Выданне спрабуе сфармаваць пазітыўнае стаўленне да абавязковай адпрацоўкі студэнтаў-платнікаў, хаця беларускім заканадаўствам гэта не прадугледжана. Газета падае  аргументы на карысць таго,  быццам абавязковая адпрацоўка пасля навучання — гэта не абмежаванне, а справядлівая і нават карысная практыка, не кантроль над выпускніком, а форма падтрымкі маладога спецыяліста.

Рамантызацыя часоў Вялікай Айчыннай вайны набывае ўсё больш вычварныя формы. У Сянно да Дня Перамогі  вырашылі правесці раённы конкурс страў ”Рецепты Победителей“. Але вы глыбока памыляецеся, калі мяркуеце, што журы  ацэньвала кашу з тушонкай, макароны па-флоцку, кулеш ці маркоўную гарбату. Фантазія ўдзельнікаў сягнула так далёка, што прапанаваныя стравы часам  нагадвалі банкетнае меню, а не сціплую ежу з салдацкага кацялка...