Праваабаронцы прызналі палітзняволенымі яшчэ двух жыхароў Віцебшчыны
Гэта аршанец Рычард Логвінаў, затрыманы па справе “Беларускага Гаюна” (ен на фота), і віцяблянін Ігар Бурдаль , якога абвінавачваюць паводле арт. 368 (абраза Лукашэнкі) Крымінальнага кодэкса. Абодвух трымаюць у віцебскім СІЗА-2.
Названы кошт аршанскага флагштока, узведзенага “па просьбах моладзі”
Абласная газета “Витебские вести” упершыню назвала суму, у якую абыходзіцца новы флагшток Аршанскаму раённаму бюджэту. Кошт аб'екта склаў 2 мільёны 60 тысяч рублёў, і гэта яшчэ не фінальныя лічбы. Таксама дзяржСМІ паведаміла , быццам бы стварэнне будучай плошчы Дзяржаўных сімвалаў - гэта ініцыятыва гараджан, выказаная "ў ходзе зносін кіраўніцтва Аршанскага райвыканкама з насельніцтвам і моладдзю горада".
Аршанка Наталля Говорава запісала відэа з падзякай за падтрымку ў замежжы
Жанчыне ўдалося выехаць з Беларусі, дзе яе асудзілі на 4 гады "хіміі". 6 сакавіка суд Оршы і Аршанскага раёна прызнаў яе вінаватай у абразе прэзідэнта і абразе прадстаўніка ўлады за каментары ў інтэрнэце. Беларуская праваабарончая супольнасць прызнала Наталлю Говараву экс-палітвязняволенай.
5 гадоў калоніі за хабар - «Чалавеку года Віцебшчыны»
Пра такі кейс, калі “дырэктар аднаго з прадпрыемстваў» за хабар памерам 30 тысяч долараў быў асуджаны да атрымаў 5 гадоў калоніі ўзмоцненага рэжыму, прыгадала днямі пракуратура. Праўда, пракурор Віцебскай вобласці Андрэй Скурат у сваім дакладзе пра вынікі працы ведамства за першую палову 2025 года не прывёў ні прозвішча, ні статыстыку выпадкаў хабарніцтва на Віцебшчыне.
Што з пастаментам для помніка?
У Віцебску ёсць помнік вайскоўцам, у тым ліку салдатам тэрміновай службы, якія загінулі ў мірны час . Гэта камень-валун на пастаменце са звычайнай цэглы, каля якога штогод тправодзяцца мітынгі з удзелам прадстаўнікоў дзяржаўных уладаў. Летась старшыня абласной грамадскай арганізацыі салдацкіх маці Кацярына Кушнярова прапанавала сабраць грошы на рэканструкцыю памятнага знака - каб ен выглядаў больш прэзентабельна. Мясцовыя ўлады адмаўчаліся.
За татуіроўку з нацысцкай сімволікай - 3 месяцы арышту
У судзе Віцебскага раёна асудзілі 37-гадовага жыхара Бешанковічаў. Яго прызналі вінаватым па арт. 341-1 КК РБ (прапаганда ці публічнае дэманстраванне нацысцкай сімволікі або атрыбутыкі”. Падставай стала тое, што на безыменным пальцы левай рукі мужчына меў татуіроўку, набітую яшчэ ў 2007 годзе ў месцах пазбаўлення волі. І гэтая татуіроўка не аднойчы трапляла на відэа у TikTok- канале, які ён вёў.
У Полацку ствараюць першы клас з беларускай мовай навучання?
Нечуваная па цяперашніх часах навіна з’явілася на адным з рэгіянальных інтэрнэт-рэсурсаў. Праўда, спасылка на сайт мясцовага ўпраўлення адукацыі не адчыняецца. У сацыяльных сетках згаданай полацкай школы ніякіх паведамленняў пра пра стварэнне беларускамоўнага класа няма. Не паведамляе пра набор і мясцовая раённая газета. Ці гэта можна расцэньваць, як свядомае замоўчванне сацыяльна важнай інфармацыі, каб людзі не даведаліся пра такую магчымасць?
Праваабаронцы прызналі палітвязнем пастаўчаніна Дзяніса Цыбульскага
Супраць яго высунутыя крымінальныя абвінавачанні па арт. 342 КК РБ (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх), арт. 369 КК РБ (Абраза прадстаўніка ўлады), арт. 368 КК РБ (Абраза прэзідэнта Рэспублікі Беларусь), арт. 361-1 КК РБ (Стварэнне экстрэмісцкага фармавання або ўдзел у ім).
Яшчэ траіх жыхароў Глыбокага прызналі “экстрэмістамі”
Суды над імі сталі наступствамі міліцэйскага хапуна, праведзенага ў Глыбокім восенню мінулага года. Тады было затрымана некалькі дзесяткаў чалавек, якім паставілі ў віну ўдзел у мірных пратэстах пасля прэзыдэнцкіх выбараў 2020 г.
У “экстрэмісцкі спіс” на сайце МУС уключылі Таццяну Кандрацкую, прадпрымальніцу з Вушачаў
Са звестак у гэтым спісе вынікае, што 42-гадовую жанчыну асудзілі за “садзеянне экстрэмісцкай дзейнасці” ( чч. 1 і 2 арт 361-4 КК РБ). Справу жанчыны разбіраў Віцебскі абласны суд. Падобна, што яе пакаралі “хатняй хіміяй”, бо на сайце ведамства пазначана “судзімасць не пагашана”. Пад увагу міліцыі Таццяна Кандрацкая трапіла яшчэ ў ў 2023 годзе.