Віцебскае ТБМ прапануе ўвесьці анкетаваньне бацькоў наконт мовы навучаньня ў школах
Прапанова ўвесьці абавязковае анкетаваньне бацькоў будучых першаклясьнікаў для вызначэньня мовы навучаньня іх дзяцей прагучала 5 сакавіка на сходзе Віцебскай гарадзкой арганізацыі «Таварыства беларускай мовы імя Францішка Скарыны» (ТБМ). З гэтай прапановай сябры арганізацыі зьвернуцца ў гарадзкі аддзел адукацыі.
У Віцебскім СІЗА-2 не дазволілі зрабіць перадачу для Жамчужнага і адмовілі ў спатканьні
Віцебскія праваабаронцы Павал Левінаў і Леанід Сьвецік зьвярнуліся з просьбай да адміністрацыі СІЗА №2 даць ім кароткатэрміновае спатканьне з палітвязьнем Міхаілам Жамчужным, а таксама дазволіць зрабіць для яго перадачу і пералічыць на ягоны асабісты рахунак сродкі. Праваабаронцам далі дазвол толькі на пералік грошай.
Былога дырэктара заводу «ВІЗАС» асудзілі на пяць з паловай гадоў калёніі
Былы дырэктар ААТ «ВІЗАС» прызнаны вінаватым у крадзяжах, злоўжываньні службовымі паўнамоцтвамі і нявыплаце алімэнтаў на траіх дзяцей. Пяць з паловай гадоў ён правядзе ў калёніі ва ўмовах узмоцненага рэжыму, паведамляюць «Народныя навіны Віцебску».
На блогерку «Снимать разрешено» завялі крымінальную справу – за верш у камэнтарах
У дачыненьні да відэаблогеркі Вольгі Жураўскай («Снимать разрешено») распачатая крымінальная справа за публічную абразу прадстаўніка ўлады ў сувязі з выкананьнем ім службовых абавязкаў (арт. 369 КК РБ). Блогерцы пагражае да трох гадоў абмежаваньня волі.
Алеся Круткіна вызваляць 12 сакавіка. Ад галадоўкі ён адмовіўся
Полацкага актывіста і блогера Алеся Круткіна мусяць вызваліць зь віцебскага ізалятара часовага ўтрыманьня (ІЧУ) 12 сакавіка. Пра гэта «Віцебскай Вясьне» паведаміла маці Алеся, якая ў панядзелак 2 сакавіка перадала сыну харчовую перадачу. У які дакладна час выпусьцяць Алеся, пакуль невядома.
Мікалай Казлоў у Віцебску: Нас мусіць аб’яднаць ідэя пераменаў у краіне…
Старшыня АГП Мікалай Казлоў 28 лютага правёў сустрэчу з грамадзкасьцю Віцебску. Сустрэча прайшла напярэдадні заплянаванай працэдуры праймэрыз, якая мусіць вызначыць асобу адзінага кандыдата ад дэмакратычных сіл на сёлетніх прэзыдэнцкіх выбарах. У Віцебску народнае галасаваньне мусіць адбыцца 7 сакавіка.
У Полацку праз суд выселілі 29 жыхароў – не плацілі за камунальныя паслугі
У 2019 годзе суд Полацкага раёну і гораду Полацку разгледзеў 66 пазоваў аб высяленьні наймальнікаў памяшканьняў дзяржаўнага жылфонду і іхных сем’яў без забесьпячэньня іншым жыльлём. 34 пазоўныя заявы задаволеныя, 29 неплацельшчыкаў за камунальныя паслугі ўжо выселеныя з дамоў, па сутнасьці – выкінутыя на вуліцу.
Беларускія блогеры патрабуюць неадкладнага вызваленьня Алеся Круткіна
Вядомыя беларускія блогеры апублікавалі ў сеціве зварот у падтрымку актывіста Алеся Круткіна, які адбывае зараз адміністрацыйны арышт у Віцебску. У звароце патрабуюць ад уладаў спыніць неабгрунтаваны ціск на незалежных блогераў і журналістаў і неадкладна вызваліць Алеся Круткіна.
Амбасадарка Швэцыі і праваабаронцы сустрэліся ў Віцебску
У сераду 26 лютага Віцебск з афіцыйным візытам наведала амбасадарка Швэцыі ў Беларусі Крысьціна Юханэсан. Разам зь першым сакратаром дыппрадстаўніцтва Конрадам Рыкардсанам яны наведалі шэраг прадпрыемстваў і ўстановаў гораду, зрабілі візыты да гарадзкіх і абласных органаў ўлады і асобна сустрэліся зь віцебскімі праваабаронцамі Паўлам Левінавым і Леанідам Сьвецікам.
Сябры ініцыятывы «Хайсы» вызначыліся з плянамі на будучыню
26 лютага сябры грамадзянскай ініцыятывы «Хайсы» правялі сход, на якім заплянавалі дзейнасьць для далейшага ушанаваньня памяці ахвяраў сталінінізму. Мяркуюць стварыць сайт ініцыятывы, усталяваць новыя помнікі і мэмарыяльную дошку на будынку віцебскай турмы, распрацаваць экскурсійныя маршруты.