На відэаролік у TikTok звярнуў увагу Тэлеграм-канал «Витебск, я гуляю/ Новости Витебска». Паводле маці, яе 18-гадовы сын падмануў яе, сказаўшы, што паедзе на дзень народзінаў да сябра. Але неўзабаве высветлілася,  што абодва хлопцы паехалі ў Расію і і заключылі кантракты з расійскай арміяй. Праз месяц, пасля кароткага навучання, іх адправяць у зону ваенных дзеянняў.

Максім сказаў маці, што хоча зарабіць грошай і “вярнуцца героем”. Вольга разумее, што ўсё можа скончыцца засім іначай. Яна просіць яго раўналеткаў  на падпісваць кантрактаў  з арміяй чужой краіны і не даказваць такім чынам сваю самастойнасць.

“Все хорошо, мам, не переживай, я тебе об этом тысячу раз говорил”, - адказвае ёй сын у каментарах. Меркаванні іншых каментатараў падзяліліся. “Молодец парень. Настоящий мужчина. Вернется. Все будет хорошо”, - пішуць адны. “Что натворил, даже слов не подобрать как страшно”, - адказваюць другія. Шмат і тых,  хто піша, што іх дзеці не вярнуліся жывымі з чужой вайны.

Вольга кажа, што ёй застаецца толькі маліцца за жыццё і здароўе сына, бо беларускія ўлады не ў стане вярнуць яго дадому.

Ігар Пятроў