Цэнтралізаванага водазабеспячэння ў гэтай частцы Лёзна няма таксама. У гаспадароў ёсць калодзежы, з якіх яны пампуюць ваду. Але як няма электрычнасці, то і ваду «здабыць» немагчыма. Мясцовыя жыхары звяртаюць увагу на тое, што і дарогі ў пасёлку льнозавода ў кепскім стане. Яны ўжо звярталіся са сваімі праблемамі да кіраўніцтва раёна, але безвынікова – на дапамогу ўладаў яны больш не спадзяюцца.

У маі 2023 года Віцебскі абласны эканамічны суд распачаў працэдуру банкруцтва ААТ «Лиозненский льнозавод», акцыі якога амаль што цалкам належаць дзяржаве. Няўстойлівае фінансавае становішча на прадпрыемстве ўтварылася яшчэ ў 2018 годзе. Выправіць яго не ўдалося.

Аліна Гарчакова