Палітвязень Міхаіл Чамурака, які адбываў тры гады «хіміі» ў Ваўкавыску, з'ехаў з Беларусі
Актывіст з Дуброўна Міхаіл Чамурака, асуджаны ў ліпені 2021 году да трох гадоў абмежавання волі за паклёп (арт. 188 КК), выехаў 26 лістапада з Беларусі і знаходзіцца зараз у бяспецы. Пра гэта паведамілі праваабаронцы ПЦ «Вясна». Чамурака ад 10 кастрычніка адбываў пакаранне на ваўкавыскай «хіміі» (ПУАТ №29). Ён быў прызнаны палітвязнем.
Міліцыя хацела ўзмацніць рэжым прэвентыўнага нагляду для Жамчужнага – суд адмовіў
30 лістапада суд Кастрычніцкага раёну Віцебску не задаволіў просьбы Кастрычніцкага РАУС аб змяненні патрабаванняў прэвентыўнага нагляду ў дачыненні былога палітвязня Міхаіла Жамчужнага. Супрацоўнікі РАУС хацелі зрабіць рэжым нагляду больш жорсткім, бо, на іх думку, Жамчужны «не стаў на шлях выпраўлення» – парушыў на ровары правілы дарожнага руху. Суд палічыў патрабаванні міліцыянтаў неабгрунтаванымі.
Генпракуратура на 6 месяцаў заблакавала сайт арганізацыі «Наш Дом» Вольгі Карач
Генеральны пракурор Рэспублікі Беларусь Андрэй Швед вынес пастанову аб абмежаванні доступу да сайту арганізацыі «Міжнародны Цэнтр Грамадзянскіх Ініцыятыў «Наш дом», якую ўзначальвае ўраджэнка Віцебску Вольга Карач. Падставай стала тое, што, на думку генпракурора, рэдакцыяй сайта неаднаразова парушала патрабаванні законаў Рэспублікі Беларусь «Аб сродках масавай інфармацыі» і «Аб супрацьдзеянні экстрэмізму».
У Кіеве беларускія і ўкраінскія праваабаронцы абмяняліся меркаваннямі аб сітуацыі ў Беларусі і азначылі планы супрацы
27-28 лістапада ў Кіеве адбылася сустрэча прадстаўнікоў беларускіх і ўкраінскіх праваабарончых арганізацый. На форуме былі выпрацаваныя прынцыпы камунікацыі праваабаронцаў дзвюх краін, знойдзеныя аптымальныя спосабы павышэння эфектыўнасці адстойвання правоў і свабод чалавека ў Беларусі, абмеркаваныя планы ўзаемадзеяння з міжнароднымі праваабарончымі арганізацыямі і інстытутамі.
Эксперт: Санкцыі могуць перашкодзіць інвестыцыям у эканоміку Віцебскай вобласці
Нягледзячы на палітычны крызіс і рэпрэсіі, якія працягваюцца ў дачыненні прадстаўнікоў апазіцыі, замежныя інвестары праяўляюць цікавасць да рэалізацыі праектаў на пляцоўках Свабоднай эканамічнай зоны «Віцебск». Пра гэта стала вядома падчас правядзення 2-3 снежня ў абласным цэнтры дзявятага Міжнароднага эканамічнага форуму «Інавацыі. Інвестыцыі. Перспектывы».
У Віцебску суд прызнаў экстрэмісцкімі 4 тэлеграм-каналы. Сярод іх – канал Арцёма Шрайбмана
2 снежня 2021 году тэлеграм-канал вядомага беларускага палітолага і журналіста Арцёма Шрайбмана быў прызнаны экстрэмісцкім. Адпаведную пастанову вынес суд Чыгуначнага раёну Віцебску. Рашэнне прымала суддзя Святлана Варатынская. Матэрыялы, па якіх было прынятае гэтае рашэнне, былі падрыхтаваныя сёмым упраўленнем (па Віцебскай вобласці) ГУБАЗіК МУС РБ.
Мігрант са Шры-Ланкі памёр на беларуска-літоўскай мяжы, а яго суайчыннікаў адправілі на лячэнне
Гэтая трагедыя адбылася 28 лістапада на ўчастку памежнай заставы «Відзы» Полацкага пагранатраду, што знаходзіцца ў Браслаўскім раёне Віцебскай вобласці. Па факце смерці мігранта заведзеная крымінальная справа. Справай займаецца СК па Віцебскай вобласці. Яшчэ трое парушальнікаў мяжы былі адпраўленыя ў Браслаўскую раённую лякарню з абмаражэннем ног.
«Гаджэты забралі, але яны чыстыя». Міхаіл Жамчужны – пра вобшук і допыт 1 снежня
1 снежня ў праваабаронцы і былога палітвязня Міхаіла Жамчужнага адбыўся ператрус, у выніку якога супрацоўнікі следчых органаў забралі з кватэры электронныя прыстасаванні. Пасля ператрусу Жамчужнага адвезлі на допыт. Былы палітвязень кажа, што ў працэсе размовы следчыя згубілі да яго цікавасць, бо паказанні ён не даваў. Дапытвалі яго супрацоўнікі 3-га аддзелу ДФР па Віцебскай вобласці. Жамчужнага вызвалілі ў той жа дзень пасля абеду.
Ператрусы і затрыманні ў Віцебску 1 снежня. Жамчужны, Кійко, Качурэц – на волі
У Віцебску ад самага ранку 1 снежня супрацоўнікі МУС прыходзілі з ператрусамі да віцебскіх актывістаў Міколы Качурца і Уладзіміра Кійко. Таксама не выходзіў на сувязь праваабаронца і былы палітвязень Міхаіл Жамчужны, у якога на 1 снежня быў прызначаны суд з нагоды зменаў патрабаванняў прэвентыўнага нагляду.
Паўтара года «хіміі» – за чарговую абразу даішніка Ігара Вольніча. Прысуд набыў законную моц
Віцебскі абласны суд 30 лістапада разгледзеў апеляцыйную скаргу 46-гадовага Ігара Галубоўскага на рашэнне суду Першамайскага раёну, які пакараў яго абмежаваннем волі на 1 год і 6 месяцаў за каментар на адрас міліцыянта з Ганцавічаў Ігара Вольніча. Мужчына быў прызнаны вінаватым у публічнай абразе прадстаўніка ўлады (арт. 369 КК РБ). Ён ужо выплаціў «пацярпеламу» 1500 рублёў маральнай кампенсацыі.