«25 чалавек на адзін унітаз». Ці лёгка адбываць «хімію» ў Беларусі
На «хіміі», ці афіцыйна – у папраўчай ўстанове адкрытага тыпу (ПУАТ), свабода асуджаных мусіць абмяжоўвацца, а не адбірацца. Некаторыя мяркуюць, што на «хіміі» у зэка больш правоў, чым на зоне. Але апошнім часам даходзіць інфармацыя, што «хімікі» усё часцей сутыкаюцца не толькі з абмежаваннем волі, але і з абмежаваннем элементарных правоў. Пра гэта размаўляем з былым палітзэкам Міхаілам Жамчужным.
Следчы камітэт адмовіўся шукаць вінаватых у разгалошанні дадзеных папярэдняга расследавання ў справе Баразны
Начальнік галоўнага ўпраўлення працэсуальнага кантролю СК РБ Сяргей Цішук не ўбачыў парушэнняў у дзеяннях сваіх падначаленых у сувязі са з'яўленнем у інтэрнэце відэароліку, у якім віцяблянін Алег Баразна прызнаецца ў тым, што ён з'яўляецца каардынатарам руху «Краіна для жыцця» ў Віцебску, і ўказвае на махінацыі з грашовымі сродкамі палітыкаў Ціханаўскіх. Аб гэтым паведамляецца ў адказе са следчага камітэту, які атрымаў праваабаронца Павел Левінаў.
Віцебскі абласны суд не змяніў прысуды глыбоцкаму журналісту
23 чэрвеня Віцебскі абласны суд разгледзеў дзве скаргі журналіста-фрылансера з Глыбокага Змітра Лупача. Журналіст спрабаваў аспрэчыць рашэнні Глыбоцкага і Браслаўскага раённых судоў, якія 25 траўня прызналі яго вінаватым паводле ч.3 арт.23.5 КаАП («Незаконны выраб прадукцыі СМІ») і аштрафавалі агулам на 60 базавых велічынь.
Палітвязням з Наваполацку змянілі пакаранне «хіміяй» на «калонію»: задаволены пратэст пракурора
Жыхарам Наваполацку Віктару Шауру і Віталю Шыцікаву замест «хіміі» прысудзілі «калонію», паведамляе ПЦ «Вясна». 22 чэрвеня такое рашэнне прыняў Віцебскі абласны суд, разгледзеўшы ў апеляцыйным парадку пратэст пракурора на рашэнне суду Наваполацку, які прысудзіў навапалачанам па два гады «хіміі» паводле арт. 342 КК. Абласны суд задаволіў пратэст і ўзмацніў пакаранне.
Прысуд: паўтара года «хіміі» – за абразу амапаўца Дзмітрыя Балабы (відэа)
Адзін год і 6 месяцаў абмежавання волі – менавіта такое рашэнне 22 чэрвеня прыняла ў дачыненні віцябляніна Вадзіма Ермаловіча суддзя Наталля Карабліна. Суд Першамайскага раёну Віцебску прызнаў мужчыну вінаватым у публічнай абразе прадстаўніка ўлады (арт. 369 КК) – камандзіра менскага АМАПу палкоўніка Дзмітрыя Балабы. Падставай былі некалькі каментароў у Тэлеграм-чаце. Пасля абвяшчэння прысуду Ермаловіча вызвалілі з-пад варты ў зале суду.
Не стала праваабаронцы Юрыя Бельскага
У Полацку 19 чэрвеня сышоў у вечнасць юрыст-праваабаронца Юрый Бельскі. Яму было 57 гадоў. Юрый быў сузаснавальнікам Полацкага праваабарончага таварыства, доўгі час кіраваў полацкім аддзелам абароны правоў спажыўцоў.
Пракурор запрасіў паўтара года «хіміі» для віцябляніна, якога вінавацяць у абразе амапаўца Балабы
21 чэрвеня ў судзе Першамайскага раёну Віцебску ў межах крымінальнай справы, распачатай у дачыненні да 36-гадовага Вадзіма Ермаловіча, адбыліся спрэчкі бакоў. Пракурор Аляксандр Філімонаў папрасіў суд прызнаць віцябляніна вінаватым у публічнай абразе прадстаўніка ўлады (арт. 369 КК) і пакараць яго абмежаваннем волі на 1 год і 6 месяцаў. Адвакатка падсуднага папрасіла абмежавацца арыштам на тэрмін, які мужчына ўжо адбыў у следчым ізалятары.
Камітэт па правах чалавека зарэгістраваў скаргу грамадскага актывіста Мікалая Качурца
Напрыканцы красавіка 2021 году Камітэт па правах чалавека ААН зарэгістраваў пад нумарам 3919/2021 індывідуальную скаргу Мікалая Качурца. Прычынай звароту грамадскага актывіста ў Камітэт было неаднаразовае парушэнне беларускай дзяржавай яго права на ўдзел у мірных сходах і на публічнае выказванне свайго меркавання.
Камандзір АМАПу Дзмітрый Балаба просіць 1000 рублёў кампенсацыі за маральныя пакуты, прычыненыя віцяблянінам
Камандзір менскага АМАПу палкоўнік Дзмітрый Балаба падаў грамадзянскі пазоў аб кампенсацыі маральнай шкоды, якую яму нібыта нанеслі каментары віцябляніна Вадзіма Ермаловіча, апублікаваныя ў тэлеграм-чаце «Vitebsk_Юг» у снежні 2020 году. Свае маральныя пакуты амапавец ацаніў у 1000 рублёў. Вадзім Ермаловіч, працэс над якім за абразу Балабы (арт. 369 КК) пачаўся ў Віцебску 18 чэрвеня, пазоў амапаўца прызнаў часткова. Заявіў, што патрабаванні варта знізіць да 500 рублёў.
Павел Левінаў выказаў падзяку начальніку раённага адзелу міліцыі
Па заяве праваабаронцы Паўла Левінава аб парушэнні заканадаўства пры правядзенні 27 мая 2021 году мітынгу каля консульства Латвійскай Рэспублікі ў Віцебску Кастрычніцкім РАУС была праведзеная праверка. Па выніках праверкі праваабаронцу паведамілі аб адсутнасці парушэння заканадаўства арганізатарамі і ўдзельнікаў мерапрыемства.