За 2017 год стацыянарныя крыніцы (прамысловыя прадпрыемствы) Наваполацку выкінулі ў паветра 51,7 тысяч тон забруджвальных рэчываў. Гэта амаль у тры разы больш за гадавыя выкіды Менску і ў 17 разоў больш за аб’ём забруджваньня паветра ў Віцебску.

Ніякіх радыкальных перамен і забаронаў “фанэры” не чакаецца. Але першая намесьніца міністра культуры Ірына Дрыга паабяцала аўтарам пэтыцыі “За жывы гук” “узмацніць кантроль” і разабрацца з сытуацыяй, якая склалася на  фэстывалі нацыянальных культур. Пры выкарыстаньне фанаграм на канцэртах “Славянскага Базару” ў Віцебску – ані слова.

Напрыканцы ліпеня на сайце realt.by зьявілася абвестка аб продажы бацькоўскай хаты Уладзімера Караткевіча ў Воршы. Менавіта ў гэтым доме Караткевіч напісаў сваё славутае “Дзікае паляваньне караля Стаха”. Аршанскія актывісты прапануюць усёй грамадой выкупіць дом і зрабіць у ім культурніцкую пляцоўку.

Крама “Князь Вітаўт” не пратрымалася ў Віцебску і аднаго году. Яна адчынілася ў жніўні 2017-га на праспэкце Фрунзэ, у лютым 2018-га пераехала ў піраміду “Марка-Сіці” і зачынілася амаль адразу пасьля сёлетняга “Славянскага Базару”. Мяркуем, гэта страта для Віцебску…

Паводле дакладу “Сацыяльна-эканамічнае становішча Віцебскай вобласьці ў студзені-траўні 2018 году”, толькі ў красавіку гэтага году колькасьць звольненых працаўнікоў дасягнула 8 тыс. 390 чалавек. Гэта на дзьве тысячы чалавек больш, чым уладкаваных на працу.

У дзень закрыцьця “Славянскага базару” 17 ліпеня ў Віцебску прайшоў устаноўчы зьезд грамадзянскай ініцыятывы “Саюз”. Заснавальнікі “Саюзу” спадзяюцца, што іхная дзейнасьць “дапаможа процістаяць засільлю празаходняй прапаганды ў інфармацыйнай прасторы Беларусі і Расеі”.

Віцебскі праваабаронца Павал Левінаў зьвярнуўся ў адміністрацыю Першамайскага раёну Віцебску с просьбай уключыць яго ў склад камісіі па спрыяньні занятасьці насельніцтва. На днях атрымаў афіцыйную адмову: “Задаволіць просьбу аб уступленьні ў камісію не ўяўляецца магчымым…”. Бо камісія ўжо створаная, склад зацьверджаны.

Віцяблянін Мікола Качурэц 6 ліпеня ўзяў удзел у Курапацкай вахце, а таксама ва ўсталяваньні крыжоў каля рэстарацыі “Поедем поедим”. Пакуль што вядома пра адзін пратакол, які склалі на яго супрацоўнікі ДАІ за парушэньне правілаў дарожнага руху (арт. 18.23. ч.1. КаАП РБ). Чакаецца суд.

Цягам больш за дзясятак гадоў гарадзкія ўлады забаранялі грамадзянскім і палітычным актывістам праводзіць у Віцебску масавыя мерапрыемствы. Забаранялі нават тады, калі актывісты згаджаліся на правядзеньне гэтых мерапрыемстваў у месцах, якія адміністрацыі раёнаў вызначылі паводле рашэньня №881 ад 10 ліпеня 2009 году.

Упершыню за апошнія шэсьць месяцаў віцебскія праваабаронцы атрымалі ліст ад палітвязьня Міхаіла Жамчужнага. Ён піша, што за апошнія паўгода накіраваў у Віцебск тры лісты, але ў адказ нічога не атрымаў. Гэтая акалічнасьць зьдзіўляе віцебскага праваабаронцу Леаніда Сьвеціка.