Дуэт «Лукашолкі» прызнаны «экстрэмісцкім фармаваннем»
Інфармацыя пра гэта 28 студзеня з'явілася на сайце МУС. У якасці асобаў, датычных да дзейнасці фармавання, згадваюцца дзве асобы: ураджэнка пасёлка Варапаева Пастаўскага раёну Ганна Федаронак і Ганна Канавалава, жыхарка Мінска, у якой дачка і зяць - палітычныя зняволеныя. Стваральніцы «Лукашолак» ужо некалькі год знаходзяцца ў вымушанай эміграцыі.
32 гады таму ўлады паабяцалі паставіць помнік ахвярам віцебскага гета. Яго так і няма
27 студзеня адзначаецца Міжнародны дзень памяці ахвяраў Халакосту. У Віцебску ўшанаваць памяць бязвінна закатаваных людзей зноў сабраліся каля сімвалічнага камня з надпісам «Тут будзе ўсталяваны памятны знак у памяць вязьняў віцебскага гета — ахвяраў фашысцкага генацыду ў 1941–44 гадах». Гэты камень з'явіўся ў тым раёне, дзе існавала гета, у далёкім 1993 годзе. Помніка няма і дагэтуль.
Пенсіянераў-сілавікоў з Расонаў запрасілі у «эксперты» па будучых выбарах
Перад выбарамі агітаваць мясцовых жыхароў за Лукашэнку «выпусілі» старых знаёмых – чацвярых міліцыянтаў-адстаўнікоў, да якіх перыядычна звяртаюцца па ідэалагічна- вывераныя каментары. Праўда, часам бывае вельмі смешна чытаць, калі не абазнаныя людзі каментуюць тое, у чым анічога не разумеюць. Аднак рэдакцыю расонскай раённай газеты гэта не бянтэжыць: там зноўку далі слова адстаўным сілавікам, гэтым разам гучна назваўшы суразмоўцаў «клубам афіцэраў».
Віцяблянам зноў абяцаюць аквапарк. Цяпер – на месцы былога тэлезавода «Віцязь»
Тэма стала спекулятыўнай: улады вяртаюцца да яе перыядычна, спрабуючы пераканаць жыхароў рэгіёна ў тым што «іх пажаданні пачутыя». Сапраўды, прапановы пабудаваць у абласным цэнтры аквапарк гучаць ужо не адно дзесяцігоддзе. І не адно дзесяцігоддзе розныя кіраўнікі горада і вобласці абяцаюц віцяблянам то проста «аквапарк» то цэлы «акватэрмальны комплекс».
«Экстрэмісцкімі» прызналі групы «Кобыляки. Расстреляны в Орше» у розных сацсетках. І зноў згадалі медыяпраект «оrsha.еu»
«Кобыляки. Расстреляны в Орше» - гэта групы, дзе выкладалася гісторыя даследаванняў сталінскіх рэпрэсій у рэгіёне. Матэрыялаў на іншыя тэмы там практычна няма. Назва, агульная для ўсіх груп, тлумачыцца проста: адно з месцаў пад Оршай, дзе ў гады сталінізму расстрэльвалі бязвінных савецкіх грамадзян, называецца Кабыляцкая гара.
Віцебскі ўрач Аляксандр Рандарэнка прызнаны палітвязнем
Пад увагу сілавікоў 38-гадовы Аляксандр Рандарэнка трапіў пасля таго, як яго з сябрам «развялі на шчырасць» у відэа-чаце «Размовы з Палычам». Сёлета ў красавіку Аляксандр Рандарэнка і яго сябар Дзяніс Саўчанка спярша былі прыцягнуты да адміністрацыйнай адказнасці за «прапаганду нацызму» (ч. 1 арт. 19.10 КоАП). Саўчанка пасля «сутак» выйшаў на волю, Рандарэнка – не. З красавіка па чэрвень у судзе Першамайскага раёна Віцебска па адміністрацыйных справах яго судзілі мінімум 5 разоў.
Відэаканал дзяржаўнай газеты "Витебские вести" апублікаваў відэаролік з правакацыйнай назвай
Назва "Польша закрывает границу для беларусов" – відавочная спроба завабіць гледачоў няіснай сенсацыяй. Між тым у чарговым відэаопусе віцебскага ідэолага Святаслава Міхайлава пра закрыццё мяжы для беларусаў няма ні слова – бо гэта няпраўда. Вартым дапаўненнем дя свайго спіча ідэолаг палічыў дэманстрацыю кукіша, або прасцей – фігі.
Пагрозы перад "святам" 26 студзеня
Падчас выбарчай кампаніі жыхарам Віцебска пагражаюць пакараннямі па 14 артыкулах Крымінальнага Кодэкса і Кодэкса аб адміністрацыйных правапарушэннях.Гэты пералік агучыў намеснік начальніка міліцыі грамадскай бяспекі УУС Віцебскага аблвыканкама Максім Марчанка. І паводле згаданых артыкулаў можна зрабіць выснову, чаго найбольш апасаецца міліцыя падчас галасавання на выбарах прэзідэнта.
22 студзеня пакажуць фільм пра Аляксея Талая – ураджэнца Оршы і арганізатара фонду для падтрымкі жыхароў акупаванай часткі Украіны
Фільм, прагляд якога пройдзе па ўсёй Беларусі, называецца "Птица Феникс Алексея Талая". Паводле афіцыйных анонсаў, 26-хвілінная стужка «Беларусьфильм» прысвечана таму, як галоўны герой «несмотря на отсутствие обеих рук и ног, состоялся как профессионал, общественный деятель, прекрасный семьянин». Дарэчы, дастаткова аб'ектыўна у фільме паказана, пры якіх акалічнасцях з Аляксеем Талаем адбылася трагедыя. Звычайна ў СМІ на гэтую тэму абыходзяцца агульнымі фразамі, кшталту «будучи подростком, он подорвался на мине, находясь в гостях у дедушки».
У Віцебскай вобласці вырашылі рэзка павялічыць колькасць скрыняў для галасавання па месцы жыхарства
З прапановай набыць дадатковыя скрыні для галасавання на прэзідэнцкіх выбарах у ЦВК звярнулася абласная выбарчая камісія. Такую неабходнасць абгрунтавалі тым, што ў вобласці шмат аддаленых вёсак, з якіх цяжка дабрацца да найбліжэйшага ўчастка. ЦВК пагадзілася з такімі аргументамі. Аднак падчас выбараў у лютым мінулага года скрыняў нібыта хапала Няўжо менш чым за год так істотна ўзрасла колькасць аддаленых вёсак?