Прызыўная камісія адмяніла адтэрміноўку, але суд стаў на бок прызыўніка
Суд Чыгуначнага раёну Віцебску 31 сакавіка задаволіў скаргу прызыўніка Андрэя Крычаўцова, якому гарадзкая прызыўная камісія адмяніла адтэрміноўку ад службы ў войску. Пра гэта паведаміў сябра простага таварыства «Грамадзкі камітэт упаўнаважаных па правах чалавека «Правы для ўсіх» Павал Левінаў, які ўдзельнічаў у працэсе ў якасьці прадстаўніка грамадзкасьці.
Надзвычайнае становішча і строгі карантын: як змагаюцца з каранавірусам у Грузіі
Ад 31 сакавіка на ўсёй тэрыторыі Грузіі ўвялі строгі карантын. Спыненая праца мэтро і грамадзкага транспарту, абмежаванае перамяшчэньне грамадзян на вуліцах. Ад 21.00 да 6.00 раніцы дзейнічае камэнданцкі час. Ахоўнікам у турмах падчас карантыну не дазваляецца выходзіць за вароты вязьніц. Пра тое, як краіна змагаецца з каранавірусам, расказвае наш карэспандэнт, які знаходзіцца зараз у Грузіі.
Вольгу Жураўскую аштрафавалі на 810 рублёў за спробу зьняць відэа пра каронавірус
У судзе Кастрычніцкага раёну Віцебску 30 сакавіка адбыўся працэс па справе, распачатай з ініцыятывы лекара, які праводзіў прыём у віцебскім тубэркулёзным дыспансэры, паведамляе служба маніторынгу «Беларускай асацыяцыі журналістаў».
Пайшоў з жыцьця актор Віктар Дашкевіч. Дыягназ: COVID-19
Памёр актор віцебскага Нацыянальнага драматычнага тэатру імя Якуба Коласа Віктара Дашкевіча. Пра гэта паведамілі сваякі актора. Мужчына цягам шасьці дзён знаходзіўся ў рэанімацыі на апараце штучнай вэнтыляцыі лёгкіх – у яго выявілі COVID-19, піша Радыё Свабода.
Віцебскі гарвыканкам зацьвердзіў плян супраць каранавірусу: 21 пункт
Віцебскі гарвыканкам 27 сакавіка зацьвердзіў план дадатковых мерапрыемстваў па прафіляктыцы і зьніжэньні распаўсюджваньня каранавірусу і іншых рэсьпіраторных інфэкцый, паведаміла Радыё Свабода. Сярод захадаў - абмежаваньне паездак у камандзіроўкі, скасаваньне заняткаў у ВНУ, забарона на масавыя мерапрыемствы ды іншае. Але карантын - не абвешчаны.
Сьледзтва адмовіла палітвязьню Жамчужнаму ў атрыманьні пасылак і спатканьнях
Віцебскі гарадзкі аддзел Сьледчага камітэту РБ адмовіў праваабаронцу Леаніду Сьвеціку ў кароткатэрміновай сустрэчы з палітвязьнем Міхаілам Жамчужным, а таксама – у перадачы палітвязьню харчова-рэчавай пасылкі. Сьвецік лічыць, што сьледчы фармальна паставіўся да ягонай просьбы, праігнараваўшы прынцып гуманізму.
Каронавірус: Віцебскі абласны суд прапануе разглядаць справы дыстанцыйна
«Юрыдычна зацікаўленым у выніках справы асобам прапануецца браць удзел у разглядзе справаў дыстанцыйна», – пра гэта паведаміў першы намесьнік старшыні Віцебскага абласнога суду Анатоль Фаменка на запыт праваабаронцы Паўла Левінава. У сваім звароце ён пытаўся, якія захады зрабіла кіраўніцтва аблсуду, каб засьцерагчы здароўе і жыцьцё наведнікаў і супрацоўнікаў.
«Беларусь перадусім!» Барыс Хамайда павіншаваў віцяблян з Днём Волі
У Віцебску каронавірус не перашкодзіў Барысу Хамайду адзначыць чарговыя ўгодкі БНР. Не наважыліся перашкодзіць яму і міліцыянты ў цывільным, якія здымалі актывіста на свае мабільныя тэлефоны – бліжэй, чым на два мэтры, да Хамайды ў мэдычнай масцы не набліжаліся…
Каронавірус: гарвыканкам адказаў на патрабаваньне ўвесьці карантын у школах
Віцебскі гарвыканкам даў афіцыйны адказ на патрабаваньне праваабаронцы Леаніда Сьвеціка неадкладна ўвесьці карантын у навучальных установах гораду. «З улікам прафіляктычных мерапрыемстваў для папярэджваньня і мінімізацыі распаўсюду каронавіруснай інфэкцыі ў горадзе Віцебску прыняцьце дадатковых мер на дадзены момант не патрабуецца», – лічаць улады.
«Адтэрміноўку скасавалі безь мяне». У Віцебску прызыўнік судзіцца з прызыўной камісіяй
20 сакавіка ў судзе Чыгуначнага раёну Віцебску на папярэднім судовым паседжаньні разглядалася скарга прызыўніка Андрэя Крычаўцова. Прадстаўнікі ваенкамату і Віцебскага гарвыканкаму на суд не прыйшлі. Наступнае паседжаньне прызначанае на 31 сакавіка, паведамляе Беларуская праўда.