«Гэта страшна!» Справу дзяўчыны, якую затрымалі за велапрабег, вярнулі на дапрацоўку
3 жніўня ў судзе Чыгуначнага раёну Віцебску меўся адбыцца суд над віцяблянкай Вольгай Бабінскай, якая пасьля затрыманьня 31 ліпеня правяла трое сутак у ізалятары. Дзяўчыну вінавацяць ва ўдзеле ў несанкцыянаваным масавым мерапрыемстве (ч.1, арт. 23.34) – велапрабегу. Вольгу прывезьлі ў суд толькі пасьля абеду, але разгляд справы так і не адбыўся – матэрыялы вярнулі на дапрацоўку ў міліцыю.
Нары замест назіраньня: Уладзімера Кійко кінулі ў ізалятар часовага ўтрыманьня
У панядзелак 3 жніўня быў затрыманы віцебскі актывіст Уладзімер Кійко. Яго зьмясьцілі ў ізалятар часовага ўтрыманьня (ІЧУ) адбываць арышт, які яму прысудзілі яшчэ 7 ліпеня за ўдзел у «ланцугу салідарнасьці». Пра затрыманьне паведаміў брат Уладзімера Яраслаў, зь якім яны меліся сёньня зарэгістравацца назіральнікамі на выбарах.
20 натхняльных фота зь мітынгу ў падтрымку Ціханоўскай у Віцебску
У нядзелю 2 жніўня ў Віцебску адбыўся мітынг у падтрымкі кандыдаткі на прэзыдэнцтва Сьвятланы Ціханоўскай. Митынг быў зладжаны яе даверанымі асобамі і валянтэрамі каманды. Імпрэза прайшла ў парку імя Савецкай арміі ў Мазурыне і сабрала больш за паўтысячы ўдзельнікаў.
На мітынгу ў Шуміліне людзі заклікалі Лукашэнку сысьці з пасады прэзыдэнта
30 ліпеня шумна было ня толькі на мітынгу Сьвятланы Ціханоўскай у Менску – шумна было і ў Шуміліне. Ня менш за 150 шумілінцаў прыйшлі на мітынг, каб выказаць сваю падтрымку кандыдатцы. І гэта – не зважаючы на запалохваньне з боку мясцовага кіраўніцтва: людзей папярэдзілі пра нэгатыўныя наступствы для тых, хто наважыцца прыйсьці на імпрэзу. Аднак месьцічаў прыйшло куды больш, чым нават на Дзень перамогі ў траўні.
Пракуратура: колькасьць злачынстваў на Віцебшчыне зьнізілася на 11%
Колькасьць злачынстваў на тэрыторыі Віцебскай вобласьці скарацілася на 11%, у тым ліку ў сфэры крымінальнага вышуку на 6,2%, паведамляе абласная пракуратура. Найбольшае зьніжэньне ўзроўню злачыннасьці адбылося за кошт зьмяншэньня крадзяжоў, атрыманьня хабару, злоўжываньня службовымі паўнамоцтвамі, незаконнага абароту наркотыкаў.
Віцебскі аблсуд не задаволіў 7 скаргаў на штрафы за «ланцуг салідарнасьці»
У Віцебскім абласным судзе 29 ліпеня разглядаліся скаргі актывістаў на пастановы раённых судоў, якія пакаралі іх штрафамі за ўдзел у перадвыбарчых пікетаваньнях (арт. 23.34 КаАП), у тым ліку – у «ланцугу салідарнасьці» ў Віцебску. Скаргі разглядалі судзьдзі Сьвятлана Іванова і Ірына Смалякова. Ніводная скарга не была задаволеная.
Віцябляне патрабуюць спыніць зьнішчэньне трамваяў у горадзе
Амаль 1200 віцяблян падпісалі пэтыцыю да гарадзкіх уладаў супраць зьнішчэньня трамваяў у абласным цэнтры. На віцебскай вуліцы Гагарына, за рэканструкцыю якой узяліся пасьля адкрыцьця Полацкага пуцеправоду, ужо дэмантуюць трамвайныя пуці. Тое ж чакаецца на праспэкце Люднікава…
«У мяне скралі прэзыдэнта». Жыхарку Гарадку будуць судзіць за фота ў Instagram
24 ліпеня на жыхарку Гарадку міліцыянты склалі пратакол за тое, што яна разьмясьціла ў Instagram-stories фотаздымак, на якім трымае аркуш з надпісам «У мяне скралі прэзыдэнта». Жанчыну вінавацяць у правядзеньні несанкцыянаванага пікетаваньня (ч.1 арт. 23.34 КаАП).
Сьвятлана Ціханоўская на мітынгу ў Віцебску: Я вам абяцаю, што пайду да канца…
Мітынг, які адбыўся 24 ліпеня ў парку культуры і адпачынку чыгуначнікаў, стаў найвялікшай праявай грамадзянскай салідарнасьці ў Віцебску за ўсе гады незалежнай Беларусі і выявіў насьпелую прагу гараджанаў да свабоды і дэмакратыі. На свой трэці за дзень мітынг Сьвятлана Ціханоўская і яе каманда прыехала пасьля шматлюдных імпрэзаў у Глыбокім і Наваполацку. Больш за 5 тысяч чалавек у Віцебску сустрэлі народную кандыдатку дружнымі воплескамі.
Ціханоўская выступіць перад дэсантнікамі 103-й брыгады ў Віцебску?..
Давераная асоба кандыдата на прэзыдэнцтва Сьвятланы Ціханоўскай у Віцебскай вобласьці Тацяна Севярынец зьвярнулася да камандзіра 103-й асобнай паветрана-дэсантнай брыгады гвардыі палкоўніка Вадзіма Шадуры з просьбай дазволіць Ціханоўскай выступіць на тэрыторыі вайсковай часткі, як гэта нядаўна зрабіў іншы кандыдат – Аляксандар Лукашэнка.