Удзельніка стрыму Ціханоўскага ў Віцебску прысудзілі да 4-х сутак арышту
Суд Чыгуначнага раёну Віцебску пакараў 21 траўня віцябляніна Аляксандра Мацеюка 4-ма суткамі адміністрацыйнага арышту за ўдзел у сустрэчы з блогерам Сяргеем Ціханоўскім. Мужчыну прызналі вінаватым у парушэньні заканадаўства аб масавых мерапрыемствах (арт. 23.34 КаАП). Справу разглядала судзьдзя Алена Грабянчук.
Пракуратура папярэдзіла яшчэ аднаго віцябляніна за ўдзел у стрыме Ціханоўскага
Афіцыйнае папярэджаньне наконт недапушчальнасьці ўдзелу ў несанкцыянаваных мерапрыемствах далі жыхару Віцебску Аляксею Саламаненку. Несанкцыянаваным пікетам пракуроры палічылі стрым блогера Сяргея Ціханоўскага, які прыяжджаў у Віцебск 30-га красавіка, перадае Беларускае Радыё Рацыя.
Былога кіраўніка Браслаўскага раёну асудзілі на 10 гадоў, ягоную жонку – на 4 гады
У Віцебску вынесьлі прысуд экс-старшыні Браслаўскага райвыканкаму Уладзімеру Дранеўскаму і ягонай жонцы Алене Дранеўскай. Іх асудзілі, адпаведна, да 10 і 4 гадоў зьняволеньня. Таксама сужэнцы мусяць сплаціць 120 тыс. рублёў, кватэра ў Менску канфіскаваная, пішуць Народныя навіны Віцебска.
Віцебская абласная выбарчая камісія сфармаваная: Смолікаў – увайшоў, Левінаў – не
У аўторак 19 траўня на сумесным паседжаньні Віцебскага аблвыканкаму і абласнога Савету дэпутатаў была ўтвораная Віцебская абласная выбарчая камісія (ВАВК) па выбарах прэзыдэнта краіны. У складзе камісіі – 7 прадстаўнікоў грамадзкіх арганізацый, 4 чалавекі ад партый, 2 – вылучаныя грамадзянамі.
Чарговы штраф Алегу Баразьне: 810 рублёў – за ўдзел у стрыме Ціханоўскага
Суд Чыгуначнага раёну Віцебску 19 траўня пакараў віцябляніна Алега Баразну штрафам у памеры 30 базавых велічынь за ўдзел у стрыме блогера Сяргея Ціханоўскага. Судзьдзя палічыла, што Баразна, адказаўшы на пытаньне блогера, паўдзельнічаў у несанкцыянаваным пікетаваньні і парушыў тым самым заканадаўства аб масавых мерапрыемствах (ч.1 арт. 23.34).
Шэсьць чалавек зь Віцебшчыны падалі ў ЦВК дакумэнты для рэгістрацыі ініцыятыўных груп
15 траўня скончыўся прыём дакумэнтаў на рэгістрацыю ініцыятыўных груп. У выніковым сьпісе апынулася 55 прэтэндэнтаў на прэзыдэнцтва, сярод якіх – 6 жыхароў Віцебскай вобласьці: трое з Віцебску, па адным з Воршы, Наваполацку і Дуброўна. Хто яны?..
За кармленьне галубоў у Віцебску пакаралі дзяўчыну: 540 рублёў штрафу
Суд Чыгуначнага раёну Віцебску 18 траўня разгледзеў адміністрацыйную справу ў дачыненьні віцяблянкі Дар’і К., якую вінавацілі ва ўдзеле ў несанкцыянаваным масавым мерапрыемстве (ч.1 арт. 23.34 КаАП) – кармленьні галубоў 3 траўня. Дзяўчыну прызналі вінаватай і пакаралі штрафам у памеры 20 базавых велічынь.
Алена Янушкоўская абскардзіла папярэджаньне пракуратуры: «Вы сталі на шлях запалохваньня!»
Блогерка Алена Янушкоўская накіравала пракурору Віцебскай вобласьці скаргу на афіцыйнае папярэджаньне, якое на мінулым тыдні ёй вынесла раённая пракуратура. «Замест таго, каб стаць на абарону маіх правоў на свабоду мірных сходаў і выказваньня меркаваньняў пракурор Віцебскага раёну Шклярэўскі стаў на шлях запалохваньня», – сьцьвярджае актывістка.
Наваполацак: Андрэй Зуеў адбыў 7 сутак за кратамі і выйшаў на волю
Актывіст «Народнай Грамады» і бацька 4-х дзяцей Андрэй Зуеў 15 траўня быў вызвалены з-за кратаў наваполацкага цэнтру ізаляцыі правапарушальнікаў (ЦІП). Ён быў пакараны судом на 7 сутак арышту за ўдзел у «стрыме» Ціханоўскага. Каля наваполацкага ЦІПу позьнім вечарам яго сустракалі жонка, паплечнікі і журналісты, але міліцыя цішком вывезла актывіста за тэрыторыю цэнтру.
Пастаўская міліцыя распачала адміністрацыйны працэс у дачыненьні да Ганны Федаронак
Пасьля затрыманьня вядомага блогера Сяргея Ціханоўскага і цэлага шэрагу ягоных прыхільнікаў перасьлед грамадзянаў з актыўнай грамадзянскай пазыцыяй працягваецца ва ўсёй краіне. Гэтак, у Паставах распачаты адміністрацыйны працэс у дачыненьні да хатняй гаспадыні з Варапаева Ганны Федаронак.