Вясковец пайшоў з бітай у руках на старшыню сельвыканкаму
Інцыдэнт адбыўся ў Віцебскім раёне сёлета ў верасні. Да 76-гадовага мясцовага жыхара з’явілася так званая “аглядная камісія” у якую ўваходзяць прадстаўнікі ўлады, міліцыі, МНС і іншых структур. Камісію сустрэў 47-гадовы сын гаспадара, і , як паведамляе абласная газета «Витебские вести», выказаў пагрозы на адрас старшыні сельвыканкаму і “применил физическое насилие, используя в качестве оружия бейсбольную биту” – нанёс адзін удар “по туловщу потерпевшего” і замахнуўся яшчэ раз.
Асобаў, якія стаяць на ўліку ў міліцыі, змусілі добраўпарадкаваць тэрыторыю да абласных “Дажынак”
Гэтая імпрэза сёлета запланавана ў райцэнтры Мёры. Грамадзян, якія стаяць на ўліку ў тамтэйшай крымінальна-выканаўчай інспекцыі, заабавязалі прыбіраць смецце на цэнтральных вуліцах. Інвентар выдала мясцовая служба ЖКГ, але пра спецвапратку ці хаця б рукавіцы для “памочнікаў” ніхто не паклапаціўся.
У спіс тэрарыстаў дадалі Галіну Усцюгаву і Віктара Гурына
Віктар Гурын займаў высокі пост у адміністрацыі віцебскага "Белвеста", Галіна Усцюгава была чыноўніцай раённага масштабу ў Бешанковічах. Учора іх імёны і прозвішчы з'явіліся ў пераліку «асоб, датычных да тэрарыстычнай дзейнасці» , які складае КДБ.
“Хто распавёў, што школа развальваецца?” У Віцебску апытваюць вучняў СШ №18
28 верасня віцебскі Tik-Tok-канал распавёў пра тое, што навучальная установа аказалася не зусім гатова да навучальнага года: у двух кабінетах, размешчаных на 3 паверсе будынка, са столі абвалілася штукатурка.
Жыхара Віцебска пакаралі за здзек з дзяржаўных сімвалаў. У чым уласна быў "здзек"?
Інцыдэнт адбыўся яшчэ ўлетку, калі па ўсім горадзе вывесілі дзяржаўныя сцягі да 3 ліпеня – афіцыйнага Дня незалежнасці. Нецвярозы мужчына схапіўся за тканіну, і, пацягнуўшы яе, зламаў дрэўка сцяга, прымацаванага каля адной з гарадскіх крам. Відавочна не чакаўшы такога эфекту, віцяблянін разгубіўся, паспрабаваў прыладкаваць зламаны сцяг на месца, а калі гэта не атрымалася, перадаў яго супрацоўніку крамы...
Верагодна, палітвязня Міхаіла Філіпенку асудзілі за данаты ў падтрымку Украіны
Гэта меркаванне праваабаронцаў "Вясны". Але падрабязнасці, якія менавіта пераводы сталі падставай для абвінавачання, не вядомыя. 4 верасня 2026 года Міхаіла Філіпенку ўключылі ў пералік асобаў, "датычных да экстрэмісцкай дзейнасці", на сайце МУС.
Каб раскрытыкаваць палітыку Латвіі, на “круглы стол” у ПДУ запрасілі блогераў-перасяленцаў
У Полацкім дзяржаўным універсітэце правялі ўжо другое мерапрыемства на працягу гэтага месяца, дзе крытыкавалі суседнюю дзяржаву за “недружалюбнае” стаўленне да Беларусі. Да ўдзелу ў “круглым стале” «Беларусь – Латвия» прыцягнулі выкладчыкаў ВНУ, а таксама двух блогераў, якія нядаўна пераехалі з Латвіі – Рамана Самуля і Максометра.
Медыяменеджар, былы палітвязень Андрэй Аляксандраў атрымаў прэмію Free Media Awards 2026
Падчас выступу на цырымоніі Андрэй Аляксандраў падкрэсліў, што незалежная журналістыка фактычна выцясняецца з Беларусі, а журналісты аказваюцца ў зняволенні або ў выгнанні, і што 15 прадстаўнікоў беларускай медыясферы застаюцца за кратамі. Таму ён прысвяціў узнагароду сваім калегам, якія працягваюць працаваць у выгнанні або знаходзяцца ў зняволенні.
Полацкі суд “заблытаўся ў паказаннях”
У абноўленым “Рэспубліканскім спісе экстрэмісцкіх матэрыялаў” згаданы інтрнэт- рэсурс, які немагчыма знайсці па прапанаванай на сайце Міністэрства інфармацыі спасылцы. Гэта старонка ў Instagram “ з назвай "aktybin_vtb", як сцвярджае міністэрства, паведаміўшы, што яе прызнаў “экстрэмісцкай інфармацыйнай прадукцыяй” суд Полацкага раёна і горада Полацка.
Знікла частка "экстрэмістаў" з сайта МУС
З "пераліку асобаў, датычных да экстрэмісцкай дзейнасці", знікла частка спіса, абноўленага ў мінулую пятніцу: дадзеных, што былі размешчаныя там 25 верасня, больш няма. Мы заўважылі гэта яшчэ ўчора.