Аўкцыён на права заключэння доўгатэрміновай дамовы на арэнду памяшкання, у якім раней размяшчаўся арт-паб «Торвальд» (вул. Талстога, 1) мае прайсці 7 чэрвеня. Арганізатарам выступае Віцебскі абласны цэнтр маркетынгу. Заявы на ўдзел прымаюць да 4 чэрвеня ўключна. Стартавы кошт на права заключэння дамовы на арэнду - 865 рублёў 70 капеек.

У Віцебску 11 студзеня зачыніцца ўпадабаны многімі гараджанамі і турыстамі арт-паб «Торвальд» на вуліцы Талстога,1. Пасля правядзення санітарных дзён увосень (тады такім чынам многія далучыліся да нацыянальнага страйку ў сувязі з інаўгурацыяй Лукашэнкі) установа перастала адпавядаць патрабаванням бяспекі. Такое тлумачэнне з'явілася на старонках «Торвальду» ў сацсетках, піша TUT.BY.

11 траўня споўніцца месяц, як каманда арт-пабу «Торвальд» пачала гатаваць ежу для лекараў з чатырох мэдычных установаў Віцебску. Агулам у валянтэрскай працы задзейнічаныя дзевяць супрацоўнікаў калектыву. Часам перавозіць прыгатаваныя абеды і вячэры дапамагаюць віцебскія таксісты.

На сустрэчы 21 сьнежня ў віцебскім арт-пабе «Торвальд» вядомыя пісьменьнікі Альгерд Бахарэвіч і Юлія Цімафеева дзяліліся вясёлымі ўспамінамі, чыталі свае вершы, прозу, пераклады з шумерскай. Бахарэвіч прэзэнтаваў раман «Мае дзевяностыя», Цімафеева – паэтычны зборнік «Цырк».

Выпускны вечар для слухачоў “Мова Нанова” прайшоў 5 чэрвеня ў віцебскім арт-пабе “Торвальд”. Госьцем выпускнога стаў вядомы беларускі музыка Зьміцер Вайцюшкевіч. Моўныя курсы “Мова Нанова” праходзяць у Віцебску ад 2014 году. Гэта ўжо пяты, і юбілейны, выпуск.

Праект беларускай бібліятэкі “Камунікат” ажыцьцяўляецца ўжо цягам 19 гадоў. Спачатку стараньнямі некалькіх энтузіястаў, а цяпер – “Беларускім гістарычным таварыствам” Беластоку. На “Камунікаце” сабрана сёньня амаль 40 тысяч беларускіх публікацыяў.

Гісторык і дасьледчык Зьміцер Дрозд прэзэнтаваў у Віцебску сваю кнігу “Таямніцы Дуніна-Марцінкевіча”. У кнігу ўвайшлі каля 150 невядомых раней дакумэнтаў. Асоба беларускага клясыка, дзякуючы новым адкрыцьцям, набыла невядомыя раней рысы і стала яшчэ больш абаяльнай у сваёй рэалістычнасьці.

Вядомы беларускі эканаміст і вядоўца праграмы “Эканоміка на пальцах” Сяргей Чалы выступіў 16 сакавіка ў Віцебску зь інтэрактыўнай лекцыяй “Што будзе з беларускай эканомікай?” Імпрэза адбылася пры падтрымцы ініцыятывы “Цэнтар новых ідэяў” і выклікала аншляг…

У Віцебску 16 лютага прайшоў трэнінг па рэгістрацыі і функцыянаваньні некамэрцыйных арганізацыяў. Мерапрыемства, арганізатарам якога выступілі Цэнтар прававой трансфармацыі (Lawtrend) і Асамблея няўрадавых дэмакратычных арганізацыяў, сабрала актывістаў з Воршы, Наваполацку, Віцебску.

3 студзеня прайшла першая ў гэтым годзе сустрэча актывістаў Віцебску ў межах праекту «Добрая нагода». Гэтым разам імпрэза адбылася ў фармаце кейккросінгу. У залі арт-пабу «Торвальд» сабралася чалавек 15-20 – прадстаўнікі грамадзкіх арганізацыяў і незалежныя журналісты, сябры мясцовай суполкі Беларускай асацыяцыі журналістаў.