У 2021 годзе суды Віцебскай вобласці прызналі экстрэмісцкімі 90 тэлеграм-каналаў
Самымі выніковымі «знішчальнікамі ТГ» былі раённыя суды Віцебску. Ім удалося «знішчыць» 74 «электронных экстрэмістаў». На рахунку астатніх раённых судоў вобласці толькі 16 «перамог». Больш за ўсіх шчыраваў суд Чыгуначнага раёну Віцебску.
«Мне прыемна, што мае дзяўчынкі не забытыя...» Сям'і палітвязня Андрэя Новікава трэба дапамога
Праваабаронцы просяць падтрымаць палітвязня Андрэя Новікава і ягоную сям’ю. У сям’і Андрэя маленькая дачка з інваліднасцю, і ёй перыядычна трэба праходзіць працэдуры. Цяпер яна ляжыць у шпіталі. Але праз тое, што больніца знаходзіцца ў іншай вобласці, жонка палітвязня Вольга вымушаная аплачваць лячэнне дачкі.
Улады закрылі віцебскі дзіцячы хоспіс і яшчэ 4 грамадскія арганізацыі вобласці
12 студзеня 2022 года Віцебскі абласны суд па звароце Упраўлення юстыцыі Віцебскага аблвыканкаму ліквідаваў 5 раней зарэгістраваных грамадскіх аб'яднанняў. Гэта страта для грамадзянскай супольнасці вобласці і краіны. Пад ліквідацыю трапілі спартовы клуб «Віцьбіч», «Таварыства дружбы» Полацк-Фрыдыхсхафен«, Віцебскі дзіцячы хоспіс, «Таварыства пчаляроў-аматараў» і аб’яднане «Шлях з варагаў у грэкі».
Палітвязень Ілля Лабацэвіч выйшаў на свабоду
11 студзеня на свабоду выйшаў палітвязень з Наваполацку Ілля Лабацэвіч. Ён цалкам адбыў тэрмін зняволення – паўтара года – і быў вызвалены са шклоўскай калоніі №17. Іллю Лабацэвіча прызналі вінаватым у гвалце ў дачыненні супрацоўніка ўнутраных спраў (арт. 364 КК) і асудзілі на паўтара года калоніі толькі за тое, што падчас мірнага шэсця ў Наваполацку ён бараніў сваю маці.
«Было сумна і непераканаўча». Як прапагандуюць за ўдзел у рэферэндуме
Мяркуючы па актыўнасці прадстаўнікоў "уладнай вертыкалі" і дзяржаўных СМІ Віцебскай вобласці, намечаны на канец лютага рэферэндум па зменах у Канстытуцыю ўсё ж адбудзецца. Вынік рэферэндуму будзе залежыць ад даверу грамадзян да інстытуту галасавання і якасці агітацыі і прапаганды.
Юрыст Офісу па правах людзей з інваліднасцю Алег Граблеўскі з'ехаў з Беларусі
12 студзеня 2022 году на сваёй старонцы ў Facebook юрыст ліквідаванага «Офісу па правах людзей з інваліднасцю» Алег Граблеўскі паведаміў, што паспяхова пакінуў Беларусь і зараз знаходзіцца па-за дасяжнасцю следчых органаў краіны. Дзяржава выставіла супраць яго абвінавачанне паводле артыкулу 209 («Махлярства») за нібыта завалоданне грашыма арганізацыі.
Віцябляне просяць завесці справу на аблвыканкам: распаўсюджвае экстрэмісцкія матэрыялы
На рэсурсе «Зручны горад» з'явілася петыцыя з патрабаваннем прыцягнуць службовых асобаў Віцебскага аблвыканкаму да адміністрацыйнай адказнасці за распаўсюд экстрэмісцкіх матэрыялаў, якія змяшчаюцца на афіцыйным сайце ведамства. Аўтары петыцыі налічылі на сайце 71 згадванне рэсурсаў, якія ўключаныя ў рэспубліканскі спіс экстрэмісцкіх матэрыялаў.
Праваабаронцы заклікаюць падтрымаць лістамі вайскоўца-палітвязня Рамана Марусава
Палітзняволены, былы кантрактнік са 103-й віцебскай паветрана-дэсантнай брыгады, Раман Марусаў этапаваны ў калонію «Віцьба»-3. Яго асудзілі да шасці гадоў калоніі паводле арт. 130 КК («Распальванне сацыяльнай варожасці») за нібыта перадачу інфармацыі BYPOL. Хлопцу зараз вельмі патрэбная маральная і матэрыяльная дапамога.
Палітвязня Максіма Знака этапавалі ў віцебскую калонію
Палітвязня Максіма Знака, якога асудзілі на 10 гадоў калоніі, этапавалі для адбыцця пакарання ў папраўчую калонію Віцьба-3, паведамляюць праваабаронцы. У апошніх лістах палітвязень паведамляе, што пакуль знаходзіцца на каранціне. Да гэтага Максім Знак, як мяркуецца, быў змешчаны ў віцебскі СІЗА-2. У верасні 2021 году яго прысудзілі да 10 гадоў калоніі ўзмоцненага рэжыму.
У Віцебскай вобласці прызнанне медыярэсурсаў экстрэмісцкімі пастаўленае на канвеер
У апошняй дэкадзе снежня 2021 году рашэннем раённых судоў Віцебскай вобласці 14 медыярэсурсаў былі залічаныя ў рэспубліканскі спіс экстрэмісцкіх матэрыялаў. Пры гэтым суды скарысталіся правам неадкладнага выканання сваіх рашэнняў, паколькі, на думку суддзяў, прамаруджванне ў выкананні рашэння можа прывесці да значнай шкоды для дзяржавы або зрабіць немагчымым самое выкананне.