Праваабаронцы прызналі палітвязнем Віталя Галубоўскага, жыхара Навалукамля
13 сакавіка гэтага года яго ўключылі ў пералік асобаў, “датычных да экстрэмісцкай дзейнасці. Паводле інфармацыі на сайце МУС, 49-гадовы Віталь Галубоўскі быў асуджаны Віцебскім абласным судом паводле чч. 1 і 2 арт. 361-4 (Садзейнічанне экстрэмісцкай дзейнасці). Мужчыну пакаралі “хіміяй” і накіравалі адбываць прысуджаны тэрмін у ПУАТ -7 (Пружанскі раён, в. Купліна).
У памежным з Расіяй Лёзненскім раёне распачаліся вучэнні па “супроцьстаянню надзвычайным сітуацыям у мірны і ваенны час”
Начальнік абласнога ўпраўлення МНС Сяргей Мялешкін асобна адзначыў факты фіксацыі беспілотнікаў у Віцебскай вобласці і заявіў: “Мы павінны быць гатовы да любога развіцця падзей”.
Вымушаную палітэмігрантку з Пастаўшчыны, адміністратарку варшаўскага шэлтара для палітуцекачоў з Беларусі, 2 тыдні цкуюць невядомыя.
У варшаўскую паліцыю пададзена заява пра пагрозы жыццю. Цкаванне працягваецца ўжо два тыдні. Невядомыя дасылаюць Ганне Федаронак фотакалажы з надмагільнымі помнікамі і раяць “закупляць паболей месца на могілках, бо сям’я вялікая”.
Не журналістыка, а контрпрапаганда: загадчык аналітычнага аддзела газеты "Витебские вести" прызнаў, чым займаецца
Святаслаў Міхайлаў, былы ідэолаг, а цяпер супрацоўнік абласной газеты, з'яўляецца аўтарам відэапраекта "Вести не молчат". У TikTok-акаўнце, які вядзе супрацоўнік рэдакцыі, так і напісана "Аналитический контрпропагандистский проект". І калі вы думаеце, што ў ім Святаслаў Міхайлаў абвяргае "прапаганду" з незалежых СМІ, то памыляецеся. Складанай аналітычнай працай вядучы не займаецца, а проста палівае брудам урады суседніх з Беларуссю замежных краін, вымушаных эмігрантаў, дзеячоў апазіцыі ў замежжы і ўсіх, хто не падзяляе афіцыйную дзяржаўную палітыку.
Супраць экс-палітвязня Паўла Севярынца распачалі новую крымінальную справу
Пра гэта ён паведаміў на сваёй старонцы ў Фэйсбуку. "Узбудзілі крымінальную справу за Дзень Волі, правялі ператрус у Віцебску", - напісаў Павел Севярынец. У Віцебску ў экс-палітвязня жыве маці.
На Сенненшчыне ўпаў беспілотнік
23 траўня каля вёскі Янава Сенненскага раёна ўпаў БПЛА, япры падзенні пашкодзіўшы лінію электраперадач. Мясцовыя жыхары выклікалі аварыйныя службы і міліцыю. Абломкі беспілотніка службоўцы тут жа забралі, а людзям забаранілі распавядаць пра здарэнне.
Папярэдзілі, каб не ўдзельнічалі ў мерапрыемствах да Дня палітвязня
Стала вядома пра яшчэ адзін ператрус 21 траўня: спрацоўнікі КДБ прыходзілі да сваякоў віцебскага актывіста Дзмітрыя Карняенкі, які вымушана жыве ў эміграцыі. Пра прычыны ён сам напісаў на сваёй старонцы ў Facebook: “Афіцыйна - з нагоды святкавання Дня Волі. Неафіцыйна — каб у гэты дзень не выходзілі на жалобныя мерапрыемствы, прысвечаныя Дню палітвязня”.
Полацкі суд прызнаў “экстрэмісцкай інфармацыйнай прадукцыяй” акаўнт выдавецтва RozUM Media у Threads
Пасяджэнне суда Полацкага раёна і г.Полацка адбылося 19 траўня, праз тры дні інтэрнэт-рэсурс быў уключаны ў “Рэспубліканскі спіс экстрэмісцкіх матэрыялаў”. Гэтаксама 19 траўня суд Полацкага раёна і г.Полацка прызнаў “экстрэмісцкай інфармацыйнай прадукцыяй” Threads -акаўнт Юліі Юхно (Тарасевіч).
Выдалены партал «Народныя навіны Віцебска», не адчыняецца сайт Orsha.eu, спынены выхад газеты “Вольнае Глыбокае”... Як за апошнія гады звузіўся незалежны медыясегмент Віцебшчыны
Паводле выдання «Витебский курьер news», “самый заметный удар пришёлся на 2020–2022 годы. Тогда под раздачу попали крупные региональные сайты, которые и освещали мирные протесты в Беларуси, и в целом продолжали давать независимый взгляд на события в регионе”. Зніклі як буйныя інтэрнэт- выданні, так і малыя – сайты, створаныя ў розных рэгіёнах. А тыя, што засталіся, “вынужденно пишут в условиях строжайшей цензуры”.
Экс-палітвязня Паўла Нікіценку, вывезенага ў Літву ў верасні мінулага года, уключылі ў міжнародную базу вышуку
Гэта адбылося літаральна днямі: па звестках на 13 траўня, у базе вышуку МУС РФ, агульнай на тэрыторыі Беларусі і Расіі, ягонага прозвішча яшчэ не было. Крымінальны артыкул, паводле якога мужчыну шукаюць, не ўказаны.