Камітэт па правах чалавека зарэгістраваў скаргу Таццяны Севярынец
На пачатку 2021 году Камітэт па правах чалавека ААН зарэгістраваў пад нумарам 3820/2020 індывідуальную скаргу Таццяны Севярынец. Грамадская актывістка лічыць, што беларускай дзяржавай было парушанае яе права на ўдзел у масавых мерапрыемствах.
Усе на суботнік, але ў рамках закона
17 красавіка па ініцыятыве ўладаў у Віцебскай вобласці пройдзе суботнік, на якім жыхары вобласці будуць працаваць на сваіх працоўных месцах або ажыццяўляць добраўпарадкаванне тэрыторый населеных пунктаў і сацыяльных ды іншых аб'ектаў. Плануецца, што ў суботніку возьмуць удзел больш за 300 тысяч чалавек.
Віцябляне прапануюць назваць вуліцы ў Чаромушках імёнамі мастакоў, пісьменнікаў і навукоўцаў
Петыцыя супраць прапанаваных назваў вуліц у новым мікрараёне Чаромушкі ў гонар савецкіх дзеячаў і газеты «Віцьбічы» была размешчаная на сайце petition.by 16 красавіка. Аўтары петыцыі прапануюць назваць вуліцы «у гонар сусветна вядомых віцяблян і людзей, непарыўна звязаных з нашым горадам» – Малевіча, Быкава, Салярцінскага ды іншых.
У Віцебску затрымалі актывіста Міколу Качурца
На досвітку 15 красавіка ў Віцебску быў затрыманы 62-гадовы актывіст Мікола Качурэц. Паводле інфармацыі, атрыманай ад жонкі Качурца, яго затрымалі нібыта з той прычыны, што меў не адбытыя 10 сутак адміністрацыйнага арышту. Пасля затрымання віцяблянін знаходзіўся ў Першамайскім РАУС Віцебску.
Былога палітвязня Андрэя Новікава затрымалі: вярнуўся ў Беларусь, каб дапамагчы з хворым дзіцём
Увечары 13 красавіка ў вёсцы Прусы Пастаўскага раёну быў затрыманы валанцёр «Краіны для жыцця» і былы палітвязень Андрэй Новікаў. Паводле жонкі Новікава, яму інкрымінуюць незаконнае перасячэнне дзяржаўнай мяжы (арт. 371 КК). У доме Новікавых прайшоў ператрус: канфіскавалі аргтэхніку і дакументы.
«Я б не хацеў жыць на вуліцы газеты «Віцьбічы». Улады прапанавалі назвы вуліц у Чаромушках
Віцебскі гарвыканкам абвясціў грамадскае абмеркаванне ў пытанні назваў трох вуліц у новым мікрараёне «Чаромушкі», які павінен паўстаць на Маскоўскім праспекце. Прапанаваныя варыянты назваў: Газеты Віцьбічы, імя Рыгора Багамазава (камандзір авіяпалка, дыслакаванага ў Віцебску) і Валянціна Міхельсона (першы сакратар Віцебскага гаркаму кампартыі). Абмеркаванні пройдуць ад 19 красавіка да 13 траўня.
У Докшыцах затрымлівалі журналістаў Алену Шабуню і Змітра Лупача – адпусцілі праз тры гадзіны
13 красавіка ў Докшыцах без усякіх на тое падставаў былі затрыманыя журналісты-фрылансеры Зміцер Лупач і Алена Шабуня. Тры гадзіны яны прабылі ў Докшыцкім РАУС, дзе з імі правялі прафілактычную размову, агледзелі тэлефоны і пасля гэтага адпусцілі. Без складання пратаколаў.
Камітэт па правах чалавека: права віцебчука было парушанае
Камітэт па правах чалавека ААН устанавіў факт парушэння беларускай дзяржавай права жыхара Віцебскага раёну Леаніда Здрэстава на распаўсюд інфармацыі. Камітэт прапанаваў Беларусі прыняць адпаведныя меры для прадастаўлення Здрэставу адэкватнай кампенсацыі і кампенсацыі яго судовых выдаткаў, а таксама прыняць меры для прадухілення падобных парушэнняў у будучыні.
Ахова садовых таварыстваў – абавязак дачнікаў? Праваабаронца: гэта неправамерна
Праз сайт мясцовага выканкаму Полацкі аддзел унутраных спраў заклікаў грамадзян, якія пражываюць на тэрыторыі садовых таварыстваў, па магчымасці арганізаваць вартавую ахову лецішчаў. Аддзел міліцыі абгрунтоўвае сваю просьбу тым, што ўдзел уладальнікаў дач у ахове дапаможа забяспечыць маёмасную бяспеку садаводчых таварыстваў, а таксама ўладальнікаў дачных домаўладанняў.
Удзельніка страйку на «Нафтане» Аляксандра Кухаронка асудзілі на 20 сутак арышту
12 красавіка ў Наваполацку адбыўся суд над удзельнікам стачкі на прадпрыемстве «Нафтан» Аляксандрам Кухаронкам. Нагодай для завядзення справы паводле ч.3 арт. 24.23 КаАП стала відэа, знятае страйкоўцамі ў падтрымку галасавання на пляцоўцы «Голас». Да суду мужчына правёў трое сутак у мясцовым ізалятары.