Віцяблянку Куканос канваявалі зь СІЗА-2 ў Навінкі – на псыхіятрычную экспэртызу
Як стала вядома, затрыманая 11 красавіка актывістка Надзея Куканос да 29 красавіка ўтрымлівалася ў віцебскім СІЗА №2. У панядзелак яе пад канвоем адвезьлі ў рэспубліканскі цэнтар псыхічнага здароўя ў Навінках для правядзеньня судова-псыхіятрычнай экспэртызы. Пра гэта паведамілі яе паплечнікі па незарэгістраваным аб’яднаньні “За сумленную ўладу”.
Суд прызнаў, што Полацкі райвыканкам парушыў правы грамадзяніна на стварэньне арганізацыі
29 красавіка ў Эканамічным судзе Віцебскай вобласьці прайшло слуханьне справы па заяве полацкага актывіста Міколы Шараха аб прызнаньні незаконнымі дзеяньняў чыноўнікаў Полацкага райвыканкаму, якія адмовіліся зарэгістраваць прыватную ўстанову “Адвакацыя”. Суд стаў на бок грамадзяніна.
“Ого!” Міхаіл Мацкевіч расказаў, як у 90-я фармавалася беларуская дзяржава
Днямі ў Віцебску зь лекцыяй “Як гэта было, ці Станаўленьне беларускай дзяржаўнасьці ў 90-я” выступіў вядомы беларускі палітоляг, памочнік дэпутаткі Алены Анісім і праваабаронца Міхаіл Мацкевіч. Сустрэча прайшла ў межах адукацыйнага праекту “ОГО” ў Віцебскай абласной навукова-тэхнічнай бібліятэцы.
Прапанова аб звальненьні рэктара ВДУ “прынятая да ведама” – адказ на пэтыцыю
Міністэрства адукацыі адказала на пэтыцыю з патрабаваньнем адстаўкі рэктара ВДУ імя Машэрава Аляксея Ягорава. Аўтары пэтыцыі закідалі Ягораву правядзеньне на Дзень роднай мовы ў падпарадкаваным яму ўнівэрсытэце імпрэзаў, прысьвечаных “родному русскому языку”. Пад зваротам пакінулі подпісы 310 чалавек.
Полацак: чаму не атрымалася выселіць Свабодны прафсаюз і каму гэта трэба
Судовы выканаўца Полацкага аддзелу прымусовага выкананьня Антон Лашкевіч 18 красавіка забараніў Свабоднаму прафсаюзу Беларускаму (СПБ) карыстацца офісам у Полацку – згодна з рашэньнем абласнога эканамічнага суду. Аднак маёмасьць першаснай арганізацыі СПБ працаўнікоў ААТ “Полацак-Шкловалакно” засталася ў офісе, бо ў рашэньні суду яна ніяк ня згадваецца.
“Царква не ўхваляе”. Віцебскім чарнобыльцам ня далі пусьціць па Дзьвіне вянок смутку
Традыцыя пускаць жалобны вянок па Дзьвіне ў Дзень чарнобыльскай трагедыі існавала ў Віцебску больш за 15 гадоў. Сёлета віцебскія вэтэраны Чарнобылю хацелі перадаць гэтую традыцыю маладым і зьвярнуліся па дапамогу ў Віцебскі гарвыканкам. Улады спачатку абнадзеілі, а потым паведамілі, што апускаць вянок нельга – не ўхваляе царква…
Чаму віцебскі “Справядлівы сьвет” падаў заяўку на “Несьмяротны полк” – камэнтар
Стала вядома, што віцебскія апазыцыйныя камуністы – сябры партыі “Справядлівы сьвет” падалі ў Віцебскі гарвыканкам заяўку на правядзеньне 9 траўня акцыі-шэсьця “Несьмяротны полк”. Заяўку падтрымалі прадстаўнікі некалькіх недзяржаўных арганізацыяў.
Суд: міліцыя мусіць выплаціць актывісту 8,72 рублёў за зьнішчаны на БНР-100 сьцяг
Суд Першамайскага раёну Віцебску толькі часткова задаволіў пазоўныя патрабаваньні Міколы Качурца, які прасіў спагнаць з Кастрычніцкага РАУС 42 рублі за зьнішчаны ў 2018 годзе бел-чырвона-белы сьцяг. Судзьдзя Алена Савіцкая ацаніла шкоду на 8 рублёў 30 капеек.
Ці парушыў судзьдзя Зубеня правы віцебскага журналіста Скрыля? Адказ Вярхоўнага суду
Пра тое, што судзьдзя Віцебскага райсуду Міхаіл Зубеня парушыў правы грамадзяніна, паведаміў Вярхоўнаму суду віцебскі праваабаронца Павал Левінаў. У сакавіку 2019 году судзьдзя Зубеня аштрафаваў журналіста Віталя Скрыля на 25 базавых велічынь. Падчас суду ён адхіліў хадайніцтвы Скрыля аб удзеле ў працэсе перакладчыка і беларускамоўнага адваката. Вярхоўны суд парушэньняў не пабачыў…
Полацкага актывіста Алеся Круткіна аштрафавалі на 382 рублі за заклік на малітву
Полацкі актывіст і блогер Алесь Круткін быў затрыманы 20 красавіка па дарозе на мітынг у Берасьце, куды дабіраўся аўтастопам. Ён правёў двое сутак у полацкім ізалятары і быў аштрафаваны на 15 базавых велічынь за заклік памаліцца 15 красавіка за Курапаты ля рэзыдэнцыі прэзыдэнта (арт. 23.34 КаАП).