Супрацоўнікі МУС не здолелі даказаць віну Таццяны Філімонавай. Справу спынілі
Тры паседжанні спатрэбілася суду Кастрычніцкага раёну Віцебску, каб разабрацца ў акалічнасцях адміністрацыйнай справы ў дачыненні да віцяблянкі Таццяны Філімонавай. Яе вінавацілі ў парушэнні заканадаўства аб масавых мерапрыемствах. 27 лістапада у сувязі з недаказанасцю яе вінаватасці суддзя Царыкаў справу спыніў.
На свабоду выйшаў удзельнік АТА ва Украіне Тарас Аватараў. Адбыў у зняволенні 5 гадоў
26 лістапада з калоніі «Віцьба-3» выйшаў на волю беларускі добраахвотнік антытэрарыстычнай аперацыі (АТА) ва Ўкраіне і ўдзельнік «Правага сектару» Тарас Аватараў. У зняволенні ён правёў 5 гадоў. На такі тэрмін быў асуджаны ў 2016 годзе за незаконны абарот зброі ды боепрыпасаў і за кантрабанду (ч.2 арт. 295 КК і ч.2 арт. 228 КК).
Суд папярэдзіў пенсіянерку Тамару Ільіну за ўдзел у акцыі памяці Рамана Бандарэнкі
25 лістапада суд Першамайскага раёну Віцебску разгледзеў адміністрацыйную справу ў дачыненні пенсіянеркі Тамары Ільіной. Суд прызнаў 64-гадовую жанчыну вінаватай ва ўдзеле ў несанкцыянаваным пікетаванні – менавіта так міліцыя і суд расцанілі акцыю памяці Рамана Бандарэнкі каля мемарыялу «Боль» у Віцебску.
У Дуброўне зноў прыходзілі з ператрусам да Віктара Бугаёва – ён жыве за мяжой
24 лістапада да Наталлі Стрэльчанка – жонкі блогера і актывіста «Народнай Грамады» Віктара Бугаёва, прыйшлі супрацоўнікі міліцыі з панятымі, каб правесці ператрус. Гэта ўжо другі за два месяцы ператрус, які робіць дубровенская міліцыя ў межах крымінальнай справы, заведзенай на Бугаёва нібыта за абразу брэсцкага міліцыянта ў сацсетках.
Першы крымінальны працэс за гвалт да супрацоўнікаў МУС падчас шэсцяў пачаўся ў Віцебску
Першы крымінальны працэс з ліку распачатых у дачыненні да ўдзельнікаў вулічных шэсцяў пачаўся 24 лістапада ў судзе Кастрычніцкага раёну Віцебску. Віцябляніна Андрэя Цімафеенку вінавацяць у гвалце ў дачыненні да супрацоўніка МУС падчас «Маршу еднасці» 6 верасня.
У Віцебску скасавалі адміністрацыйную справу супраць незалежнага журналіста
Рашэнне скасаваць справу, пачатую супраць журналіста-фрылансера Вячаслава Лазарава, прыняў суд Кастрычніцкага раёну. Паводле міліцэйскага пратакола, журналіст размясціў здымкі з акцыі мірнага пратэсту 4-га кастрычніка ў тэлеграм-канале «Белсата», тым самым парушыўшы парадак вырабу і размяшчэння прадукцыі СМІ», паведамляе Беларускае Радыё Рацыя.
Менчука аштрафавалі ў Віцебску на 594 рублі за ўдзел у шэсці. Гэта быў яго 4-ы суд
Суд Кастрычніцкага раёну Віцебску аштрафаваў 39-гадовага менчука Аляксея Томашава на 594 рублі за ўдзел у вулічным шэсці (ч.3 арт. 23.34 КаАП). Такое рашэнне 23 лістапада прыняў суддзя Ілля Белавус. Сваёй віны мужчына не прызнаў.
У відэааператара Вячаслава Лазарава забралі машыну і вінавацяць паводле 23.34 КаАП
Журналісту-фрылансеру давялося пяць гадзін правесці ў Першамайскім РАУС Віцебску. У выніку на яго склалі пратакол за ўдзел у несанкцыянаваным масавым мерапрыемстве, хоць ніякага «мерапрыемства» не было, паведамляе служба маніторынгу Беларускай асацыяцыі журналістаў.
Максіму Каржыцкаму прысудзілі 10 сутак арышту – за ўдзел у акцыях памяці Рамана Бандарэнкі
Віцябляніна Максіма Каржыцкага 20 лістапада пакаралі адміністрацыйным арыштам на 10 сутак за ўдзел у акцыях, прысвечаных памяці забітага Рамана Бандарэнкі, якія прайшлі ў Віцебску 13 і 15 лістапада. Разгляд справы адбыўся ў судзе Першамайскага раёну Віцебску. Рашэнне аб арышце мужчыны прыняла суддзя Вераніка Барысава.
Камісія па справах няпоўнагадовых вынесла папярэджанне ліцэісту Руслану Яневічу – за ўдзел у шэсці
19 лістапада ў адміністрацыі Першамайскага раёну Віцебску адбылося пасяджэнне камісіі па справах няпоўнагадовых, на якім разглядалася адміністрацыйная справа ў дачыненні да навучэнца політэхнічнага ліцэю Руслана Яневіча. За ўдзел у несанкцыянаваным шэсці камісія вынесла Руслану папярэджанне (ч.1 арт. 23.34 КаАП).