У Віцебску каронавірус не перашкодзіў Барысу Хамайду адзначыць чарговыя ўгодкі БНР. Не наважыліся перашкодзіць яму і міліцыянты ў цывільным, якія здымалі актывіста на свае мабільныя тэлефоны – бліжэй, чым на два мэтры, да Хамайды ў мэдычнай масцы не набліжаліся…

Віцебскі гарвыканкам даў афіцыйны адказ на патрабаваньне праваабаронцы Леаніда Сьвеціка неадкладна ўвесьці карантын у навучальных установах гораду. «З улікам прафіляктычных мерапрыемстваў для папярэджваньня і мінімізацыі распаўсюду каронавіруснай інфэкцыі ў горадзе Віцебску прыняцьце дадатковых мер на дадзены момант не патрабуецца», – лічаць улады.

20 сакавіка ў судзе Чыгуначнага раёну Віцебску на папярэднім судовым паседжаньні разглядалася скарга прызыўніка Андрэя Крычаўцова. Прадстаўнікі ваенкамату і Віцебскага гарвыканкаму на суд не прыйшлі. Наступнае паседжаньне прызначанае на 31 сакавіка, паведамляе Беларуская праўда.

Віцебскі апазыцыянэр Барыс Хамайда атрымаў позву з патрабаваньнем зьявіцца ў аддзел прымусовага выкананьня Першамайскага раёну Віцебску 25 сакавіка – на Дзень Волі. Зь яго зьбіраюцца спагнаць штраф у памеры 810 рублёў, прысуджаны за пікет у дзень перапахаваньня Каліноўскага. Але – штраф быў аплачаны яшчэ два тыдні таму…

Віцебскі праваабаронца Павал Левінаў патрабуе ад Міністэрства ўнутраных спраў (МУС) узмацніць меры бясьпекі ў месцах пазбаўленьня волі ў сувязі з рапаўсюдам каронавірусу. Сярод патрабаваньняў – прыпыніць выкананьне адміністрацыйных арыштаў, а таксама – вызваленьне непаўналетніх і пажылых зьняволеных, наогул тых, хто не пагражае грамадзкай бясьпецы.

Легендарны віцебскі дысыдэнт Барыс Хамайда выйшаў 22 сакавіка да «сіняга дому» ў Віцебску з плякатам, на якім было напісана: «У краіне няма легітымнай улады. Таму падчас эпідэміі каронавірусу аб’яўляю карантын у Віцебску тэрмінам на 30 дзён».

Журналіст-фрылянсэр з Глыбокага Зьміцер Лупач абскарджваў пастанову Шаркоўшчынскага раённага суду, які прызнаў яго вінаватым у парушэньні заканадаўства аб СМІ і пакараў штрафам паводле арт. 22.9 КаАП за супрацу з тэлеканалам «Белсат». Падставай для адміністрацыйнага перасьледу стаў сюжэт пра дзіцячую пляцоўку ў Шаркоўшчыне для гумарыстычнай перадачы «Суб’ектыў», паведамляе служба маніторынгу «Беларускай асацыяцыі журналістаў».

Простае таварыства «Грамадзкі камітэт упаўнаважаных па правах чалавека «Правы для ўсіх» просіць уключыць праваабаронцу Паўла Левінава ў склад Віцебскай абласной грамадзкай назіральнай камісіі. Ягоную кандыдатуру таварыства зацьвердзіла 9 сакавіка 2020 году.

Віцебскую актывістку і блогерку Алену Янушкоўскую шэсьць разоў судзілі за ўдзел і заклікі да ўдзелу ў акцыях за незалежнасьць Беларусі. Агульная сума штрафаў, прысуджаных Янушкоўскай, сягае 4590 рублёў. Актывістка зьвярнулася з просьбай, каб суды дазволілі адтэрмінаваць выплату такіх вялікіх грошай, але атрымала адмовы.

Да 20-га сакавіка палітвязень Міхаіл Жамчужны будзе знаходзіцца ў Віцебскім абласным сьледчым ізалятары. Пра гэта ён паведаміў праваабаронцам у чарговым лісьце зь СІЗА-2. Як мяркуе палітвязень, пасьля Віцебску яго зноў этапуюць у ПК №9 г. Горкі Магілёўскай вобласьці.