Жорсткія прысуды віцяблянам: Аляксандр Мацяюк – 9 гадоў калоніі, Алег Баразна – 2 гады і 3 месяцы
Суд Чыгуначнага раёну Віцебску 5 кастрычніка агучыў рашэнне ў справе актывістаў «Краіны для жыцця» Алега Баразны і Аляксандра Мацеюка, абвінавачаных паводле арт. 328 КК («Незаконны абарот наркатычных сродкаў») і паводле ч. 2 арт. 332 КК (Мацяюк) – «Арганізацыя альбо ўтрыманне прытонаў для ўжывання наркотыкаў». Суд прызнаў мужчын вінаватымі і пакараў Баразну – на 2 гады і 3 месяцы калоніі агульнага рэжыму, Мацеюка – на 9 гадоў калоніі ўзмоцненага рэжыму.
Праваабаронца Левінаў лічыць, што на яго ўчынілі замах. Суд падтрымаў ягоную скаргу
У судзе Першамайскага раёну Віцебску 4 кастрычніка разгледзелі скаргу праваабаронцы Паўла Левінава на пастанову мясцовага ўчастковага інспектара аб адмове ў завядзенні крымінальнай справы ў сувязі з замахам на жыццё. Левінаў прасіў скасаваць пастанову і прызначыць дадатковыя праверкі. Ён мяркуе, што супрацоўнікі міліцыі працавалі кепска і не захацелі расследаваць факт замаху на ягонае жыццё. Суддзя Наталля Карабліна і пракурор Вольга Мірошнікава падтрымалі довады праваабаронцы.
Блогерка з Віцебску: Незадаволенасць расце не толькі ў гарадах, але і ў вёсках
Калі пачнецца страйк – рэжым абрынецца. Пра гэта заявіла сайту Charter97.org актывістка і блогерка з Віцебску Алена Янушкоўская. «Страйк можа адбыцца аўтаматычна, праз пагаршэнне матэрыяльнага становішча працоўных. Калі гэта адбудзецца, то могуць здарыцца сур'ёзныя пратэсты, і тады рэжым абрынецца», – сказала яна.
«Сваякі казалі: хопіць, як матылькі, біцца аб лямпу, нікому ў краіне гэта не трэба». Інтэрв'ю з жонкай палітвязня Яўгена Афнагеля
«Родныя зняволеных становяцца перад выбарам — ці ставіць сваё жыццё на паўзу, пакуль любімы чалавек у турме, ці жыць толькі перадачамі і спатканнямі», — заўважае Кацярына Людвіг. Яе мужу, актывісту «Еўрапейскай Беларусі» Яўгену Афнагелю, далі сем год узмоцненага рэжыму. Пра затрыманне на канспіратыўнай кватэры, трывожнае чаканне навін з калоніі і каханне, мацнейшае за абставіны, — у інтэрв'ю «Нашай Нівы».
Два гады «хіміі» – за кароткае слова «чмо». У Віцебску абвясцілі яшчэ адзін прысуд за абразу міліцыянта Вольніча
Суд Першамайскага раёну Віцебску 4 кастрычніка вынес два аднолькавыя рашэнні за кароткія каментары пад постам актывісткі Вольгі Карач у сацыяльнай сетцы «Аднакласнікі». Спачатку на два гады «хіміі» быў асуджаны Аляксандр Шматаў. А праз некалькі гадзін аналагічнае рашэнне было прынятае ў дачыненні да 35-гадовага віцябляніна Мікалая Берднікава. Яго таксама прызналі вінаватым у публічнай абразе прадстаўніка ўлады (арт. 369 КК).
Аляксандра Шматава асудзілі на два гады «хіміі» за абразу супрацоўніка ДАІ з Ганцавічаў
4 кастрычніка суд Першамайскага раёну Віцебску, разгледзеўшы ў судовым паседжанні крымінальную справу 50-гадовага віцябляніна Аляксандра Шматава, прызнаў яго вінаватым у публічнай абразе прадстаўніка ўлады ў сувязі з выкананнем тым службовых абавязкаў (арт. 369 КК). Суд пастанавіў пакараць Шматава двума гадамі абмежавання свабоды з накіраваннем у папраўчую ўстанову адкрытага тыпу («хімія»).
Пракурорка запатрабавала два гады «хіміі» для віцябляніна, які абразіў даішніка
1 кастрычніка ў судзе Першамайскага раёну Віцебску прайшло другое паседжанне ў справе 50-гадовага віцябляніна Аляксандра Шматава, абвінавачанага паводле арт. 369 КК («Абраза прадстаўніка ўлады»). Як і першае, паседжанне прайшло без удзелу пацярпелага старшага лейтэнанта ДАІ Ігара Вольніча. Міліцыянт у пісьмовай форме патлумачыў, што адсутнічае ў сувязі з «аб’ектыўнымі службовымі абставінамі».
Віцебскі суд прызнаў экстрэмісцкімі інтэрнэт-рэсурсы EXOMON
Суд Чыгуначнага раёну гораду Віцебску 1 кастрычніка прызнаў тэлеграм-канал, тэлеграм-чат і ютуб-канал EXOMON экстрэмісцкім. Разгляд грамадзянскай справы заняў усяго 5 хвілін. Рашэнне прымала суддзя Святлана Варатынская. Заяву ў суд з патрабаваннем прызнаць гэтыя рэсурсы экстрэмісцкімі падавала сёмае ўпраўленне ГУБАЗіК МУС па Віцебскай вобласці.
Жыхара Полацку пасадзілі на 10 сутак за рэпосты навін Белсату і TUT.BY, зробленыя яшчэ летась
Суд Полацкага раёну і гораду Полацку 29 верасня пакараў мясцовага прадпрымальніка Генадзя Бердзянёва 10 суткамі адміністрацыйнага арышту за рэпосты ў сацсетцы «Аднакласнікі» навінаў Белсат і TUT.BY, зробленыя яшчэ 2020 годзе. Рашэнне аб арышце палачаніна прымаў суддзя Андрэй Дзергачоў. Справу Бердзянёва (арт. 19.11 КаАП) ён разбіраў не больш за 20 хвілін.
«Такіх недан…скаў паўсюль хапае». Яшчэ аднаго віцябляніна судзяць за абразу даішніка на старонцы Вольгі Карач
30 верасня суд Першамайскага раёну Віцебску пачаў разгляд крымінальнай справы ў дачыненні 50-гадовага грузчыка аднаго з віцебскіх прадпрыемстваў Аляксандра Шматава. Мужчыну абвінавачваюць у публічнай абразе прадстаўніка ўлады ў сувязі з выкананнем тым службовых абавязкаў (арт. 369 КК). У свой час Шматаў працаваў у ППС у Віцебску. А раней, падчас тэрміновай службы, сам разганяў дэманстрацыі, прызнаўся.