Студэнтку ВДМУ Паліну Нітчанка аштрафавалі на 648 рублёў за ўдзел у акцыі са спевамі «Перамен!»
Суд Кастрычніцкага раёну Віцебску 10 лістапада разгледзеў адміністрацыйную справу ў дачыненні студэнткі віцебскага медуніверсітэту Паліны Нітчанка, якую міліцыянты звінавацілі ва ўдзеле ў несанкцыянаваным пікетаванні 26 кастрычніка. Суд прызнаў студэнтку вінаватай і пакараў штрафам у памеры 24 базавыя велічыні.
Затрыманне Таццяны Севярынец і Алены Шабуні. На журналістку склалі пратакол
У нядзелю 8 лістапада віцебская актывістка Таццяна Севярынец і незалежная журналістка Алена Шабуня былі затрыманыя на вуліцы Леніна ў Віцебску. Жанчыны ішлі па сваіх справах ад абласной бібліятэкі ў бок ГЦ «Марка-сіці», але да гандлёвага цэнтру так і не дайшлі – былі затрыманыя міліцыянтамі і дастаўленыя ў Чыгуначны РАУС Віцебску.
Арыштам на 7 сутак за выказванне меркавання пакараны ў Полацку Генадзь Бердзянёў
У Полацкім судзе 4 лістапада намеснік старшыні суду Уладзімір Бясецкі пакараў на 7 сутак адміністрацыйнага арышту Генадзя Бердзянёва за ўдзел у масавым мерапрыемстве 25 кастрычніка. Генадзь сцвярджаў на судзе, што «выказваў сваё меркаванне індывідуальна, пратэстуючы супраць затрымання мірных грамадзян».
Міколу Качурцу прысудзілі 15 сутак арышту. Ён не затрыманы
Суд Першамайскага раёну Віцебску 5 лістапада пастанавіў пакараць вядомага віцебскага актывіста Міколу Качурца адміністрацыйным арыштам на 15 сутак за ўдзел у вулічным шэсці, якое адбылося 20 верасня. На суд Мікола Качурэц не прыйшоў. Ягоную справу разглядала суддзя Вераніка Барысава.
Вядомага гітарнага майстра Аляксандра Баярына пакаралі за ўдзел у шэсці штрафам
Аляксандр Баярын – вядомы ў Віцебску стваральнік унікальных гітар. 25 кастрычніка ён далучыўся да шэсця грамадзян, якія мірна пратэставалі супраць міліцэйскага гвалту і беззаконня ў краіне. Мужчына прайшоў у калоне ўсяго ад плошчы Леніна да плошчы Свабоды, аднак патрапіў у кадры міліцэйскіх відэаздымак. На яго завялі адміністрацыйную справу, якую 5 лістапада разгледзеў суд Кастрычніцкага раёну.
Сябры ініцыятывы «Хайсы» наведалі знакавыя месцы, звязаныя з лёсам ахвяраў сталінізму
4 лістапада сябры грамадскай ініцыятывы «Хайсы» наведалі ў ваколіцах Віцебску месцы расстрэлаў і пахавання рэпрэсаваных грамадзян. Дзень быў выбраны не выпадкова: 4 лістапада 1937 году ў Віцебску расстралялі 110 чалавек, сярод якіх былі мастакі Янка Гаўрыс, Яўхім Мінін, браты Пётр і Хрыстафор Даркевічы…
Пачаўся працэс над 18-гадовай Сафіяй Цярэнцьевай. У справе з'явіўся другі пратакол
18-гадовая віцяблянка Сафія Цярэнцьева 29 кастрычніка зладзіла ў падтрымку рэпрэсаваных студэнтаў адзіночны пікет. У той жа дзень дзяўчына была адлічаная з тэхналагічнага каледжа, яе затрымалі і змясцілі ў СІЗА, дзе правяла трое сутак. 4 лістапада адміністрацыйную справу (ч.3 арт. 23.34 КаАП), заведзеную ў дачыненні Цярэнцьевай, пачаў разглядаць суд Кастрычніцкага раёну Віцебску.
Уладальніка «Жывемабіля» Андрэя Кулакова аштрафавалі на 405 рублёў – за сярэдні палец супрацоўнікам МУС
Віцебскага актывіста Андрэя Кулакова, больш вядомага як уладальніка «Жывемабіля», суд Кастрычніцкага раёну Віцебску аштрафаваў 3 лістапада на 15 базавых велічынь за дробнае хуліганства (арт. 17.1 КаАП). Справу Кулакова разглядаў суддзя Мікалай Атрахімовіч.
Дзяды: віцебскія актывісты ўшанавалі ў Паляях памяць аб рэпрэсаваных грамадзянах
У Дзень памяці 2 лістапада віцебскія актывісты наведалі мемарыяльнае месца расстрэлаў за часамі сталінізму мірных грамадзян Беларусі ля вёскі Паляі Віцебскага раёну. У гэты ж дзень наведалі вясковыя могілкі ў вёсцы Друкава, дзе пахаваны кіраўнік Віцебскай абласной рады КХП БНФ Уладзімір Плешчанка.
Пенсіянерцы Таццяне Зеляновай вынеслі папярэджанне. Да гэтага быў штраф
Суд Першамайскага раёну Віцебску 2 лістапада вынес папярэджанне 64-гадовай віцяблянцы Таццяне Зеляновай за ўдзел у мірным маршы 30 жніўня (ч.1 арт. 23.34 КаАП). Пенсіянерка назвала на судовым паседжанні выстаўленыя ў дачыненні яе абвінавачанні смеху вартымі.