У Полацку затрымалі Алеся Круткіна – з аблогай, АМАПам і ператрусам
У сераду 3 чэрвеня ў сваім доме ў Полацку быў затрыманы мясцовы актывіст і блогер Алесь Круткін. Паводле паведамленьняў Алеся ў сацсетках, яго затрымлівалі 7 супрацоўнікаў МУС, у тым ліку амапаўцы. Пасьля затрыманьня ў доме правялі ператрус, канфіскавалі аргтэхніку.
Левінаў прапанаваў запрасіць на паседжаньне камісіі па выбарах кіраўніка абласной міліцыі
Праваабаронца Павал Левінаў зьвярнуўся да сябраў Віцебскай абласной камісіі па выбарах прэзыдэнта з просьбай запрасіць на паседжаньне камісіі начальніка УУС аблвыканкаму Міхаіла Грыба, каб патлумачыў, на якіх падставах 31 траўня міліцыянты спрабавалі перашкодзіць выбарцам ставіць подпісы ў падтрымку прэтэндэнтаў у кандыдаты на прэзыдэнцтва.
У Наваполацку склалі пратакол на сябра ініцыятыўнай групы Сяргея Чэрачня
У панядзелак 2 чэрвеня проста на працоўным месцы міліцыянты затрымалі жыхарку Наваполацку Алену Радзькову. Яе адвезьлі ў аддзяленьне і склалі пратакол за правапарушэньне паводле частцы 3-й артыкулу 23.34. Спадарыню Алену вінавацяць ва ўдзеле ў несанкцыянаваным пікетаваньні. Яна – сябра ініцыятыўнай групы Сяргея Чэрачня. Суд прызначаны на 15 чэрвеня.
За «кармленьне галубоў» суд аштрафаваў віцебскую таксістку Аксану Міхасёнак
Толькі зараз стала вядома, што пад рэпрэсіі дзяржавы, накіраваныя супраць прыхільнікаў блогера Сяргея Ціханоўскага, трапіла яшчэ адна віцяблянка – кіроўца таксі Аксана Міхасёнак. 18 траўня суд Чыгуначнага раёну Віцебску прызнаў яе вінаватай ва ўдзеле ў несанкцыянаваным пікетаваньні – «кармленьні галубоў», і пакараў адміністрацыйным штрафам у памеры 20 базавых велічынь.
У Наваполацку аштрафавалі 4-х актывістаў – за сустрэчу зь Ціханоўскім і «кармленьне галубоў»
У Наваполацкім судзе 1 чэрвеня разьбіралі шэсьць адміністрацыйных справаў, пачатых супраць чатырох чалавек. Усе яны – удзельнікі сустрэчы з блогерам Сяргеем Ціханоўскім, які рабіў стрым з Наваполацку 29-га красавіка. Двое зь іх яшчэ й «кармілі галубоў» 3-га траўня – прыйшлі на цэнтральную плошчу горада, каб прагуляцца і паразмаўляць пра надзённае са сваімі знаёмымі, паведамляе Беларускае Радыё Рацыя.
Прыхільнікаў Ціханоўскага, затрыманых у Віцебску 31 траўня, аштрафавалі агулам на 2430 рублёў
У Віцебску 1 чэрвеня адбыліся суды над чатырма прыхільнікамі блогера Ціханоўскага, затрыманымі напярэдадні. Іх абвінавацілі ва ўдзеле ў несанкцыянаваным пікетаваньні з выкарыстаньнем плякату «Свабоду Ціханоўскаму!» і выявы перакрэсьленага таракана. Актывістаў затрымалі зранку 31 траўня – перад пачаткам масавага пікету для збору подпісаў за Сьвятлану Ціханоўскую.
За Ціханоўскую ў Віцебску падпісалася 31 траўня больш за тысячу чалавек
У нядзелю 31 траўня ў цэнтры Віцебску прайшлі чарговыя пікеты для збору подпісаў прэтэндэнтаў у кандыдаты на прэзыдэнцтва. Да столікаў, дзе зьбіралі подпісы за Сьвятлану Ціханоўскую, віцябляне ўтварылі чаргу на некалькі сотняў мэтраў.
Суды над «Краінай для жыцьця»: Барсуковай – 810 рублёў штрафу, Ільінцу – 675
У Віцебску працягваюцца суды над прыхільнікамі блогера Сяргея Ціханоўскага. 29 траўня суд Кастрычніцкага раёну Віцебску аштрафаваў на 30 базавых велічынь адміністратарку Тэлеграм-каналу «Краіна для жыцьця» Юлію Барсукову ўсяго за адно паведамленьне ў чаце. Актывіст Аляксандар Ільінец быў пакараны штрафам у памеры 25 базавых велічынь за ўдзел у сустрэчы зь Ціханоўскім 30 красавіка.
Паўла Левінава не ўключылі ў абласную выбарчую камісію. Нават праз суд
Віцебскі праваабаронца Павал Левінаў лічыць, што падчас фармаваньня Віцебскай абласной выбарчай камісіі мела месца дыскрымінацыя: старшыня абласнога савету Уладзімер Цярэнцьеў кепска азваўся пра яго, выступаючы перад прысутнымі, паведамляе Беларускае Радыё Рацыя.
Актывіста «Краіны для жыцьця» пасьля сутак у ІЧУ аштрафавалі на 675 рублёў
Віцябляніна Аляксея Саламаненку затрымалі 26 траўня на працы і пасьля складаньня пратаколу адразу зьмясьцілі ў ізалятар часовага ўтрыманьня (ІЧУ), дзе ён правёў суткі да суду. У сераду 27 траўня ягоную справу разглядаў суд Першамайскага раёну Віцебску. Прысуд аказаўся мякчэйшы, чым чакалі: 25 базавых велічынь – за сустрэчу з блогерам Ціханоўскім.