Суддзя суда Наваполацка Зінаіда Балаболава 7 верасня за распаўсюджванне «экстрэмізму» ў сацыяльных сетках пастанавіла арыштаваць на 15 сутак удзельніка валанцёрскага атрада «Сэрца Паліміра» работніка аддзела КИПиА гэтага прадпрыемства Юрыя Лінкевіча.

У Віцебскім дзяржаўным універсітэце правялі правялі так званую «дыялогавую пляцоўку» пад назвай «Мы адзіныя». Сабралі на спартоўцаў розных узроўняў – трэнераў, выкладчыкаў і непасрэдны тых, хто займаецца на Віцебшчыне рознымі відамі спорта. У працы дыялогавай пляцоўкі брылі ўдзел намеснік старшыні Віцебскага аблвыканкама Вячаслаў Дурноў і  старшыня Віцебскага абласнога аддзялення Беларускай партыі "Белая Русь", рэктар Віцебскага дзяржаўнага ўніверсітэта імя П.М.Машэрава Валянціна Багатырова. Спадар Дурноў заявіў, што ў 2020г. беларускае грамадства было кансалідаваным, але яно «перажыла для нас нязвыклы, незразумелы ціск звонку», і што трэба «выпрацоўваць імунітэт ад падобных выпадкаў».

19 кастрычніка адбылося паседжанне Віцебскай абласной грамадскай назіральнай камісіі пры галоўным упраўленні юстыцыі Віцебскага аблвыканкама, асноўнай мэтай якой з'яўляецца незалежны грамадскі кантроль за выкананнем правоў асуджаных. На паседжанні былі падведзены папярэднія вынікі працы і разгледжаны праект плана дзеянняў Віцебскай АНК на 2024 год. У пасяджэнні прыняла ўдзел першы намеснік начальніка галоўнага ўпраўлення юстыцыі Віцебскага аблвыканкама Марына Быкава.

Суддзя суда Аршанскага раёна і Оршы Святлана Кузьмічонак за падпіскі на «экстрэмісцкія» інфармацыйны рэсурсы ў сацыяльных сетках арыштавала на 15 сутак Сяргея Вальковіча. Гэта чацвёрты арышт былога работніка міліцыі запар. Сумарны тэрмін арыштаў ужо дасягнуў 37 сутак.

Зусім нядаўна на плацформе “Зручны горад” з'явілася петыцыя №5714 з назвай ”Грамадская прыбіральня ў горадзе Віцебску” у якой гараджане звяртаюцца да новага кіраўніка Віцебскага гарвыканкама Генадзю Сабынічу з просьбай адшукаць грошы для таго, каб ужо ў 2024 годзе пабудаваць сучасную прыбіральню.

Марына Адамовіч, жонка палітзнявленага, падсумавала ў Фэйсбук апошнія навіны пра Мікалая Статкевіча. Дакладней, адсутнасць навінаў ад яго непасрэдна: палітзняволены знаходзіцца за кратамі ўжо 1238 дзён, з іх «254 дні без вестачкі», піша спадарыня Марына. Яна размясціла на сваёй старонцы ў «Фэйсбуку» фотаздымак урыўка ліста ад кіраўніцтва глыбоцкай калоніі, дзе знаходзіцца Мікола Статкевіч. Адміністрацыя ПК -13 інфармуе яе пра пакаранні, накладзеныя на зняволенага мужа.

У вайсковай чстцы № 71327, якая месціцца ў вёсцы Заслонава Лепельскага раёна, правялі 4-ты абласны злёт навучэнцаў так званых «Школ міра». Для 130 юных удзельнікаў правялі экскурсію па вайсковай частцы і спаборніцтвы па вайсковай справе: дзеці і падлеткі мусілі прадэманстраваць навыкі абыходжання са зброяй, уменне «выносіць параненага з поля бою» і слушна дзейнічаць па камандзе «Газы». Такія конкурсы былі прапанаваны «міратворцам» падчас вайскова-патрыятычнай гульні «Лепельскі рубеж».

Праводзіліся трэніроўкі па тэме кіравання фармаваннем тэрытарыяльных войскаў у ходзе падрыхтоўкі да адбіцця агрэсіі. Першы дзень дзеяння групы кіравання фармаваннем Лепельскага раёна чыноўнікі ацанілі на адзнаку "добра".

19 кастрычніка жанчыну выклікаў на размову супрацоўнік Кастрычніцкага РАУС Віцебска Уладзіслаў Шышкавец. У выніку аб 11-й гадзіне на жанчыну склалі пратакол «за распаўсюд экстрэмісцкай інфармацыі» (па ч. 2 арт. 19.11 КаАП) — на яе старонках у сацсетках знайшлі спасылкі амаль трохгадовай даўніны на інфармацыйныя рэсурсы, якія цяпер прызнаныя «экстрэмісцкімі». Аднак у суд Людмілу Камінскую не накіравалі ні ў той самы дзень, ні на наступны. Пасля ночы ў ізалятары часовага ўтрымання яе зноў прывезлі ў райаддзел міліцыі і склалі яшчэ адзін пратакол па тым самым артыкуле.

Былы палітзняволены юрыст праваабарончай арганізацыі «Офіс па правах людзей з інваліднасцю» аршанец Алег Граблеўскі распавёў пра цяперашні прававы стан інвалідаў і пра магчымасці дапамогі.