Да навучэнцаў ВДТК з агітацыйнай гутаркай прыйшоў прадстаўнік кадравай службы абласной управы МУС, а шэраговыя супрацоўнікі праводзілі віктарыны з прызамі, прапаноўвавалі пастраляць у ціры. Байцы АМАПу прадэманстравалі узоры зброі. Усё гэта ў навучальнай установе назвалі «День выбора профессии», хаця прафесіі, вельм запатрабаваныя на рынку працы, юнакі абралі яшчэ некалькі год таму.

Агітацыя за працу ў міліцыі ідзе ў навучальных установах Віцебшчыны ў розных фарматах: ад сустрэчаў у школах да цэлых “форумаў” на вялікіх пляцоўках. Да прыкладу, у Полацку пад імпрэзу “Сделай правильный выбор» выдзелілі галоўную гарадскую канцэртную залу і сабралі ў ёй школьнікаў з Полацкага, Расонскага і Ушацкага раёнаў. Школьнікам паказвалі фільмы пра працу ў міліцыі, падкрэсліваючы, што менавіта яна і ёсць той самы “правільны выбар”.

Ігар Мартынюк