21 траўня ў Беларусі адзначаецца Дзень салідарнасці з палітзняволенымі. СТАТЫСТЫКА
Гэтую дату выначыў Праваабарончы цэнтр "Вясна" ў памяць пра палітвязня Вітольда Ашурка, які загінуў у шклоўскай калоніі ў 2021 годзе. Сёння ў Беларусі як мінімум 841 чалавек застаецца за кратамі па палітычных матывах. За апошнія 5 гадоў мінімум 9 палітвязняў памерлі ў зняволенні.
20 год таму пайшоў з жыцця Уладзімір Плешчанка – адзін з першых у Беларусі зняволеных па палітычных матывах.
Спадар Уладзімір памёр 20 траўня 2026г. на 57-м годзе жыцця ў вёсцы Вароны Віцебскага раёна – у апошнія гады ён быў вымушаны трымаць невялікую гаспадарку, якая стала галоўным сродкам ягонага існавання. Бо з невялікае пэнсіі па інваліднасці вылічвалі грошы на шматмільённыя штрафы. Плешчанка меў хворае сэрца, але па некалькі разоў на тыдзень прыяжджаў у Віцебск і разам з Барысам Хамайдам ладзіў пікеты ля так званага “сіняга дому” – раздаваў улёткі ці проста стаяў пад бел-чырвон-белым сьцягам.
Непадалёк ад вёскі Прыпернае ў Глыбоцкім раёне быў заўважаны баявы дрон
На Віцебшчыне, у Глыбоцкім раёне, непадалёк ад вёскі Прыпернае мясцовыя жыхары, якія пажадалі застацца ананімнымі, пачулі гук, які нагадваў ім гук мапеда, а пасля пачулі выбух. Як стала вядома, там упаў баявы дрон, які спачатку не выбухнуў, а яго падарвалі сілавікі. Чый гэта быў дрон, залётны ці такім чынам навучаліся самі беларускія вайскоўцы, людзям невядома.
Паўла Севярынца ўзнагародзілі Ордэнам Пагоні
Палітыка і былога палітвязня Паўла Севярынца, які родам з Віцебшчыны, Рада БНР 17 траўня ў Вільні ўзнагародзіла тытулам кавалера Ордэна Пагоні з наданнем адзнакі Крыжу Ордэну Пагоні. Урачыстая цырымонія прайшла ў віленскім Беларускім музеі імя Луцкевіча.
Суды Віцебшчыны зноў паспрыялі папаўненню Рэспубліканскага спіса экстрэмісцкіх матэрыялаў
Адпаведныя рашэнні прынялі суды Чашніцкага і Расонскага раёнаў.
Ганна Федаронак цвёрда вырашыла знайсці зламыснікаў, якія яе "пахавалі"
Гісторыя з пахаваннем Ганны Федаронак, вымушанай палітэмігранткі з Пастаўшчыны і адміністратарка варшаўскага шэлтара для палітуцекачоў з Беларусі, пачалася ў мінулы аўторак. Жанчыне пераслалі фотаздымкі ўлётак, дзе гаварылася, што “Ганна Федаронак памерла” і што адкрыты збор сродкаў, каб яе пахаваць. Прычым указваліся рэквізіты рахункаў, звязаныя з грамадскай дзейнасцю актывісткі - з фондам "Прытуляй мяне".
У пералік асобаў, “датычных да экстрэмісцкай дзейнасці”, унеслі палачанку Ціну Палынскую і яе дачку
Паводле гэтага спіса на сайце МУС, Ціна Палынская і Маргарыта Рабіновіч прызнаныя вінаватымі паводле частак 1, 2 арт. 361-4 КК РБ (садзейнічанне экстрэмісцкай дзейнасці) і зараз «адбываюць пакаранне». Меркавана, іх справа можа быць звязана з прызнаннем «Беларускай аналітычнай майстэрні» прафесара Андрэя Вардамацкага «экстрэмісцкім фармаваннем». Гэтая арганізацыя праводзіла сацыялагічныя апытанні сярод беларускіх грамадзян.
Чашніцкая “раёнка” таксама засталася без рэдактара
Рэдакцыя газеты “Чырвоны прамень” ( дарэчы, назву раённае выданне не мяняла з 1965 года) працуе без кіраўніцтва. Як вынікае са звестак на сайце дзяржаўнай службы занятасці, у “раёнцы” вакантныя пасады рэдактара ( аклад 2 000 – 2 150 руб.) і намесніка рэдактара ( аклад 1 300 – 1 500 руб.) Але для Віцебшчыны адсутнасць кадраў у дзяржСМІ даўно не дзіва – тут ужо амаль 9 месяцаў без галоўнага рэдактара працуе нават абласная газета «Витебские вести».
Вынік дэмаграфічнага спаду: у Віцебску закрываюць адразу 6 дзіцячых садкоў
Абласныя ўлады тлумачаць гэта старэннем насельніцтва ў раёнах старой забудовы: там зменшылася колькасць дзяцей “дзетсадаўскага” ўзросту, і ўтрымліваць установы з няпоўнай “камплектнасцю” стала нерацыянальна. Такім чынам, праблема, ужо даўно вядомая ў сельскай мясцовасці, дзе школы і садкі зачыняюцца не першы год, распаўсюдзілася і на абласны цэнтр.
Міліцыя паведаміла пра затрыманне 21-гадовага жыхара Віцебшчыны, які “придерживался националистических и протестных взглядов”
Але ў паведамленні Telegram-канала “МВД Беларусі” ніякіх доказаў гэтаму няма. Хаця мы ведаем, што сілавікі ніколі не ігнаруюць мажлівасці прадэманстраваць знойдзеную падчас вобшуку бел-чырвона-белую сімволіку. Найхутчэй, нацыяналізм і пратэстная актыўнасць згаданы, як кажуць, “для прыцягнення ўвагі”. І для дапаўнення “вобраза ворага”.