• Палітвязень Міхаіл Жамчужны: Працягваю змагацца за жыцьцё!

    Палітвязень Міхаіл Жамчужны: Працягваю змагацца за жыцьцё!

  • Жыхароў Полацку вярбуюць зьбіраць камяні ў Расеі. Абяцалі $700 – перавялі $80

    Жыхароў Полацку вярбуюць зьбіраць камяні ў Расеі. Абяцалі $700 – перавялі $80

  • У Віцебску адкрылася выстава ілюстрацый да “Айчыны” Ўладзімера Арлова

    У Віцебску адкрылася выстава ілюстрацый да “Айчыны” Ўладзімера Арлова

  • Прыгажосьць і карупцыя. Як віцебскіх пэнсіянэрак пазбаўляюць даху над галавой

    Прыгажосьць і карупцыя. Як віцебскіх пэнсіянэрак пазбаўляюць даху над галавой

Гэта ўжо традыцыйная акцыя, якая адбываецца штогод. «Некалькі актывістаў сабраліся а 18-й вечара каля крыжа на Ўсьпенскай горцы, а потым усе спусьціліся ўніз — бліжэй да таго месца, дзе Віцьба ўпадае ў Дзьвіну. Калі пачалі пускаць вянок, аднекуль набеглі работнікі камунальных службаў ды пачалі крычаць: „Чаму забруджваеце рэчку розным сьмецьцем?“. А людзі ў цывільным здымалі гэта на відэа. Але наш вянок гэтым разам хутка-хутка паплыў па вадзе, хоць у мінулыя гады яго даводзілася нават штурхаць. А так — як Бог яго падхапіў ды панёс…», — распавёў удзельнік акцыі старшыня абласной суполкі партыі БНФ Леанід Аўтухоў.

У пікеце, які прайшоў 26 красавіка ў цэнтры Віцебску, узялі ўдзел двое сяброў КХП-БНФ. Віталь Каваленка і Ян Дзяржаўцаў цягам прыкладна 30-ці хвілін стаялі ля помніку Машэраву з плякатамі «Будаваць АЭС бяз згоды народу можа толькі вораг Беларусі» і «Дыктатар! Пабудуеш Астравец – пажнеш Чарнобыль!» Мінакі спыняліся ля пікетоўцаў, задавалі ім пытаньні, рабілі фатаграфіі з дапамогай здымачоў мабільных тэлефонаў.

У судзе Чыгуначнага раёну Віцебску адбылося папярэдняе судовае паседжаньне па грамадзянскім пазове Антаніны Піванос супраць галоўнага ўпраўленьня Міністэрства фінансаў Рэспублікі Беларусь па Віцебскай вобласьці. Актывістка патрабуе, каб, у адпаведнасьці з рашэньнем КПЧ ААН, ёй выплацілі грашовую кампэнсацыю маёмасьці, якая была канфіскаваная ў яе 25 сакавіка 2008 году, а таксама вярнулі суму штрафу, якім яе пакаралі незаконна.

Віцебскі ліквідатар аварыі ў Чарнобылю палкоўнік Анатоль Гнеўка вельмі катэгарычна выказаўся наконт удзельнікаў «Чарнобыльскага шляху»: «Мы сваё месца ў “Чарнобыльскім шляху” заваявалі тым, што падарвалі сваё здароўе, жыцьці паклалі, спрабуючы ліквідаваць аварыю на ЧАЭС і мінімізаваць яе наступствы. А цяпер тыя, хто зьбіраецца на “Чарнобыльскі шлях”, далёкія ад чарнобыльскіх праблем. Яны ў свой час, дый цяпер, нічога не зрабілі для ліквідатараў, у якіх улада забірала сацыяльныя льготы і гарантыі. Таму нам зь імі не па дарозе».

“Мяне вінавацяць у тым, што была перавышаная колькасьць асобнікаў партыйнага бюлетэня “Магістрат”, які мы раздавалі 22 сакавіка. Але тыя асобнікі ніхто пры нас не лічыў, і адкуль узялася выніковая лічба, мне невядома. Акрамя гэтага, на сёньняшні дзень усе асобнікі мусілі быць зьнішчаныя. Аднак – не, яны фігуруюць у маёй новай адміністрацыйнай справе”, - гаворыць старшыня Віцебскай абласной арганізацыі партыі БНФ.

Мясцовыя дэмакратычныя актывісты падавалі тры заяўкі на імпрэзы, прысьвечаныя памяці ахвяраў чарнобыльскай трагедыі — у трох раёнах гораду і ва ўсіх трох месцах, адмыслова вызначаных для масавых акцыяў раённымі адміністрацыямі. Мітынгі, прысьвечаныя памяці ахвяраў чарнобыльскай катастрофы, зьбіраліся арганізаваць кіраўнік абласной структуры руху «За свабоду» Хрыстафор Жаляпаў — у парку імя 30-годзьдзя ВЛКСМ, і кіраўнік абласной арганізацыі партыі БНФ Леанід Аўтухоў — у Парку культуры і адпачынку чыгуначнікаў. Нават пікет у загарадным парку культуры і адпачынку «Мазурына», які рыхтаваў сябра КХП БНФ Ян Дзяржаўцаў, апынуўся пад забаронай.

Больш за 90 бацькоў аштрафаваныя ў Віцебскай вобласьці з пачатку году за начныя прагулкі сваіх дзяцей без суправаджэньня дарослых, паведаміла памочніца пракурора Віцебскай вобласьці па наглядзе за выкананьнем заканадаўства аб непаўнагадовых і моладзі Ірына Крукоўская. Паводле яе слоў, найбольш часта гэтыя парушэньні былі адзначаныя ў абласным цэнтры (17 фактаў), Наваполацку (7), Глыбоцкім раёне (7), Воршы і Аршанскім раёне (10), Полацку і Полацкім раёне (10), Лепельскім раёне (5).

Дванаццаць разоў АБЭЗ адмаўляў прафсаюзу РЭП ва ўзбуджэньні крымінальнай справы ў сувязі са шматмільённай нястачай, выяўленай на ААТ «Віцебскмясамалпрам», якую кіраўніцтва «павесіла» на работніц складу. На думку юрыста прафсаюзу РЭП Валера Місьнікава, улады заплюшчваюць вочы на відавочныя факты злачыннай дзейнасьці на прадпрыемстве.

У Віцебску 20-21 красавіка для мясцовых актывістаў “Беларускай хрысьціянскай дэмакратыі прайшоў сэмінар-практыкум па эфэктыўным партыйным менэджмэнце. На ім былі акрэсьленыя тры галоўныя мясцовыя праблемы, вырашэньнем якіх найбліжэйшым часам будуць займацца актывісты БХД, а таксама былі складзеныя праекты іх вырашэньня. Да гэтых праблемаў належаць: будаўніцтва сьмецьцеперапрацоўчага заводу ў Віцебску, рамонт моста праз Дняпро ў Воршы, газыфікацыя вёскі ў Глыбоцкім раёне.

Віцебскі абласны суд прызнаў Аляксея Жукоўскага вінаватым у атрыманьні буйных хабараў, злоўжываньні службовымі паўнамоцтвамі і крадзяжы. Беларускі тэлеканал ОНТ паведамляе, што «былы кіраўнік яшчэ ў 2005 годзе стварыў злачынную групу. У яе ўваходзілі два змоўнікі зь ліку работнікаў заводу і камэрцыйны прадстаўнік замежнай кампаніі. Створаная група рэгулярна на працягу двух гадоў нібыта перамагала ў тэндэрах на пастаўку камплектовых вырабаў для тэлевізараў».