Адразу два віцебскіх дзяржСМІ апублікавалі пагрозы “крыміналкамі” ў сувязі з прызнаннем Еўрапейскага дзяржаўнага ўніверсітэта “экстрэмісцкай арганізацыяй”.  Пра статус “экстрэмісцкага фармавання”, якім беларускі універсітэт у выгнанні  прызналі таксама, на сайтах газет «Витьбичи» і «Витебские вести» не згадваецца. Але хапае і таго, што ёсць.

Telegram-канал "seryikotnew" прызнаў “экстрэмісцкай” інфармацыйнай прадукцыяй суд Полацка і Полацкага раёна. Гэта адбылося яшчэ 30 красавіка, а 5 траўня гэты інтэрнэт-рэсурс быў ўнесены ў Рэспубліканскі спіс экстрэмісцкіх матэрыялаў.