Беларуская праваабарончая супольнасць прызнала палітвязнем Сяргея Тулінава
Жыхар Віцебска асуджаны за за абразу Лукашэнкі, прадстаўніка ўлады і суддзі , а таксама за распальванне варожасці (ч.1 арт. 368, арт.369 , арт.391 КК РБ, ч.1 арт.130 ККРБ) , ён адбывае пакаранне ў калоніі паводле выраку Віцебскага абласнога суда. Паводле сацсетак, Сяргей Тулінаў жанаты і мае траіх малалетніх дзяцей.
Вячаслаў Лазараў: “Мяне затрымалі ў фірмовай майцы “Белсата”
Відэаператар-фрылансер Вячаслаў Лазараў стаў адным з 52 памілаваных вязняў беларускіх турмаў, якіх 11 верасня вызвалілі і дэпартавалі на тэрыторыю Літвы 11 верасня. БАЖ пагутарыў з былым палітзняволеным журналістам пра турэмныя нягоды, нечаканае вызваленне і далейшыя планы.
Блогер Дзмітрый Казлоў вырашыў застацца ў Літве і займацца абвяржэннем беларускай прапаганды
Дзмітрый Казлоў - блогер з Барані, вядомы як “Шэры Кот”, — адзін з тых вязняў, каго вызвалілі 11 верасня і прымусова вывезлі ў Літву. У гэтай краіне ён збіраецца застацца - прынамсі, у найбліжэйшы час. Пра гэта ён распавёў ў першым стрыме у наноў створаным Youtube-канале. Стрым быў праведзены з санаторыя ў літоўскім Бірштонасе - туды накіроўваць былых палітзняволеных, каб яны трохі паправілі здароўе. Таксама ён падзяліўся сваімі планамі на блогерскію дзейнасць.
Павел Нікіценка: “Нас там не лічылі за людзей”
Праграміст Павел Нікіценка з Віцебска — адзін з тых вязняў, каго вызвалілі 11 верасня і прымусова вывезлі ў Літву. На той момант яму заставалася адбыць у зняволенні ўсяго кала 3-х месяцаў. І пра выезд з краіны ён не думаў - збіраўся застацца на радзіме са сваёй сям’ёй. Былы палітвязень распавёў "Вясне" пра тое, як яго вывозілі на мяжу наўпрост з бабруйскай калоніі, збіццё пры затрыманні і ў віцебскім СІЗА, а таксама пра ціск на палітвязняў за кратамі.
У абноўленым спісе “экстрэмістаў” - аршанец Валянцін Нікішын
19 верасня на сайце МУС абнавілі пералік асобаў, “датычных да экстрэмісцкай дзейнасці”. У яго ўключылі 64-гадовага ўраджэнца вёскі Нарэйкава Аршанскага раёна, жыхара Оршы Валянціна Нікішына. Мужчына быў затрыманы сёлета 28 траўня.
Прыхільніца “русского мира” Эльвіра Мірсалімава скардзіцца на міліцыю
Яе, як і ўсіх іншых, хто “трапіўся” на палітычна матываваных “правапарушэннях”, перыядычна выклікаюць на гутаркі ў міліцыю. Атрымаўшы чарговае запрашэнне на такую гутарку, Мірсалімава абвінаваціла супрацоўнікаў міліцыі ў тым, што ў іх з памылкамі запісаны яе адрас. Толькі свае прэтэнзіі яна выказала не міліцыянтам, а ў Telegram. Хаця раней яна неаднаразова адзначала, што “профилактические беседы у нас проходили вполне уважительно».
Жыхарка Верхнядзвінскага раёна вяла трансляцыі ў TikTok. Падчас іх прыніжала свайго сына
Падчас маніторынгу сеткі Інтэрнэт пракуратура Верхнядзвінскага раёна, мабыць, шукала “экстрэмісцкую інфармацыйную прадукцыю”. Але знайшла іншае. 35-гадовая жанчына, праводзячы прамыя трансляцыі, выказвала нецэнзурныя абразы на адрас свайго сямігадовага сына і пагражала яму фізічнымі пакараннямі. Усё гэта - нападпітку.
Мікалай Статкевіч зноў ў глыбоцкай калоніі?
11 верасня ў ліку 52 палітычных вязняў, якіх выпусцілі з беларускіх калоній і прывезлі да літоўскай мяжы, быў лідар «Народнай грамады» Мікалай Статкевіч, якога ў 2020 годзе затрымалі яшчэ да пачатку масавых пратэстаў. Але ён адмовіўся ад таго, каб быць фактычна дэпартаваным у Літву. Ён практычна выбіў дзверы аўтобуса, дзе ехалі зняволеныя, і застаўся на тэрыторыі Беларусі - некалькі гадзін прастаяў на мяжы на беларускім баку, яго было відаць у камеры назірання, скрыншоты з якой публікаваў Памежны камітэт. З ім размаўлялі амерыканскія дыпламаты і партыец Яўген Вільскі, жонка праз тэлефон яшчэ некалькі чалавек, але пераканаць Статкевіча застацца ў Літве не ўдалося.
Вячаслаў Лазараў падарыў БАЖ камізэльку «Прэса», які “адседзеў” з ім у калоніі
Віцебскі відэааператар быў вызвалены з-за кратаў 11 верасня і прымусова вывезены ў Літву. Распавядаючы пра сваё вызваленне, Вячаслаў Лазараў кажа, што яно было неспадзяваным - прашэння аб памілаванні ён не пісаў і ніякіх афіцыйных папер не падпісваў. Больш за тое: у чужой краіне ён апынуўся без аніякіх дакументаў - толькі віза без фотаздымка на звычайным аркушы А4. сабраць толкам рэчы яму таксама не далі.
BelPol апублікаваў дакумент пра стан злачыннасці на Віцебшчыне
Гэты дакумент - справаздача абласной пракуратуры старшыні Віцебскага аблвыканкама і памочніку прэзідэнта па Віцебскай вобласці пра стан злачыннасці за першую палову 2025 г. Паводле яго, на першы погляд зафіксавана станоўчая тэндэнцыя: колькасць зарэгістраваных злачынстваў знізілася амаль на 9%. Але прыведзеныя ў дакуменце лічбы сведчаць пра тое, што па некаторых накірунках злачыннасць вырасла, прычым у разы.