Бешанковіцкая раёнка «засакрэціла» змест абмеркавання праекту Канстытуцыі
Рэдакцыя раённай газеты «Зара», імкнучыся выканаць загад наконт асвятлення абмеркаванняў праекту Канстытуцыі перад так званым «рэферэндумам» 27 лютага, вырашыла, што чытачы абыдуцца і без падрабязнасцяў. У «дыялогавых пляцоўках» для абмеркаванняў зменаў у Канстытуцыю бяруць удзел па 9-10 чалавек. Пад публікацыямі – ніводнага каментара.
Таццяна Севярынец ініцыявала флэшмоб-апытанку да Дня роднай мовы
Віцебская актывістка і маці палітвязня Таццяна Севярынец прапанавала ўсім ахвотным падзяліцца ўспамінамі на тэму «Як я пачаў размаўляць па-беларуску». Такую прапанову яна агучыла на сваёй старонцы ў «Фэйсбуку». А распачаў флэшмоб Павел Севярынец – вядомы беларускі палітык і палітвязень, вытрымкі з ліста якога цытуе ў допісе ягоная маці.
Яшчэ аднаго віцябляніна асудзілі за абразу ганцавіцкага міліцыянта Ігара Вольніча
14 лютага суд Першамайскага раёну Віцебску асудзіў на паўтара года «хіміі» Руслана Чэркаса за каментар пакінуты ў «Аднакласніках» у чэрвені 2020 году на старонцы Вольгі Карач. Суддзя Наталля Карабліна прызнала мужчыну вінаватым у публічнай абразе прадстаўніка ўлады (арт. 369 КК РБ).
Відэаролікі, канцэрты, інтэрв’ю з чыноўнікамі. Як на Аршаншчыне агітуюць ісці на «рэферэндум»
З мэтай забяспечыць яўку на «рэферэндум» 27 лютага, рэдакцыя «Аршанскай газеты« зняла відэаролік «В будущее – вместе». Прыходзіць на ўчасткі для галасавання ў відэароліку настойліва запрашаюць ветэраны, сябры БРСМ і работніцы Аршанскага льнокамбіната, калісьці аднаго з найбуйнейшых прадпрыемстваў рэгіёну.
З «Аднакласнікаў» знікла дубровенская «экстрэмісцкая» суполка
Старонка суполкі «Тарака…а Ус» была дададзеная ў спіс экстрэмісцкіх матэрыялаў 27 кастрычніка 2021 году. «Экстрэмісцкай» яе прызнаў суд Дубровенскага раёну. Суполка знікла з сацыяльнай сетцы ok.ru, але хто яе выдаліў, невядома.
Агітацыя за змены ў Канстытуцыю ў дзяржаўных СМІ Віцебскай вобласці – неэфектыўная
З 14 лютага агітацыя ў дзяржаўных СМІ за прыняцце паправак у Канстытуцыю набыла масавы і даволі агрэсіўны характар. Але калі ацэньваць з пункту гледжання колькасці праглядаў публікацыяў аб «рэферэндуме» на 24 сайтах праўладных газет, то можна зрабіць выснову аб неэфектыўнасці дзяржаўнай прапагандысцкай машыны.
У Віцебскай вобласці колькасць адміністрацыйных справаў па палітычных матывах зменшылася праз узмацненне рэпрэсій
Колькасць разгледжаных судамі Віцебскай вобласці адміністрацыйных справаў у 2021 годзе скарацілася на траціну. Усяго за гэты перыяд суды разгледзелі каля 26 тыс. адміністрацыйных справаў, што амаль на 13,1 тыс., або на 33,5% менш, чым у 2020 годзе. У сувязі з жорсткімі рэпрэсіямі ў дачыненні да палітычнай апазіцыі колькасць адміністрацыйных справаў, звязаных з пераследам грамадзянскіх актывістаў, таксама зменшылася.
У Віцебску ўпершыню будуць судзіць за рэабілітацыю нацызму
17 лютага суддзя Віцебскага абласнога суду Аляксандр Абашын пачне разгляд крымінальнай справы па ч.1 артыкула 130-1 («Рэабілітацыя нацызму»). У Беларусі гэта будзе першы працэс, на якім будуць судзіць па гэтым артыкуле. У рэабілітацыі нацызму абвінавачваюць 33-гадовага Аляксандра Вольскага, якога затрымалі на пачатку 2022 году.
Віцябляне просяць правесці праверку па факце парушэння Выбарчага кодэксу сябрамі абласной камісіі
14 лютага на сайце «Віцебскай Вясны» з'явіўся артыкул аб факце парушэння выбарчага кодэксу з боку трох сябраў абласной камісіі па правядзенні «рэферэндуму». Валяр'ян Мацкевіч, Таццяна Туманава і Сяргей Альсевіч падпісалі «Зварот сябраў Віцебскай абласной Каардынацыйнай рады грамадскіх абʼяднанняў і палітычных партый» з заклікам прагаласаваць за прапанаваныя змены, чым парушылі выбарчае заканадаўства.
Улады запісалі ў дармаеды 12 тысяч жыхароў Віцебскай вобласці
У Віцебскай вобласці налічылі каля 12 000 працаздольных грамадзянаў, «не занятых у эканоміцы», якія вымушаныя будуць аплачваць падвышаныя рахункі за камнульныя паслугі. Пра гэта заявіў старшыня камітэту па працы, занятасці і сацыяльнай абароне Віцебскага аблвыканкаму Аляксандр Хрыстафораў.