У прапагандыстаў - кадравы правал
З канца верасня для працы ў абласной газеце «Витебские вести» шукаюць чалавека на пасаду галоўнага рэдактара ( заробак 2 396 – 2 667 руб.). Таксама вольныя пасады карэспандэнта ( заробак 750 – 970 руб.), вядучага карэспандэнта (заробак 1 425 – 1 660 руб.), аператара электроннага набора і версткі (заробак 1 145 – 1 200 руб.).
У Наваполацку прадаюць кватэру актывіста Яўгена Вільскага, які з’ехаў з Беларусі
Трохпакаёвая кватэра агульнай плошчай 72,9 м² прадаецца разам з усёй мэбляй і тэхнікай, якая там знаходзіцца. У пералік маёмасці, выстаўленай на аўкцыён на сайце “Берюробеспечение» трапілі нават свяцільнікі, дываны і шторы на вокнах. Абвешчаны пачатковы кошт - 141 710 рублёў.
Колькі жыхароў у гарадах і райцэнтрах Віцебскай вобласці асудзілі па палітычна матываваных "крыміналках"
"Наша Ніва" падлічыла, што пасля 2020 года ў Віцебскай вобласці пад крымінальны пераслед па палітычна матываваных артыкулах папалі 403 чалавекі. Гэта самы нізкі паказнік у параўнанні з іншымі абласцямі і г.Мінскам. Але варта ўлічваць, што вядзецца толькі пра вядомыя выпадкі, і за аснову ўзятыя звесткі з правааабарончага сайта Dissidentby.com.
У віцебскім тэатры “Лялька” ўпершыню паставілі спектакль на расейскай мове
На сення запланавана прэм’ера спектакля “Девочка и медведь”, які паставіла Дар’я Зімніцкая, не так даўно прызначаная на пасаду мастацкага кіраўніка тэатра. Да яе гэтую пасаду ад самага стварэння тэатра “Лялька” (1986 г.) займаў Віктар Клімчук, прыхільнік беларускага слова і беларускага мастацтва.
Яшчэ дзве сямейныя пары з Глыбокага ўключылі ў "экстрэмісцкі" пералік на сайце МУС
Ад пачатку 2025 года судзяць жыхароў Глыбоччыны, затрыманых падчас леташняга міліцэйскага “хапуна”, і ішых гараджан, якіх звінавацілі за ўдзел у мірным пратэстным маршы ў 2020-м. Колькасць асуджаных па гэтым артыкуле жыхароў Глыбокага ўжо дасягнула 50-ці чалавек.
Суд Мёрскага раёна прызнаў "экстрэмісцкімі" яшчэ 5 інтэрнэт-рэсурсаў. За адзін дзень
Паводле рашэнняў гэтага суда, прынятых 20 кастрычніка, "экстрэмісцкімі" прызнаны Telegram-канал "Толькі анонсы"; Telegram-канал "Літарка"; Telegram-канал "Sveriges Belarusier"; Группа "Sveriges Belarusier/ Беларусы Швецыi" у Facebook; айт "Sveriges Belarusier" .
Журналіст Анджэй Пачобут узнагароджаны прэміяй імя Андрэя Сахарава
Палітзняволенага трымаюць у Наваполацкай ПК -1. 8 лютага 2023 г. яго асудзілі на 8 гадоў зняволення ва ўмовах узмоцненага рэжыму, абвінаваціўшы паводле двух крымінальных артыкулаў: арт. 361 КК — заклікі да дзеянняў, накіраваных на прычыненне шкоды нацыянальнай бяспецы РБ; арт. 130 КК — распальванне расавай, нацыянальнай, рэлігійнай альбо іншай сацыяльнай варожасці.
Суды Віцебскай вобласці працягваюць прызнаваць інтэрнэт-рэсурсы “экстрэмісцкімі”
Тры інтэрнэт-рэсурсы прызнаў “экстрэмісцкімі суд Мёрскага раёна, адзін – Чашніцкага раёна. Усё гэта адбылося за два дні , 15 і 16 кастрычніка. 20 кастрычніка гэтыя рэсурсы ўключылі ў Рэспубліканскі спіс экстрэмісцкіх матэрыялаў.
Сродкі ад наступнага суботніка пойдуць на знак "Працоўнай славы" ў Оршы
Наступны Рэспубліканскі суботнік запланаваны на 25 кастрычніка. Адпаведная пастанова апублікавана на Нацыянальным прававым партале. Згодна з дакументам, 50 працэнтаў усіх сабраных сродкаў паступяць у рэспубліканскі бюджэт і будуць накіраваны на будаўніцтва Нацыянальнага гістарычнага музея Беларусі. Другая палова застанецца ў распараджэнні рэгіёнаў. Віцебская вобласць накіруе іх на ўстаноўку памятнага знака "Орша – горад працоўнай славы”. Гэты праект так і застаецца няўцямным для аршанцаў.
У спіс асобаў, "датычных да экстрэмісцкай дзейнасці", уключылі сямейную пару з Глыбокага.
У абноўлены "экстрэмісцкі спіс" на сайце МУС уключаны імены і прозвішчы Юліі Леановіч і Дзмітрыя Леановіча. Абодва 1989 года нараджэння, абодва асуджаны паводле ч.1 арт.342 КК РБ судом Глыбоцкага раёна.