Горкія словы пра камунізм, які ў нас, на жаль, “яшчэ ня скончыўся”, біскуп Віцебскі Алег Буткевіч сказаў напрыканцы нядзельнай імшы ў катэдральным касьцёле, на якой вернікі парафіі разьвіталіся са сваім пробашчам Паўлам Кнурэкам. Ксёндз-паляк Павал Кнурэк пакідае Беларусь, бо ўлады забаранілі яму служыць у нашай краіне.

Судзьдзя Кастрычніцкага суду Віцебску Ільля Белавус у пастанове, якую склаў на актывіста Уладзімера Кійко, памылкова ўказаў, што той меў раней адміністрацыйныя спагнаньні. Як палічыў праваабаронца Павал Левінаў гэтым самым Белавус замахнуўся на гонар і годнасьць грамадзяніна і папрасіў Вярхоўны суд разгледзець пытаньне аб прафпрыдатнасьці судзьдзі.

Калі ўладальнік інтэрнэт-крамы Symbal.by Павал Белавус прачытаў навіну зь Віцебску пра тое, што міліцыя мусіць выплаціць Міколу Качурцу за зьнішчаны на БНР-100 бел-чырвона-белы сьцяг усяго 8,72 рублёў – вырашыў падарыць актывісту новы сьцяг. Падарунак атрыманы.

9 траўня на плошчы Перамогі ў Віцебску прайшлі афіцыйныя сьвяткаваньні з нагоды Дня Перамогі. У межах сьвята адбылася акцыя “Беларусь памятае”, да якой сёлета далучыліся ўдзельнікі прарасейскага руху “Несьмяротны полк”. Пад партрэтамі вэтэранаў з георгіеўскімі стужкамі сабралася каля 100 чалавек. Не абышлося без партрэта Сталіна...

У Браславе напярэдадні Дня Перамогі адкрылі адноўлены мэмарыял воінам-вызваліцелям. Цяпер да яго вядзе трыюмфальная арка, якую вянчае выява ордэну Айчыннай вайны. Паводле першапачатковага праекту, на бакавых брамках меліся быць яшчэ зоркі з георгіеўскімі стужкамі на шчыце, але на ўзведзенай арцы іх няма.

Напярэдадні Радаўніцы сябры грамадзянскай ініцыятывы “Хайсы” наведалі ў ваколіцах Віцебску месцы расстрэлаў і пахаваньняў ахвяраў сталінскіх рэпрэсіяў. Ля крыжоў памяці і на магілы, у якіх ляжаць знойдзеныя ў часе пошукавых экспэдыцыяў парэшткі рэпрэсаваных, актывісты ўсклалі кветкі, запалілі памінальныя зьнічкі.

Сябры левай партыі “Справядлівы сьвет” падавалі заяўку на правядзеньне ў Віцебску на Дзень Перамогі шэсьця-акцыі “Несьмяротны полк”. Віцебскія ўлады адмовілі ў правядзеньні шэсьця з фармулёўкай “не ўяўляецца магчымым”.

Пра гэта Міхаіл Жамчужны паведаміў у паштоўцы, якую даслаў з калёніі віцебскаму праваабаронцу Леаніду Сьвеціку. “Рада БНР вырашыла ўзнагародзіць мяне юбілейным мэдалём за дзейнасьць на карысьць свабоднай і незалежнай Беларусі” – піша палітвязень.  

У Сусьветны дзень свабоды прэсы, які адзначаецца 3 траўня, незалежныя віцебскія журналісты раздавалі мінакам спэцвыпуск газэты “Народная Воля”, прысьвечаны гэтай даце. У цэнтры гораду, ля “сіняга дому”, газэту распаўсюджваў вядомы віцебскі дысыдэнт і сябра Беларускай асацыяцыі журналістаў Барыс Хамайда.

Тры тыдні таму віцябляне Уладзімер Кійко, Яраслаў Кійко і Мікола Качурэц былі аштрафаваныя судом Кастрычніцкага раёну Віцебску на 102 рублі кожны за фатаграфаваньне на Дзень Волі зь бел-чырвона-белым сьцягам (ч.1. арт. 23.34 КаАП РБ). Ня згодныя з такімі рашэньнямі, актывісты абскардзілі іх у абласным судзе.