, аўтарку лозунга "Стоп таракан", якая даўно з'ехала з Беларусі, «вызвалілі па амністыі»
Сёлета ў сакавіку Следчы камітэт пачаў «спецвытворчасць» супраць глыбоцкай пенсіянеркі Людмілы Барэйкі. На той час жанчына ўжо з'ехала з радзімы пад пагрозай крымінальнага пераследу. 8 траўня суд Глыбоцкага раёна прысудзіў Людміле Барэйка 2 гады зняволення паводле артыкула 188 КК (Паклёп). 9 кастрычніка прэзідыюм Віцебскага абласнога суда «вызваліў» спадарыню Людмілу і зняў судзімасць.