У Варшаве памёр Канстанцін Іваноў з Віцебска, журналіст сайта «Хартыя-97»
Апошнія месяцы ен змагаўся з анкалагічнай хваробай. 2 лістапада яму споўніўся б 41 год. Пакаленне віцяблян, чыя маладосць прыйшлася на першае дзесяцігоддзе 2000-х, памятаюць яго як актывіста руху «Зубр» і грамадзянскай кампаніі «Еўрапейская Беларусь», ён падтрымліваў стварэнне партыі БХД і актыўна ўдзельнічаў у шмат якіх грамадскіх акцыях.
Пад “мерапрыемства” па пошуку ўключаных у міждзяржаўную вышуковую базу трапілі і жыхары Віцебшчыны
14-15 кастрычніка на тэрыторыі СНД праводзілася міждзяржаўнае мерапрыемства “Розыск”. Фармальна – шукалі злачынцаў, якія ўхіляюцца ад следства і пакарання. Але ў Беларусі сілавікі актыўна расшуквалі звесткі пра тых, хто быў вымушаны пакінуць Беларусь па палітычных прычынах.
Глыбоцкі райвыканкам купляе вайсковае адзенне і армейскія ложкі. Агульная сума – больш за 236 тысяч еўра
На сайце дзяржзакупак выкладзены вельмі спецыфічны пералік рэчаў, якія ўлады ў Глыбокім набываюць за грошы з мясцовага бюджэту. Агульная сума прапановы райвыканкама - 776 339 беларускіх рублёў , гэта $264 371,66 або €236 163,11.
«Народнае апалчэнне» ствараецца для абароны ад «унутраных» ворагаў. У Віцебску пра гэта сказалі наўпрост
У Чыгуначным раёне абласнога цэнтра правялі заняткі для добраахвотнікаў, якія гатовы стаць “апалчэнцамі”. Заняткі праводзіў палкоўнік міліцыі ў адстаўцы Аляксей Шаховіч, які да 2025 года быў першым намеснікам кіраўніка абласнога ўпраўлення МУС і кіраваў аддзелам міліцыі грамадскай бяспекі.
МУС гатова пакінуць Віцебшчыну без спецыялістаў важных галінах эканомікі, толькі б яны ішлі вучыцца на міліцыянтаў
Нядаўна Віцебская вясна пісала, як ісці вучыцца ў міліцэйскія вну агітавалі будучых керамістаў, ювелраў, разбяроў па дрэве. Цяпер міліцыя прыйшла з “профарыентацыяй” у яшчэ адну навучальную ўстанову – віцебскі тэхнічны каледж. Там навучаюць будучых будаўнікоў, тэхнікаў і ахвотных набыць рабочую спецыяльнасць – усё гэта якраз тыя пазіцыі, якія найчасцей сустракаюцца у спісах вакансій па ўсёй вобласці.
Для полацкіх школьнікаў арганізавалі “патрыятычную” сустрэчу з адстаўнікамі КДБ
Арганізатарам выступіла прадпрыемства “Полацкводаканал”, а прысутнымі – вучні 10-й і 11-й школ горада. У якасці гасцей запрасілі ветэрана Вялікай Айчыннай вайны, ветэрана органаў КДБ, ганаровага грамадзяніна Полацкага раёна Рамана Прыбышчука і старшыню Полацкай арганізацыі ветэранаў КДБ Алега Юдаева.
Яшчэ два дні таму “СБ” надрукавала пра яго ўхвальны артыкул, а сёння гэты міліцыянт зляцеў з пасады
Віцебская вобласць – найгоршая ў барацьбе з “наркапагрозай”. Гэта было засведчана сёння на пасяджэнні калегіі абласной структуры МУС, якая прайшла ў Віцебску з удзелам Міністра унутраных спраў Івана Кубракова. Праца з распаўсюдам наркотыкаў і наркатычных рэчываў празнана “недастатковай”: у гэтай галіне зафіксаваныя найгоршыя паказнікі.
Зноў мяняюць старшыню Віцебскага аблвыканкама
“Александр Рогожник освобожден от должности председателя Витебского областного исполнительного комитета в связи с болезнью”, - паведаміў Telegram-канал «Пул Первого». Адпаведны ўказ сёння, 20 кастрычніка, падпісаў Аляксандр Лукашэнка. Стан здароўя Рагожніка, згаданы ў якасці прычыны адстаўкі, ніяк не каментуецца. Але яшчэ два дні таму, 18 кастрычніка, старшыня райввыканкама актыўна выступаў на абласных “Дажынках”.
Пасля прымусовай перарэгістрацыі рэлігійных арганізацый Віцебшчына страціла 33 структурныя адзінкі
Гэтыя дадзеныя прыводзіць даследчыца Вольга Алейнік у інтэрв’ю для Беларускай нацыянальнай платформы. Таксама з прычыны адсутнасці перарэгістрацыі ў Віцебскай вобласці была спынена дзейнасць не толькі 33-х рэлігійных арганізацый, але і адной канфесіі - Царквы Езуса Хрыста апошніх дзён (мармонаў).
На Віцебшчыне спрабуюць стымуляваць падпіску на дзяржСМІ “пакетным” спосабам
Жыхароў Гарадоцкага і Шаркаўшчынскага раёна агітуюць падпісвацца на “пакет” з двух выданняў, у які ўваходзіць абласная газета «Витебские вести» і “раёнка” – адпаведна, “Гарадоцкі веснік” або “Кліч Радзімы”. Стымулам для “пакетнай” падпіскі павінна стаць латэрэя з агульным прызавым фондам 1 799 руб. 29 кап. Розыгрыш будзе праведзены ў студзені 2027 года, а ўдзельнічаць у латэрэі змогуць падпісчыкі абласной газеты і тыя, хто падпісаўся на “пакет” дзержвыданняў на першае паўгоддзя наступнага года. Прычым сярод “пакетных” падпісчыкаў будуць разыграныя два асобныя прызы.