Выйшаў першы публічны відэавыступ Паўла Севярынца на ягоным уласным Telegram-канале
Палітвязень быў вызвалены сёлета 13 снежня. Спачатку яго прымусова вывезлі ва Ўкраіну, а потым па яго жаданню перавезлі ў Вільню, дзе ён сустрэўся з сям'ёй пасля 5-ці з паловай год зняволення. Цяпер экс-палітзняволены ўраджэнец Оршы, вядомы палітык, заснавальнік БХД знаходзіцца ў Вільні. Ен стварыў уласны Тэлеграм-канал, дзе і апублікаваў першы публічны відэазварот.
Пагулялі за кошт штрафаў
Лёзненская міліцыя зладзіла “салодкі стол” для сваіх падшэфных - выхаванцаў з вайскова-патрыятычнага клуба “Штурм”. Але не на ўласна заробленыя грошы а за кошт штрафаў, прысуджаных жыхарам раёна за абразу міліцыянтаў падчас выканання службовых абавязкаў.
Музыка і спявак Сяржук Доўгушаў заснаваў у Варшаве шэлтар для палітвязняў
На днях ураджэнец Аршаншчыны Сяржук Доўгушаў абвясціў пра адкрыццё шэлтара – часовага прытулку для тых, хто застаўся без жытла ў вымушанай эміграцыі. Сродкі на ўтрыманне будынка збіралі грамадой, і ён ужо прыняў першых насельнікаў – 5 былых палітвязняў. Да слова, гэта ўжо другі шэлтар у Варшаве, заснаваны нашымі землякамі – першай гэтую справу распачала Ганна Федаронак, уражэнка Пастаўшчыны.
Дэвэлапера Уладзіміра Захарава ўключылі ў “экстрэмісцкі” пералік на сайце МУС
Яго імя і прозвішча з’явілася ў пераліку асобаў, “датычных да экстрэмісцкай дзейнасці”, увечары 24-га снежня. Уладзімір Захараў быў уласнікам нерухомасці ў Полацку, Наваполацку і іншых гарадах Беларусі, якую здаваў у арэнду. У 2024 годзе супраць яго завялі крымінальную справу па ўэрагу эканамічных артыкулаў, а таксама па палітычным – за дыскрэдытацыю Рэспублікі Беларусь. На той час ён выехаў за межы краіны, яго справу пачалі разбіраць у рэжыме спецвытворчасці.
Былая зняволеная распавяла пра ўмовы ўтрымання "палітычных" у віцебскіх ІЧУ і СІЗА
У Беларусі ўжо пяць з паловай гадоў палітычныя затрыманні застаюцца часткай паўсядзённай рэчаіснасці. Разам з імі нязменнымі застаюцца і ўмовы ўтрымання: перапоўненыя камеры, адсутнасць сродкаў гігіены і зменнай бялізны, сон на падлозе або на халодных жалезных ложках без матраца, дні без прагулак і душа. Акрамя гэтага, на іх увесь час з моманту затрымання аказваецца фізічны і псіхалагічны ціск. Такія ўмовы спецыяльна створаны не толькі ў Мінску, але і ва ўсіх рэгіёнах краіны. Жанчына, якой давялося зведаць умовы ўтрымання "палітычных" у ІЧУ і СЗА Віцебска, распавяла пра гэта «Вясне».
У Оршы заснавалі яшчэ адзін вайскова-патрыятычны клуб.
Клуб "Праметэй" будзе дзейнічаць пры аршанскім каледжы харчавання, дзе ў асноўным рыхтуюць кадры для мясцовага мясакамбіната. Яго стварылі пры садзеянні Дзяржаўнага камітэты судовых экспертыз. Удзельнікі клуба - 18 першакурснікаў.
Суд Лёзненскага раёна зноў прызнаў “экстрэмізм”
20 снежня “экстрэмісцкімі” былі прызнаны Telegram-канал "Беларускi ПЭН» і старонка "Embaixada Popular de Belarus no Brasil" (Народнае пасольства Беларусі ў Бразіліі) у Facebook.
23 снежня гэтыя інтэрнэт-рэсурсы былі ўключаны ў Рэспубліканскі спіс экстрэмісцкіх матэрыялаў.
Полацкі суд перастараўся: “экстрэмісцкім” прызнаны рэсурс, які “змагаўся з экстрэмізмам”
18 снежня суд Полацкага раёна і г.Полацка прызнаў “экстрэмісцкай” старонку “ВКонтакте” з назвай "Zмагар – Использованная прокладка". Інтэрнэт-рэсурсы з падобнымі абразлівымі назвамі масава з’явіліся пасля пратэстаў 2020 г. Такім чынам іх стваральнікі з ліку штатных ідэолагаў, супрацоўнікаў сілавых структур і прыхільнікаў дзейных уладаў імкнуліся дыскрэдытаваць беларускую нацыянальную сімволіку і ўсіх, для каго бел-чырвона-белы сцяг стаў сімвалам змагання за волю.
Ксёндз Сяргей Сурыновіч: "Некаторыя элементы фрэскі пачалі адцягваць увагу ад цэнтральнай таямніцы — ад Хрыста і Яго Уваскрасення"
Пробашч віцебскага касцёла Святога Антонія патлумачыў, чаму з цэнтральнай фрэскі ў храме зніклі выявы жынчыны і двух салдат . Паводле ягоных словаў, "пытанне ўзнялі самі парафіяне. На працягу многіх гадоў паступалі катэгарычныя заўвагі і скаргі, і ў выніку супольнасць прыняла рашэнне, што пэўныя вобразы трэба прыбраць. Гэта не было воляй аднаго чалавека, а менавіта патрабаваннем людзей, якія хацелі, каб іх касцёл заставаўся прасторай малітвы і супакою.
Віцебскі відэааператар Вячаслаў Лазараў атрымаў медаль Няскораных
Аб’яднаны пераходны кабінет Беларусі узнагародзіў медалямі 14 выбітных асобаў. Сярод іх - наш зямляк, экс-палітвязень, відэааператар і журналіст Вячаслаў Лазараў. У ліку іншых ён атрымаў гэтую ўзнагароду 17 снежня.