Бел-чырвона-белы сцяг – на выставе пра генацыд беларускага народу
Жыхароў Віцебску спрабуюць пераканаць, што беларускі нацыянальны сцяг – гэта сімвал нацыстаў, якія дзейнічалі ў акупаванай Беларусі. Такую канцэпцыю прапанавалі стваральнікі экспазіцыі «Генацыд беларускага народу ў гады Вялікай Айчыннай вайны». У экспазіцыі прадстаўлены дакументы з фондаў Музею Вялікай Айчыннай вайны, а таксама матэрыялы следчай справы, якую вядзе Генеральная пракуратура. Аднак гістарычнымі матэрыяламі 80-гадовай даўніны ідэолагі вырашылі не абмяжоўвацца: побач са фотаздымкамі часоў нацысцкай акупацыі выстаўлены здымкі з масавых пратэстаў, якія адбыліся пасля прэзідэнцкіх выбараў 2020-га году.
У Полацку на 7,5 гадоў асудзілі рэдактара тэлеграм-канала "Полацк краіна для жыцця чат"
Суд Полацкага раёна прысудзіў 52-гадовага ўраджэнца Полацка, які працаваў кіроўцам аўтобуса ў Польшчы да 7,5 гадоў пазбаўлення волі. Асуджанаму ставілі ў віну стварэнне і кіраўніцтва экстрэмісцкім фарміраваннем, а таксама дзеянні, накіраваныя на ўзбуджэнне сацыяльнай варожасці і навучанне асоб для ўдзелу ў масавых беспарадках. Тым не менш пасля асуджэння рэдактара ТК працягвае распаўсюджваць інфармацыю і мае 770 падпісчыкаў.
Расейскія ўлады далі дазвол на выдачу палітзняволенай жыхаркі Віцебска
Расія адобрыла выдачу віцяблянкі Яны Пінчук у Беларусь. Пастановай Васілевостраўскі раённага суда Санкт-Пецярбурга ад 3 лістапада 2021 года ў дачыненні да Пінчук была абрана мера стрымання ў выглядзе ўтрымання пад вартай, пасля падоўжаная на тэрмін да 30 красавіка 2022 года. Цягам некалькі тыдняў, жанчына будзе дастаўлена ў Віцебскі абласны следчы ізалятар №2.
Дапамога пацярпелым украінцам або спроба разгрузіць склады беларускіх прадпрыемстваў?
Верхнядзвінскі райвыканкам абвясціў «Збор гуманітарнай дапамогі сем’ям Данбасу, дзецям і параненым, мірнаму ўкраінскаму насельніцтву». Цягам 10-ці дзён неабыякавым жыхарам райцэнтру прапанавана прыносіць у раённы дом культуры адзенне, прадукты харчавання, сродкі асабістай гігіены і медыкаменты. Але гэта павінны быць не проста рэчы, а вырабы канкрэтных беларускіх вытворцаў.
Работнікі «Нафтана»: прадпрыемства спыніць сваю працу на працягу 2-3 месяцаў
Апошнім часам працоўныя ВА "Нафтана" (Наваполацк) паведамляюць праваабаронцам аб катастрафічнай сітуацыі на горадаўтваральным прадпрыемстве. Яны называюць прычыну спынення аб'яднання - перапоўненасць складоў з-за адсутнасці рынкаў збыту. Гэта следства санкцый, якія былі ўведзены еўрапейскімі краінамі ў адносінах да Беларусі за ўдзел у расійска-ўкраінскай вайне на баку Расіі. Паралельна ўлады ізалююць на 2 месяца Старшыню Незалежнага прафсаюзу “Нафтана” Вольгу Брыцікаву.
За абразу старшыні Шумілінскага суда вінаваты асуджаны на 3 гады абмежавання волі
У пачатку красавіка за абразу старшыні суда Шумілінскага раёна Іны Грабоўскай жыхар п. Обаль (Шумілінскі раён) быў пакараны 3 гадамі абмежавання волі без накіравання ў папраўчую ўстанову адкрытага тыпу. Прычынай інцыдэнту стала незадаволенасць, з пункту гледжання 61-гадовага асуджанага, несправядлівым прысудам па адміністрацыйнай справе, раней вынесеным яму суддзёй Грабоўскай.
У Віцебску за абразу міліцыянта асудзілі жыхарку Крычава
Суд Першамайскага раёну Віцебску пакараў жыхарку Крычава Марыну Каласкову абмежаваннем волі на паўтара гады з накіраваннем ва ўстанову адкрытага тыпу, прызнаўшы яе вінаватай паводле артыкула 369 Крымінальнага кодэксу. Суддзя Міхаіл Юрчанка асудзіў жанчыну за абразу былога начальніка Ганцавіцкага РАУС Віталя Куляшова. Пацярпелы на паседжанне не зʼявіўся, але пісьмова звярнуўся ў суд з заявай аб спагнанні з абвінавачанай сродкаў у памеры 1000 рублёў за маральную шкоду. Суд задаволіў матэрыяльныя прэтэнзіі Куляшова.
У хуткім часе Камітэт ААН па правах чалавека разглядзіць скаргу віцебскага грамадскага актывіста
5 красавіка Камітэт паведаміў грамадзянскаму актывісту з Віцебску Мікалаю Качурцу аб тым, што яго паведамленне аб парушэнні правоў з боку беларускай дзяржавы прымальна для разгляду Камітэтам па сутнасці. "Ваша паведамленне лічыцца працэсуальна гатовым для прыняцця Камітэтам рашэння аб прымальнасці і па сутнасці" - напісаў у афіцыйным дакуменце кіраўнік Сектара дагавораў аб правах чалавека Ібрагім Салама. Гэта азначае, што ў вялікай верагоднасцю Мікалай зможа абараніць сябе ад самавольства ўлад.
У 2021 годзе Віцебская вобласць страціла $2 млдр. у гандлі з расійскімі рэгіёнамі
Тавараабарот Віцебскай вобласці з рэгіёнамі Расіі склаў $4,3 млрд. Віцебскія прадпрыемствы і фірмы экспартавалі прадукцыю на агульную суму $1,2 млрд., расійскі імпарт склаў $3,1 млрд. Гандлёвы баланс у $1, 9 млрд. атрымаўся не на карысць эканомікі Віцебскага рэгіёна.
Улады працягваюць пераслед прафсаюзнага лідэра з Новаполацка Вольгу Брыцікаву
13 красавіка Вольга мусіла выйсці на волю, але міліцыянты сказалі, што яна затрыманая на 72 гадзіны. Хутчэй за ўсё супраць яе распачата крымінальная справа, але не вядома, што ўлады ёй інкрымінуюць. За кратам ізалятары часовага утрымання ва Ушачах Брыцікава ўтрымліваецца ўжо 46-я суткі.