Навошта аршанскі “Легмаш” схаваў імёны і прозвішчы кіраўніцтва?
Як вядома, прадпрыемства працуе на абаронную прамысловасць, у тым ліку расійскую. У траўні гэтага года прадпрыемства нават было ўзнагароджана дыпломам “за значительный вклад в развитие современных систем вооружения”. Нагадаем, за падтрымку расійскага ваенрома аршанскі завод уклічаны ў санкцыйныя спісы. Цяпер на абноўленым інтэрнэт-сайце прадпрыемства зніклі асабістыя дадзеныя прадстаўнікоў адміністрацыі.
У Варшаве знікла вядомая беларуская актывістка, яна родам з Оршы
Абвестка з просьбай дапамагчы ў пошуках 38-гадовай Валерыі Саўчанкавай з’явілася ў Facebook - у суполцы «Беларусы в Варшаве». Там гаворыцца, што апошні раз яе бачылі 5 верасня каля 8-9-й раніцы непадалёк ад станцыі варшаўскага метро "Троцка". На ёй былі сукенка і сандалі, з сабой - пляцак. Знаёмыя не звязваюць яе знікненне з палітыкай, але занепакоеныя тым, што Валерыі можа спатрэбіцца тэрміновая медычная дапамога, бо яна хварэе на цукровы дыябет.
У Полацку замест радзільнага дома будуюць аўтасалон
Стары даўгабуд, які ўяўляў небяспеку для гараджан, перапрафілявалі: сваі, якія тырчэлі з зямлі больш дзясятка гадоў, выкарчавалі. І на месцы перынатальнага цэнтра, які абяцалі палачанкам з 2010-га года, ужо ідуць будаўнічыя працы. Тут паўстане аўтамабільны цэнтр «ДжыМотарс» — афіцыйнага дылера Geely і Belgee. А жанчыны па-ранейшаму будуць ездзіць нараджаць у сеседні Наваполацк.
Адразу 8 ураджэнцаў з Віцебшчыны ўключылі ў пералік “экстрэмістаў”
У абноўленым 5 верасня пераліку “асобаў, датычных да экстрэмісцкай дзейнасці”, згадваюцца 8 асобаў з Віцебскай вобласці. Некаторыя з іх асуджаны па справе “Беларускага Гаюна”, некаторыя - па справе палка Каліноўскага. Віцябляніна Сяргея Тулінава, як вынікае са спіса на сайце МУС, асудзілі за абразу Лукашэнкі, абразу прадстаўніка ўлады, абразу суддзі і распальванне варожасці. Шэраг абвінавачанняў застаецца невядомым.
Сям’і палітуцекача з Навалукомля пагражае дэпартацыя з Літвы
З-за пагрозы рэпрэсій Раман і Наталля Гладкіх з двума дзецьмі з'ехалі з Беларусі ў Літву. Там яны падалі дакументы з просьбай або прытулку і чакалі рашэння па сваёй заяве. Вынікам канчатковага разгляду стала адмова: 28 жніўня Дэпартамент міграцыі Літвы прапанаваў Раману добраахвотна пакінуць краіну да 5 верасня. У выпадку адмовы - дэпартацыя. Але сям’я спадзяецца, што ў іх паўторна прымуць дакументы на легалізацыю.
Памёр Юрый Конышка, найстарэйшы грамадскі актывіст з Оршы
Аршанскага прыхільніка Зянона Пазняка і дэмакратычных перамен у родным горадзе не стала 21 ліпеня, але пра гэтую сумную навіну стала вядома толькі цяпер. Юрый Конышка пайшоў у лепшы свет на 80-м годзе жыцця, пакінуўшы па сабе добрую памяць ва ўсіх сяброў і блізкіх.
На Віцебшчыне вынесены 52 прысуды за пратэсты 2020-га года
Віцебшчына не з’яўляецца лідарам па пераследзе за ўдзел у пратэстах паводле ч.1 арт 342 КК РБ. Але ў нашай вобласці ёсць адметны выпадак: толькі ў адным Глыбокім за ўдзел у пратэстах восенню 2020-га года ўжо асуджана каля 40 чалавек .Паводле “экстрэмісцкага перліку” на сайце МУС, на момант абвяшчэння выракаў рознымі судамі 92 чалавекі жылі ў Віцебскай вобласці.
Асуджанага да 13 год зняволення ксяндза Анджэя Юхневіча накіравалі ў бабруйскую калонію
Прысуд айцу Анджэю Юхневічу, пробашчу санктуарыя Маці Божай Фацімскай у Шуміліне, быў вынесены 30 красавіка 2025 г. Суд працягваўся амаль 4 месяцы і праходзіў у закрытым рэжыме. Таму ў чым канкрэтна абвінавацілі святара, якога першапачаткова затрымлівалі па «палітычных» матывах — не вядома. З раскладу суда вынікала, што яму інкрымінавалі тры крымінальныя артыкулы, якія тычацца палавых зносін з непаўналетнімі. Як даведаліся вернікі, святар цалкам адмаўляў абвінавачванні і спрабаваў даказаць сваю невінаватасць.
Каардынатар ініцыятывы “Народный депутат” абвясціў пра афіцыйнае закрыццё праекта
Ініцыятыва была заснавана ў Віцебску і займалася аналізам дзейнасці дэпутатаў і чыноўнікаў - наколькі дбайна яны выконваюць свае працоўныя абавязкі і абяцанні, дадзеныя выбаршчыкам. Паводле рашэння КДБ ад 21 красавіка 2025 года яна была прызнана “экстрэмісцкім фармаваннем” і ўключана ў «Пералік арганізацый, фармаванняў, індывідуальных прадпрымальнікаў, датычных да экстрэмісцкай дзейнасці» на сайце МУС.
Віцебская назіральная камісія чарговы раз засведчыла, што ў калоніях усё ОК
27 жніўня Віцебская грамадская назіральная камісія наведала дзве папраўчыя калоніі – ПК №1 і Наваполацку і ПК-3 у Віцебску, больш вядомую пад мясцовым назовам “Віцьба-3”. Па выніках было заяўлена, што “умовы ўтрымання, харчавання, лячэння, арганізацыі вольнага часу і навучання адпавядаюць патрабаванням, якія мае сістэма выканання пакаранняў”.