Па настойлівых патрабаванях гараджан у Віцебску распачалася праграма “Падвалы”. Але ёсць пытанні
Некалькі гадоў запар гараджане скардзіліся ва ўсе магчымыя інстанцыі на нездавальняючы стан камунікацый, асабліва ў старым жыллёвым фондзе. Са скаргамі на кепскі пах, ваду ў падвалах, нашэсці пацукоў, скочак, камароў людзі прыходзілі практычна на кожны прыём да прадстаўнікоў гарадскіх і абласных уладаў. Напрыканцы мінулага года было паабяцана, што ў абласным цэнтры будзе запачаткавана адмысловая праграма па ліквідацыі “падвальных” праблем.
27 лютага ў судзе Аршанскага раёна і г. Оршы зноў судзяць Аляксандра Францкевіча
Сёлета гэта ўжо другі суд за злоснае непадпарадкаванне адміністрацыі калоніі паводле ч. 2 арт. 411 Крымінальнага кодэкса. Справу прадстаўніка анархісцкага руху прызначана разглядаць Інна Кохава. Паўгода таму Аляксандра ўжо асудзілі да года пазбаўлення волі па гэтым артыкуле і перавялі з Ваўкавысскай калоніі ў Аршанскую ПК 8. Адміністрацыя і гэтай калоніі ініцыявала справу супраць вязня. Цяпер яму зноў могуць дадаць тэрмін зняволення.
Жыхара Віцебска Ерванда Марцірасяна будуць судзіць за непадпарадкаванне адміністрацыі Ваўкавысскай калоніі
Ерванд Марцірасян асуджаны да двух гадоў калоніі паводле часткі 1 артыкула 368 КК Рэспублікі Беларусь (Абраза прэзідэнта Рэспублікі Беларусь). У кастрычніку мінулага году мужчыну адправілі адбываць тэрмін у калонію № 11 у Ваўкавыску. 24 лютага яго будуць судзіць у судзе Ваўкавысскага раёна паводле ч. 1 арт. 411 КК (злоснае непадпарадкаванне патрабаванням адміністрацыі папраўчай установы). Справу будзе разглядаць Ганна Каралевіч.
У Глыбокім - новы суд за пратэсты 2020-га
25 лютага ў судзе Глыбоцкага раёна судзяць мясцовага прыдпрымальніка Сяргея Міхалевіча. Разглядаецца справа па ч. 1 арт. 342 Крымінальнага Кодэкса (арганізацыя і падрыхтоўка дзеянняў, якія груба парушаюць грамадскі парадак або удзел у іх). Старшынюе на працэсе суддзя Андрэй Тарасевіч.
Застрэліўся, бо “нагледзеўся, як людзей катуюць”
Такую версію падзей высунуў віцебскі ідэолаг, згадваючы самазабойства польскага памежніка, якое адбылося сёлета 2 лютага на мяжы з Беларуссю. Трагічны выпадак расследуе вайсковая паліцыя пад наглядам пракуратуры. Але галоўны спецыяліст ідэалагічнай работы і па справах моладзі Віцебскага аблвыканкама Святаслаў Міхайлаў ужо зрабіў свае высновы. Прычым - безапеляцыйныя.
7 судоў за адзін дзень
21 лютага ў судах Віцебскай вобласці вырашаўся лёс сама меней 7 чалавек, якіх судзілі за “распаўсюд экстрэмізму”. Сама меней - бо звесткі пра гэтыя суды можна было даведацца з адкрытых крыніц.Як мы ведаем, большасць судоў па палітычна матываваных адміністрацыйных справах не трапляе ў судовыя расклады.
Віцябляне пратэстуюць супраць зносу прыватнага сектара
Людзі звяртаюць увагу на тое, што ў Генеральным плане будаўніцтва Віцебска зменаў у раёне вуліц Ляонава, 6-й Свярдлова і 2-й Войкава не было зафіксавана. І пра тое, што прыватныя дамы плануецца аддаць пад знос, жыхары даведаліся выпадкова - ад геадэзістаў, які прыйшлі рабіць замеры. Аказалася, тут хочуць пабудаваць пяць шматпавярховак.
У Оршы стварылі чарговы вайскова-патрыятычны клуб
Мяркуючы па фотаздымках з імпрэзы, у клуб запісалі не толькі старшакласнікаў, але і вучняў 5-6 класаў. Канстатуючы рост падлеткавай злачыннасці на працягу мінулага года, Віцебская абласная пракуратура зноў заявіла, што менавіта ў дзейнасці вайскова-патрыятычных клубаў бачыць сродак барацьбы з негатыўнай тэндэнцыяй.
Суд Кастрычніцкага раёна Віцебска прызнаў "экстрэмісцкім" youtube-канал пра пірагі і плюшкі
На гэтым рэсурсе вымушаная эмігрантка Кацярына Мірзоева дзеліцца сваімі рэцэптамі. Падобна, "экстрэмісцкім" відэаканал "Всё сначала" прызнаны за ранейшыя ролікі, дзе аўтарка, былая жыхарка Полацка, распавядала , чаму мусіла пакінуць Беларусь. Цяпер яна жыве ў Польшчы. Расказваем гісторыю 66-гадовай пенсіянеркі, якая ў замежжы была вымушана пачынаць “всё сначала”.
Барыс Якубоўскі патрабуе навесці парадак у парку, які носіць імя ягонага сваяка
У “Аршанскую газету” прыйшоў ліст ад сваяка двойчы Героя Савецкага Саюза Івана Якубоўскага, чыім імем у Оршы названыя вуліца, школа №13 і невялікі парк у раёне “Чаромушкі”. Станам гэтага парка Барыс Якубоўскі і незадаволены: там няма абсталяваных месцаў для адпачынку і іншай інфраструктуры. Між тым, сёлетні гэд абвешчаны Годам добраўпарадкавання. На гэта вельмі спадзяецца сваяк знакамітага земляка.