RozUM Media — вольнае і незалежнае беларускае выдавецтва, заснаванае ў 2025 годзе. “Мы выдаем кнігі беларусаў, пра беларусаў і для беларусаў — найперш для тых, хто шукае сваё слова ў родным гучаньні. Але таксама і для ўсіх вольных людзей, што хочуць пачуць сэрца Беларусі і зразумець ейную душу. RozUM — гэта голас розуму і літаратурны супраціў. Гэта Беларусь, якая гучыць — нават калі яе хочуць прымусіць маўчаць”, - піша каманда выдавецтва на сваім сайце.

Гэтаксама 19 траўня суд Полацкага раёна і г.Полацка прызнаў “экстрэмісцкай інфармацыйнай прадукцыяй” Threads -акаўнт Юліі Юхно (Тарасевіч) – грамадскай актывісткі, якая жыве ў вымушанай эміграцыі. Крыху раней “экстрэмісцкай” была прызнана яе старонка ў Facebook. Абодва інтэрнэт-рэсурсы - таксама ўжо ў "экстрэмісцкім" спісе на сайце Міністэрства інфармацыі.

Алег Загарэльскі