Мікалай Статкевіч зноў ў глыбоцкай калоніі?
11 верасня ў ліку 52 палітычных вязняў, якіх выпусцілі з беларускіх калоній і прывезлі да літоўскай мяжы, быў лідар «Народнай грамады» Мікалай Статкевіч, якога ў 2020 годзе затрымалі яшчэ да пачатку масавых пратэстаў. Але ён адмовіўся ад таго, каб быць фактычна дэпартаваным у Літву. Ён практычна выбіў дзверы аўтобуса, дзе ехалі зняволеныя, і застаўся на тэрыторыі Беларусі - некалькі гадзін прастаяў на мяжы на беларускім баку, яго было відаць у камеры назірання, скрыншоты з якой публікаваў Памежны камітэт. З ім размаўлялі амерыканскія дыпламаты і партыец Яўген Вільскі, жонка праз тэлефон яшчэ некалькі чалавек, але пераканаць Статкевіча застацца ў Літве не ўдалося.
Вячаслаў Лазараў падарыў БАЖ камізэльку «Прэса», які “адседзеў” з ім у калоніі
Віцебскі відэааператар быў вызвалены з-за кратаў 11 верасня і прымусова вывезены ў Літву. Распавядаючы пра сваё вызваленне, Вячаслаў Лазараў кажа, што яно было неспадзяваным - прашэння аб памілаванні ён не пісаў і ніякіх афіцыйных папер не падпісваў. Больш за тое: у чужой краіне ён апынуўся без аніякіх дакументаў - толькі віза без фотаздымка на звычайным аркушы А4. сабраць толкам рэчы яму таксама не далі.
BelPol апублікаваў дакумент пра стан злачыннасці на Віцебшчыне
Гэты дакумент - справаздача абласной пракуратуры старшыні Віцебскага аблвыканкама і памочніку прэзідэнта па Віцебскай вобласці пра стан злачыннасці за першую палову 2025 г. Паводле яго, на першы погляд зафіксавана станоўчая тэндэнцыя: колькасць зарэгістраваных злачынстваў знізілася амаль на 9%. Але прыведзеныя ў дакуменце лічбы сведчаць пра тое, што па некаторых накірунках злачыннасць вырасла, прычым у разы.
Блогер Дзмітрый Казлоў абвясціў пра стварэнне новага Youtube-канала
Экс-палітвязень Дзмітрый Казлоў, стваральнік Youtube-канала “Серый кот”, абвешчанага “экстрэмісцкім”, заявіў пра стварэнне свайго новага інтэрнэт-рэсурса на відэахостынгу. Блогер, які адбыў за кратамі 5 гадоў і 3 месяцы, зараз знаходзіцца ў Літве. Сёлета 11 верасня ен быў вызвалены па паміліванні і прымусова вывезены з Беларусі.
У аршанскай ПК-8 палітвязень рэзаў сабе вены
Пра тое, што ў канцы жніўня спробу суіцыду здзейсніў палітвязень Мікіта Залатароў, паведаміў Тэлеграм-канал @dissidentBY. Хлопца тэрмінова адвезлі ў шпіталь, наклалі швы. Мікіта жывы, але яго стан выклікае сур'ёзную занепакоенасць.
Да выяўлення праблемных сем’яў хочуць далучыць водаправодчыкаў і электрыкаў
З такой прапановай на пасяджэнні камісіі па справах непаўналетніх, які правялі ў Дубровенскім райвыканкаме, выступіла намеснік старшыні КСН Інэса Трутко. Яна выказала ідэю, каб прыцягваць "да выяўлення прыкмет сямейнага няшчасця" работнікаў вода-, газа-і энергазабеспячальных прадпрыемстваў і арганізацый. Мяркуецца, што падчас выклікаў на рамонтныя працы ці падчас планавых наведванняў накшталт замены лічыльнікаў на ваду гэтыя працаўнікі павінны фіксаваць дэталі, якія насцярожваюць.
Полацкі суд прызнаў "экстрэмісцкімі" тры інтэрнэт-рэсурсы са словам "Беларусь"
У Рэспубліканскі спіс экстрэмісцкіх матэрыялаў уключылі старонку "Жыве Беларусь. Жыве вечна" у Facebook і дзве старонкі ў Instagram - "freedom_belarus" і "freedombelarus". Рашэнне прызнаць гэтыя інтэрнэт-рэсурсы "экстрэмісцкімі матэрыяламі" прыняў 8 верасня суд Полацкага раёна і горада Полацка.
У абноўленым пераліку "экстрэмістаў" - яшчэ чацвёра жыхароў Віцебшчыны
12 верасня на сайце МУС чарговы раз абнавілі пералік асобаў, "датычных да экстрэмісцкай дзейнасці". Сярод іх дзве ураджэнкі Наваполацка, аршанец і віцяблянін. Есць падставы меркаваць, што мужчыны асуджаныя па так званай справе "Беларускага Гаюна" - за перасылку фотаздымкаў расейскай вайсковай тэхнікі, якая перасоўвалася праз Беларусь.
Вячаслаў Лазараў пра палітвязня Андрэя Паднябеннага, якога знайшлі павешаным у ШІЗА ПК- 15.
Вячаслаў Лазараў стаў адным з 52 зняволеных, вызваленых 11 верасня па памілаванні, што адбылося у выніку сустрэчы Лукашэнкі з амерыканскай дэлегацыяй, у ліку якой быў Джон Коўл, прадстаўнік прэзідэнта ЗША Трампа. 12 верасня экс-палітзняволены віцебскі відэааператар узяў удзел у адмысловай прэсканферэнцыі, дзе вызваленыя распавядалі пра гады зняволення і адказвалі на пытанні журналістаў. Адно з іх было пра Андрэя Паднябеннага, які загінуў у магілёўскай калоніі - той самай, дзе адбваў тэрмін Вячаслаў Лазараў.
На волі чацвёра палітвязняў з Віцебшчыны!
Сярод іх - блогер з Барані Дзмітрый Казлоў і віцебскі відэааператар-фрылансер Вячаслаў Лазараў (на фота) . Яшчэ двое вызваленых - Віктар Уласенка, асуджаны па трох артыкулах Крымінальнага Кодэкса, і Павел Нікіценка, асуджаны па чытарох крымінальных артыкулах, у тым ліку за абразу прэзідэнта і прадстаўніка ўлады (абодва).