Праваабаронца Павел Левінаў прапанаваў дэпутатам Віцебскага аблСавета дэпутатаў у тэрміновым парадку павялічыць артыкул бюджэтных расходаў на ахову здароўя з-за таго, што ў бальніцах недастаткова грошай для закупкі сродкаў гігіены для дарослых і малалетніх пацыентаў. Пра недахоп памперсаў і вільготных сурвэтак ён даведаўся, калі спрабаваў даведацца пра лёс дачкі бацькоў-палітвязняў.

Суддзя суда Лёзненскага раёна Алена Шарэц 7 чэрвеня за распаўсюджванне “экстрэмісцкіх матэрыялаў” пастанавіла арыштаваць на пяць сутак жыхара Віцебска Антона Марозава.

Паводле допіса ў Фэйсбуку ягонай жонкі Яніны, палітзняволенага мінулай ноччу даставілі з гарадзенскай турмы ў рэанімацыйнае аддзяленне бальніцы хуткай дапамогі, дзе ён сканаў «пры нявысветленых абставінах». З падрабязнасцяў пакуль вядома толькі тое, што ў бальніцу палітвязень трапіў ужо непрытомным, яму пачалі рабіць аперацыю, падчас якой у пацыента спынілася сэрца. Пра стан здароўя Алеся Пушкіна апошнім часам мала ведалі нават найбліжэйшыя сваякі: лістоў ад яго не было з красавіка. У тых апошніх допісах ён скардзіўся на боль у нырках і згадваў, што дужа хутка страціў каля 20 кг вагі.

Згодна з апошнімі звесткамі, якія былі апублікаваныя на сайце Галоўнага статыстычнага ўпраўлення Віцебскай вобласці ў рэгіёне назіраецца ўстойлівае змяншэнне колькасці занятых у эканоміцы і рэзкае павелічэнне заработных выплат.

Гэтая група «ВКонтакте» існуе ўжо шмат гадоў і мае каля 1,5 тысяч падпісчыкаў. Асноўны змест – гэта мясцовыя аб“явы, зрэдку – абмеркаванне падзеяў рэгіянальнага або рэспубліканскага маштабу. Увагу тых, хто клапоціцца пра інфармацыйную бяспеку беларусаў і бароніць іх ад «апазіцыйнага дэструктыўнага ўплыву», маглі прыцягнуць хіба што фотаздымкі. У прыватнасці, фотаздымкі лавачак у двары, пафарбаваныя белым і чырвоным яшчэ ў 2019 годзе.

Ды 35-годдзя клуба «Русічы» на будынку аршанскага каледжа прафесіянальна-тэхнічнага каледжа з“явіліся адразу 4 мемарыяльныя дошкі. Адна ў гонар самога клуба, створанага ў 1988 годзе, а тры астатнія – у гонар ініцыятараў яго стварэння, ветэрана Вялікай Айчыннай вайны Васіля Ермалаева, выкладчыка гісторыі , краязнаўцы Аляксандра Кудзіна і ўласна стваральніка «Русічаў» Рыгора Шарая. Апошні з іх кіруе клубам да сённяшняга дня, хаця мясцовых жыхароў вельмі дзівіць тая акалічнасць, ўшто мемарыяльную дошку ўсталявалі жывому чалавеку.

Жыхары Віцебска праз інфармацыйную платформу "Зручны горад" звярнуліся ў Камітэт дзяржаўнага кантролю Віцебскай вобласці і Пракуратура горада Віцебска з петыцыяй, у якой указваюць на дэградацыю гарадской дарожна-вулічнай сеткі. Найбольш часта гэта праяўляецца ў выглядзе небяспечна адчыненых калодзежаў і грунтавых правалаў вакол іх, рамонт якіх гарадскія службы праводзяць з вялікім спазненнем. 

З Глыбоцкай ПК -13, дзе ўтрымліваюць зняволенага апазіцыйнага палітыка, ужо 5 месяцаў няма аніякіх звестак. Пра адсутнасці лістоў ад мужа ўжо цягам 150-ці дзён у Фэйсбуку нагадала ягоная жонка, Марына Адамовіч. Жанчына вядзе сумны ўлік часу зняволення: 30 траўня, калі звестак ад Мікалая Статкевіча не было 110 дзён, яна нагадала сябрам у сацыяльных сетках, што палітвязень знаходзіцца ў зняволенні ўжо тры гады.

Летась на ўтрыманне аб’ектаў добраўпарадкавання гарадоў і вёсак раёна ўлады выкарысталі звыш 1,35 мільёна рублёў. Сёлета на знешняе добраўпарадкаванне прадугледжана  каля 695 тысяч рублёў. Пра гэта мёрскія ўлады паведамілі на сесіі раённага Савета дэпутатаў, якая прайшла ў Мёрах.

Суддзя суда Верхнядзвінскага раёна Таццяна Кукліна 31 сакавіка арыштавала на 10 сутак дальнабойшчыка Аляксандра Каваленку, у віну якому было пастаўлена праведзенне масавага мерапрыемства.  Па версіі суда  “правапарушальнік” размесціў на пярэдняй панэлі кабіны аўтамабіля вымпел з выявай сцяга бел-чырвона-белага колеру і гербам “Пагоня”. Паведамленне ў міліцыю аб правапарушэнні паступіла з Віцебскай мытні.