Паводле справаздачы аб’яднання, яно налічвае 17 чалавек і правяло ў 2021 годзе 49 мерапрыемстваў.  Арганізацыя паведамляе, што кіруючы орган - Дума грамадскага аб’яднання “Рускі дом” знаходзіцца ў Віцебску, і пра тое што не мае грашовых паступленняў ад замежных дзяржаваў і міжнародных арганізацый.

Суддзя суда Лёзненскага раёна Аляксей Лапушынскі за распаўсюджванне "экстрэмізму" ў сацыяльнай сетцы пакараў штрафам у памеры 999 рублёў работніцу сталічнай гандлёвай сеткі Кацярыну Крывічэнку. Па просьбе жанчыны разбіральніцтва адміністрацыйнай справы прайшло ў яе адсутнасць.

Пракурор Глыбоцкага раёна Валерый Дайлідзёнак пабываў у працоўных калектывах двух найбуйнейшых прадпрыемстваў Глыбокага - малочна-кансервавым камбінаце і мясакамбінаце. Падчас сустрэчаў ён распавядаў прысутным пра генацыд беларускага народа ў гады Другой сусветнай вайны.