«Разбяры «Торвальд» на сувенірны!» У Віцебску зачыняецца легендарны арт-паб
У Віцебску 11 студзеня зачыніцца ўпадабаны многімі гараджанамі і турыстамі арт-паб «Торвальд» на вуліцы Талстога,1. Пасля правядзення санітарных дзён увосень (тады такім чынам многія далучыліся да нацыянальнага страйку ў сувязі з інаўгурацыяй Лукашэнкі) установа перастала адпавядаць патрабаванням бяспекі. Такое тлумачэнне з'явілася на старонках «Торвальду» ў сацсетках, піша TUT.BY.
Пенсіянера Чэслава Салодкага аштрафавалі за ўдзел у шэсці і сцяг на мядзведзі
5 студзеня суд Кастрычніцкага раёну пакараў 66-гадовага віцябляніна Чэслава Салодкага штрафам у памеры 12 базавых велічынь за ўдзел у вулічным шэсці і ў несанкцыянаваным пікетаванні (ч.1 арт. 23.34 КаАП). Удзельнікам пікетавання мужчыну прызналі толькі праз тое, што ўвечары ён прагульваўся міма дэкаратыўнай скульптуры мядзведзя, на якім быў нібыта накінуты бел-чырвона-белы сцяг…
19-гадовую Ангеліну Туравец аштрафавалі на 1160 рублёў за ўдзел у маршы памяці Бандарэнкі
Суд Віцебскага раёну 4 студзеня паўторна разгледзеў адміністрацыйную справу ў дачыненні 19-гадовай Ангеліны Туравец, абвінавачанай ва ўдзеле ў маршы памяці Рамана Бандарэнкі (ч.3 арт. 23.34 КаАП) 15 лістапада. Суддзя Наталля Траццякова прызнала дзяўчыну вінаватай і пакарала штрафам у памеры 40 базавых велічынь.
У вазочніцы Валянціны Крыштопенка прайшоў ператрус. Забралі два тэлефоны
У нядзелю 3 студзеня міліцыянты прыйшлі з ператрусам да Валянціны Крыштопенка – жанчыны з інваліднасцю 1-й групы, якая жыве ў пасёлку Кастрычніцкая Віцебскага раёну. Супрацоўнікі Віцебскага РАУС зрабілі агляд памяшкання, у якім Валянціна жыве разам з дачкой і ўнучкай. Канфіскаваныя два мабільныя тэлефоны.
Справу Ірыны Траццяковай за ўдзел у «ланцугу салідарнасці» спынілі – праз паўгода пасля затрымання
У апошні дзень 2020 году суд Чыгуначнага раёну Віцебску паўторна разгледзеў справу праваабаронцы Ірыны Траццяковай, якую міліцыянты абвінавацілі ва ўдзеле ў «ланцугу салідарнасці» 19 чэрвеня (ч.1 арт. 23.34 КаАП) – у апошні дзень электаральнай кампаніі для збору подпісаў патэнцыйных кандыдатаў на прэзідэнцтва. Суддзя Вольга Шапавал пастанавіла спыніць справу праз сканчэнне тэрміну вынясення адміністрацыйнага спагнання. Праваабаронцу такое рашэнне не задаволіла.
Мікола Качурэц пасля 15 сутак арышту выйшаў на волю з віцебскага СІЗА
Увечары 30 снежня на волю з віцебскага СІЗА выйшаў актывіст Мікола Качурэц, які быў пакараны арыштам на 15 сутак судом Першамайскага раёну за ўдзел у вулічным шэсці. Па вызваленні Качурэц прызнаўся, што «ўзяў гэтыя 15 сутак лёгка», бо «адчуваў падтрымку з волі».
Студэнтаў ВДТУ судзяць за відэазварот: Аляксандра Ткачова пасадзілі на 5 сутак
Суд Чыгуначнага раёну Віцебску 29 снежня разгледзеў адміністрацыйныя справы трох віцебскіх студэнтаў, якія бралі ўдзел у запісе відэазвароту да ўладаў. Ролік са зваротам быў створаны 27 кастрычніка. Студэнтаў абвінавацілі ва ўдзеле ў несанкцыянаваным пікетаванні (арт. 23.23 КаАП). Усіх траіх суд прызнаў вінаватымі. Дзвюх дзяўчат аштрафавалі, студэнту Аляксандру Ткачову прысудзілі 5 сутак арышту.
Пракуратура: на Віцебшчыне амніставалі 2300 чалавек
Пракуратура Віцебскай вобласці здала справу аб выкананні закону «Аб амністыі». Паводле ведамства, амністыя на тэрыторыі Віцебскай вобласці была ўжытая ў дачыненні да 2300 чалавек. Пракуратурай быў рэалізаваны комплекс захадаў для нагляду за выкананнем заканадаўства пры ўжыванні палажэнняў Закону, паведамляецца на афіцыйным сайце пракуратуры Віцебскай вобласці.
Барыса Хамайду аштрафавалі на 1350 рублёў – за «пікет, які доўжыцца 14 гадоў»
24 снежня cуд Чыгуначнага раёну Віцебску аштрафаваў найстарэйшага віцебскага апазіцыянера Барыса Хамайду на 50 базавых велічыняў. Суддзя Вольга Шапавал прызнала яго вінаватым ва ўдзеле ў не дазволеным уладамі пікетаванні. Дзеянні актывіста былі кваліфікаваныя паводле ч. 3 арт.23.34 КаАП.
Выняла з рамкі партрэт Лукашэнкі і напісала «3%» - жанчыну аштрафавалі на 216 рублёў
23 снежня суд Першамайскага раёну Віцебску вынес рашэнне паводле дзвюх справаў, заведзеных на кухарку абласной больніцы Алену Куставу. Маці дваіх няпоўнагадовых дачок прызнаная вінаватай у дробным хуліганстве (арт. 17.1 КаАП) і ў непадпарадкаванні законнаму патрабаванню супрацоўніка МУС (арт. 23.4 КаАП). Суддзя Андрэй Шыдлоўскі аштрафаваў жанчыну на 3 і 5 базавых велічынь адпаведна. Суд доўжыўся два дні.