Ксяндза Анджэя Юхневіча не выпусцілі на волю пасля чатырох адміністрацыйных арыштаў
Пробашч шумілінскай рыма-каталіцкай парафіі Божай Маці Фацімскай быў затрыманы яшчэ 8 траўня. Ён адбыў за кратамі больш за 45 сутак - гэта самы працяглы тэрмін зняволення ў параўнанні з іншымі святарамі, пакаранымі па "палітычных" адміністрацыйных артыкулах. Ксяндза Анджэя трымаюць у віцебскім ІЧУ, прысуды па адміністрацыйных справах выносіў суд Першамайскага раёна Віцебска.
500 дзён нічога не вядома пра Мікалая Статкевіча
То бок, больш за 16 месяцаў няма ніякіх вестак пра лідэра беларускай апазіцыі, палітвязня Мікалая Статкевіча, які адбывае пакаранне на Віцебшчыне ў Глыбоцкай папраўчай калоніі №13. Апазіцыйны палітык знаходзіцца за кратамі больш за чатыры гады. Мікалай быў асуджаны на 14 гадоў пазбаўлення волі, яго абвінавацілі ў "арганізацыі масавых беспарадкаў" (арт. 293 Крымінальнага кодэкса Беларусі).
Аляксей Талай выступіў на аршанскім «Легмашы», куды нядаўна прыязжаў Лукашэнка
Пра яго, безумоўна, таксама гаварылася на сустрэчы. Ураджэнец Оршы Аляксей Талай запэўніваў прысутных, наколькі шмат кіраўнік дзяржавы зрабіў для развіцця рэгіёна. Распавядаў ён і пра сваю сустрэчу з Уладзімірам Пуціным, які ўзнагародзіў праўладнага актывіста «Ордэнам Дружбы» за тое, што ён праводзіў «матывацыйныя сустрэчы і трэнінгі» у расейскіх вайсковых частках, якія ваююць ва Ўкраіне. Распавядаў Талай і пра свой фонд, па арганізацыі паездак у Беларусь для «дзяцей Данбаса».
У Віцебскай вобласці ўлады эфектыўна абараняюць прыродныя рыбныя запасы
У перыяд вясновай забароны на лоўлю рыбы ў рэгіёне было ўзбуджана 14 крымінальных спраў і складзена больш за 150 адміністрацыйных пратаколаў, звязаных з парушэннем прыродаахоўнага заканадаўства. У браканьераў работнікамі інспекцыі аховы жывёльнага і расліннага свету канфіскавана звыш 900 сетак і 416 іншых забароненых прыладаў рыбалоўства.
Ваенны камісар Глыбокага кажа, што ядзерныя вучэнні маюць міралюбівы і абарончы характар
Беларусь і Расія праводзяць другія вучэнні з нестратэгічнымі ядзернымі сіламі. Пра іх нават на сваіх сайтах пішуць мясцовыя раёнкі Віцебшчыны. І калі некаторыя падаюць матэрыял у агульным плане адпаведна з дзяржаўным прэс-рэлізам, то сайт глыбоцкай раёнкі “Веснік Глыбоччыны” ўзяў на гэты конт каментар у ваеннага камісара Глыбоцкага і Шаркаўшчынскага раёнаў Сяргея Краснадубскага.
Гарадскія актывісты просяць улады выправіць дэфекты дарогі на адной з вуліц Віцебску
Для гэтага яны на інфармацыйным рэсурсе "Зручны горад" запусцілі на збор подпісаў петыцыю №5868, у якой звяртаюцца ў пракуратуру Віцебска ацаніць ступень парушэння дзейнага заканадаўства з боку службовых асоб.
Улады прымусова ліквідавалі спартовую арганізацыю
Суддзя Віцебскага абласнога суда Віктар Быстроў 19 чэрвеня пастанавіў ліквідаваць Беларускае грамадскае аб'яднанне традыцыйных адзінаборстваў "Айкібуда". Чыноўнікі з Міністэрства юстыцыі Рэспублікі Беларусь сталі ініцыятарамі закрыцця гэтага спартовага грамадскага аб'яднання.
На Лепельшчыне ўлады абмяркоўвалі «экстрэмізм». Але людзей больш хвалюе басейн і святы
Намеснік пракурора Лепельскага раёна Аляксандр Філімонаў паведаміў, што «экстрэмізм» сёння ўсё больш грозна заяўляе пра сабе, парушаючы найважнейшыя правы чалавека: на жыццё, свабоду, бяспеку. І пасля агучыў пакаранне, якое чакае лепяльчан за распаўсюд «экстрэмісцкіх матэрыялаў».
Экстрэмісцкай інармацыйнай прадукцяй прызнаны інтэрнэт-рэсурсы orsha.eu
Гэта вынікае з абноўленага 20 чэрвеня «Рэспубліканскага спіса экстрэмісцкіх матэрыялаў», які складае Міністэрства інфармацыі. Партал orsha.eu – незалежнае сеткавае выданне аршанскага рэгіёну. У 2021 годзе Мінінфармацыі на патрабаванне пракуратуры абмежавала доступ да сайта. Заснавальнік і рэдактар выдання Ігар Казмярчак быў вымушаны пакінуць Беларусь пасля таго, як супраць яго распачалі крымінальную справу паводле ч. 1 арт. 368 Крымінальнага кодэкса па абвінавачанні ў знявазе Аляксандра Лукашэнкі. Зараз ягоная маёмасць у Оршы арыштаваная, а сам Казмярчак абвешчаны ў вышук на тэрыторыі Беларусі і Расіі.
З'явілася петыцыя за наданне Васілю Быкаву звання "Герой Беларусі"
Пазнаёміцца са зместам петыцыі і падпісаць яе на знак падтрымкі можна на сайце e-petitions.by. Складальнікі звароту пералічваюць заслугі знакамітага пісьменніка, якому ўчора споўнілася 100 год. І падкрэсліваюць, што гэты чалавек - выбітная асоба ў гісторыі Беларусі. А таму цалкам зуслугоўвае высокага звання, якое надаецца "за выключныя заслугі перад дзяржавай і грамадствам" . Подпіс пад петыцыяй можна паставіць да 8 ліпеня.